العربيه اللى حيلتى باااااظت :(

[fid0o]

رجعتلكو من جديد بمصيبه كالعاده بس المره دى تكمله للمشكله اللى فاتت

زى ما قولت ابل كده كنت ماشى 180 ورايح السخنه وسمعت فرقعه تحت الكبوت والعربيه بطلت ومن ساعتها مطلعتش نفس

وديتها للميكانيكى وكنت فاكر انها مشكلة سير كاتينه مع انى متأكد 100% انو سليم وهناك خدت فى وشى

البييل اتكسر وخرج من البلوك .. مش عارف دى حصلت ازاى بس ده اللى شوفته بعينى

دلوئتى انا الموتور راح منى ومش عارف اعمل ايه .. فى اقتراحات شورت بلوك او موتور استيراد بس عموما كده كده لابس فى مش اقل من 3000 جنيه

هل فى حل ارخص ولو حتى مؤقت؟؟؟
ولو شورت بلوك هيكلف كام؟؟؟
طيب 1600cc الايكوتيك توين كام استيراد عامل حوالى كام وهحتاج تعديلات ولا لا وتنصحونى اروح لمين؟؟؟

عربيتى اوبل تيجرا 97 1400cc الايكوتيك توين كام

قدر الله وما شاء فعل

[tananybasha]

البيل اتكسر
يا سبحان الله
ملهاش حل غير موتور او شورت بلوك
و لو عرفت تجيب 1600 بكنتروله هيبقى احسن

[abu_soheib]

ربنا يخلف عليك خيرا منها إن شاء الله

[amraction]

معلش.. قدر الله وماشاء فعل.. ربنا يعوض عليك يا باشا
حاول بس ما تستعجلش فى موضوع الموتور عشان تجيب حاجه نضيفه

[احمد فهمى]

الحمد لله ودى ضريبة السرعه اللى مبيجيش من وراها الا البلاوى المهم النصايح كتير بس هي عربيتك مانيوال والا اوتو ومتورك عامل كام الف؟؟ عشان نحدد مستاهله شورت بلوك والا متور وتريح دماغك

[حماده المصري]

هو ايه الشورت بلوك ده وايه فايدته؟؟؟

وربنا يكون في عونك بصراحه بالنسبه لل 1400 اتسقط قبل كده في عربيه كورسا مش فاكر بقى توين ولا مش توين وفيه منه انجشكن وفيه منه هاف انجكشن وفيه منه كربريتير وكله موجود في بورسعيد وبيبقى رخيص هناك ممكن اخره 3 الف بس لما بيجي هنا بيغلى جامد

[kar!m]

انزل لف لفه و شوف الأفضل لك .. لو فرق الشورت بلوك عن الموتور كله مش كبير .. هات موتور على بعضه و خلاص.

[fid0o]

البيل اتكسر
يا سبحان الله
ملهاش حل غير موتور او شورت بلوك
و لو عرفت تجيب 1600 بكنتروله هيبقى احسن

طيب الـ z16xe فى حدود كام وتسقيطه هيتكلف اد ايه؟
واعرف منين ان الموتور كويس وميتدحكش عليا؟؟

[fid0o]

ربنا يخلف عليك خيرا منها إن شاء الله

معلش.. قدر الله وماشاء فعل.. ربنا يعوض عليك يا باشا
حاول بس ما تستعجلش فى موضوع الموتور عشان تجيب حاجه نضيفه

شكرا .. الحمد لله انها مجتش فى ارواح

[fid0o]

الحمد لله ودى ضريبة السرعه اللى مبيجيش من وراها الا البلاوى المهم النصايح كتير بس هي عربيتك مانيوال والا اوتو ومتورك عامل كام الف؟؟ عشان نحدد مستاهله شورت بلوك والا متور وتريح دماغك

مانيوال واللى اشتريتها منو كان مسقط الموتور استيراد من سنتين وعملنا بيه حوالى 130,000 كيلو والله اعلم هو كان عامل كام قبل كده فى بلده بس عموما كان كبس الموتور لما اشتريتها قريب لـ 80%

عموما انا عاوز احدد التكلفه عشان لو الفرق بسيط اسقط واريح دماغى

[fid0o]

هو ايه الشورت بلوك ده وايه فايدته؟؟؟

وربنا يكون في عونك بصراحه بالنسبه لل 1400 اتسقط قبل كده في عربيه كورسا مش فاكر بقى توين ولا مش توين وفيه منه انجشكن وفيه منه هاف انجكشن وفيه منه كربريتير وكله موجود في بورسعيد وبيبقى رخيص هناك ممكن اخره 3 الف بس لما بيجي هنا بيغلى جامد

غالبا هعمل كده وهسقط فى بورسعيد
كلمت حمدى لادا وسألته عن سعر الايكوتيك 1600cc قاللى لما تيجى المحل
حاولت معاه بس رفض يقولى اى اسعار فى الموبايل بس قاللى ان الموتور فى الاسكندريه

[fid0o]

انزل لف لفه و شوف الأفضل لك .. لو فرق الشورت بلوك عن الموتور كله مش كبير .. هات موتور على بعضه و خلاص.

لو تعرف حد يكون موثوق فيه واسعاره رخيصه سواء فى الحرفيين او فى بورسعيد اشترى منه يبئا كتر الف خيرك وانا كده كده هسقط او هغير البلوك عند الشيخ هيثم اللى فى الحرفيين

[tananybasha]

جرب اسلام عبد الشافى
01003016660

[markoky]

اولا حمدا لله على سلامتك
أنا كنت عند هاني العيادي في الحرفين بغير فتيس استرا 1600 المهم كان في حد بشتري منه موتور tigra 1600 , هو مكنش عنده بس قاله إنه بكرة هيجيبله بالفتيس ب 3500 بس معرفش بقى اوتوماتيك ولا مانيول
روح عنده وأسأل وربنا معاك
رقم تليفون المحل
01273140507