اوبل فكترا 1997

[al_manara]

السلام عليكم

اخواني . حابب اخد استشارتكم .
قدامي اوبل فكترا 1997 2000cc
العربية حالتها كويسة جدا . مطلوب 45 الف .
العربية راشة برة بس . والدهان الخارجي كويس جدا .

هل دة سعر مناسب ؟
اية اخبار استهلاك البنزين ؟
اية اخبار اسعار قطع الغيار ومدي توافرها ؟
مين اوسع هي ولا النوبيرا (الصالون والشنطة ) ؟
كفائة التكيف (مقارنة بالنوبيرا ) ؟
عمر العفشة بتاعت العربية قد اية (المتوسط) ؟


لكم الشكر

[SYD]

السلام عليكم

وعليكم السلام ورحمة الله وبركاته

اخواني . حابب اخد استشارتكم .
قدامي اوبل فكترا 1997 2000cc
العربية حالتها كويسة جدا . مطلوب 45 الف .
العربية راشة برة بس . والدهان الخارجي كويس جدا .

من خلال خبرتي مع الأوبل بتاعة اخويا (96 بردو 2000 سي سي اوتوماتيك ايكوتيك)
العربية حلوة اوي
واسعة
قوية
ثابتة
مريحة
متطورة

هل دة سعر مناسب ؟

جدا جدا

اية اخبار استهلاك البنزين ؟

متوسط بالمقارنة بال2000 سي سي سواء المكنة السودا (الأستوك) او بالمكنة الأيكوتيك (بتاعة موديل 2000 وانت طالع)

اية اخبار اسعار قطع الغيار ومدي توافرها ؟

قطع الغيار متوفرة جدا
بأسعار رمزية جدا مقارنة بباقي الأوروبي

مين اوسع هي ولا النوبيرا (الصالون والشنطة ) ؟

هي طبعا بلا منازع رغم اني ماركبتش النوبيرا لكن ماعتقدش هيكون في اوسع من كدة غير التريلا والليجانزا

كفائة التكيف (مقارنة بالنوبيرا ) ؟

انا مركبتش النوبيرا
لكن لو بتقارن بالليجانزا 2000 سي سي بردو
متقارب جداً جداً وبنفس قوة وسرعة التبريد

عمر العفشة بتاعت العربية قد اية (المتوسط) ؟

غالبا العربيات الكبيرة دي بتبقي عفشتها معمرة وحنينة


لكم الشكر

لكم مني كل التحية

[tananybasha]

عربية ممتازة
و ان كان السعر غريب شوية
اكشف عليها كويس بعد اذنك

[Amrgamal1]

السعر دا يقلق شويه دي 2000 اوتو

[ahmedharoon]

زي ما طناطي باشا قلك كده اصل لو هيا حالتها زي ما انتا بتقول ممكن تزيد تبقي ب48 او 50 وااستهلاك البنزين هيبقي عالي شويه يعني ال 20 لتر يعملو معاك 150 كيلو داخل البلد و200 بره علي الطرق السريعه وقطع الغيار الجديده الاصليه غاليه مقارنه بالكوري والاستعمال قريب للكوري وسع العربيه هيا من جوه الصالون اضيق من النوبيرا انما الشنطه اوسع طبعا والتكييف نقدر نقول عليه كويس بس مش زي النوبيرا والعفشه طبعا احسن بكتير بل بكتير جدا ومعمره جدا جدا

[al_manara]

لكم مني كل التحية

مشكور علي الرد بالتفصيل .

عربية ممتازة
و ان كان السعر غريب شوية
اكشف عليها كويس بعد اذنك

العربية جايبهالي واحد ثقة .

السعر دا يقلق شويه دي 2000 اوتو

مانيوال .

زي ما طناطي باشا قلك كده اصل لو هيا حالتها زي ما انتا بتقول ممكن تزيد تبقي ب48 او 50 وااستهلاك البنزين هيبقي عالي شويه يعني ال 20 لتر يعملو معاك 150 كيلو داخل البلد و200 بره علي الطرق السريعه وقطع الغيار الجديده الاصليه غاليه مقارنه بالكوري والاستعمال قريب للكوري وسع العربيه هيا من جوه الصالون اضيق من النوبيرا انما الشنطه اوسع طبعا والتكييف نقدر نقول عليه كويس بس مش زي النوبيرا والعفشه طبعا احسن بكتير بل بكتير جدا ومعمره جدا جدا

تسلم ايدك علي الرد


يعني الموتور والعفشة لصالح الاوبل .
الصالون والتكيف واسعار قطع الغيار للنوبيرا .

طيب هل في عيوب مشهورة للموديل دة ؟
يعني النوبيرا مثلا فيها مشكلة جلب المقصات . طرمبة البنزين . الحاجات دي عمرها قصير .

بصراحة عجباني العربية جدا . شايف انها قوية (الصاج والموتور) وفي فرق واضح بينها وبين الاكسيل .
الخوف من قطع الغيار . وبفضل التكيف يكون حلو . يعني تكيف الاكسيل مبسوط منة الحمد لله .
وكمان وانا بشوف القسم هنا لقيت شكوي كتير وهي الحرارة .
وفرق السعر صغير بين العربيتين . ودة الي شجعني .

[ahmedharoon]

بص لو انتا بتحب تركب عربيه قويه وفيها امان اكتر شكل جميل مش مشكله معاك قصه قطع الغيار والتكييف صاج قوي جدا بس فيه مشكله بيعمل بارومه بسرعه يبقي خايك في الاوبل
انما لو بتحب تركب عربيه قطع غيلرها سهله موجوده عند البقال سعرها كويس الفتيس الاوتو فيها زباله تكيفها كويس ثبات كويس لاكن مش زي الاوبل طبعا صاج خفيف وصعب يرجع زي ما كان لو حصل فيه اي حاجه يبقي عليك وعلي النوبيرا

[ahmedharoon]

بص يل باشا العربييتين كويسين لو هتجيب اوبل عشان تبقي مرتاح هات واحده حالتها تكون شاذه

[Amrgamal1]

ازاي 2000 سي سي ومانيوال ؟

[callsdiab]

السلام عليكم
انا عندى نفس العربيه، بس أوتو الموتور الاسود
العربيه بعد ما حتركبها مش حتقدر تغير على اى حاجه تانيه بسهوله غير فى الالمانى برضو
بالنسبه لقطع الغيار متوفره بس اهم حاجه ابتعد عن العك فى العربيه
السعر مناسب عشان مانيوال متهيألى اكشف عليها كويس جدا
بالنسبه للتكييف انا حقيقى بركن فى الصيف لكن فى ناس كتير بشوفها ماشيين بالتكييف فى عز الحر وماشاء الله العربيه فايقه وزى الفل ماشاء الله
كتب الله لك الخير انشاء الله

[wama00]

السعر غريب شوية,,, هى سعرها العادل 48-50 الف لكن 45 يقلق شوية وبعدين غريبة كمان 2000 سى سى ومانيوال؟؟؟!!!

[فادى محمد]

45 كتير لانها مغيره موتور
غالبا ده موتور الفيكترا ايه ال2000 سي سي
وراكب علي فتيسها المانوال
هو مايعيبهاش انما يقلل سعرها
السعر العادل 41 او 42 بالكتير

[tananybasha]

2000 مانيوال
دى منزلتشى لا فى مصر و لا بره غير فى الأيه سبورت

[al_manara]

بص لو انتا بتحب تركب عربيه قويه وفيها امان اكتر شكل جميل مش مشكله معاك قصه قطع الغيار والتكييف صاج قوي جدا بس فيه مشكله بيعمل بارومه بسرعه يبقي خايك في الاوبل
انما لو بتحب تركب عربيه قطع غيلرها سهله موجوده عند البقال سعرها كويس الفتيس الاوتو فيها زباله تكيفها كويس ثبات كويس لاكن مش زي الاوبل طبعا صاج خفيف وصعب يرجع زي ما كان لو حصل فيه اي حاجه يبقي عليك وعلي النوبيرا

جزيت خيرا . واضح انكم متفقين في الاراء

بص يل باشا العربييتين كويسين لو هتجيب اوبل عشان تبقي مرتاح هات واحده حالتها تكون شاذه

شكرا لك

ازاي 2000 سي سي ومانيوال ؟

معرفش . بس هي 2000 سي سي ومانيوال .

السلام عليكم
انا عندى نفس العربيه، بس أوتو الموتور الاسود
العربيه بعد ما حتركبها مش حتقدر تغير على اى حاجه تانيه بسهوله غير فى الالمانى برضو
بالنسبه لقطع الغيار متوفره بس اهم حاجه ابتعد عن العك فى العربيه
السعر مناسب عشان مانيوال متهيألى اكشف عليها كويس جدا
بالنسبه للتكييف انا حقيقى بركن فى الصيف لكن فى ناس كتير بشوفها ماشيين بالتكييف فى عز الحر وماشاء الله العربيه فايقه وزى الفل ماشاء الله
كتب الله لك الخير إن شاء الله

هو الخوف من الي بقراة من الحرارة والتكيف . ربنا يسهل ان شاء الله .

السعر غريب شوية,,, هى سعرها العادل 48-50 الف لكن 45 يقلق شوية وبعدين غريبة كمان 2000 سى سى ومانيوال؟؟؟!!!

وكمان العربية فيها جنوط .

45 كتير لانها مغيره موتور
غالبا ده موتور الفيكترا ايه ال2000 سي سي
وراكب علي فتيسها المانوال
هو مايعيبهاش انما يقلل سعرها
السعر العادل 41 او 42 بالكتير

كدة انت رديت علينا ازاي 2000سي سي ومانيوال . مشكور

2000 مانيوال
دى منزلتشى لا فى مصر و لا بره غير فى الأيه سبورت

لا . في مصر الجديدة .
يبقي هي كانت 1600 ومغير ل 2000

[Ahmed_lol2007]

السلام عليكم ورحمة الله وبركاته
أولا أحب اسلم على كل حبايبى بتوع الاوبل اللى أنا مقصر معاهم كتير بس والله غصب عنى
ثانيا أنا كنت زى حضرتك معايا الاكسيل وطلعت بعدها على الفيكترا بس بردة سوقت النوبيرا بتاعت صاحبى كتير
حضرتك لو حبيت تجيب نوبيرا هيا هيا نفس الاكسيل مع فرق الموتور والتكييف أشد ف النوبيرا وأقصد ب هيا هيا (يعنى كركوبة)
لكن أنا أما نزلت من الاكسيل للاوبل حسيت بفرق رهيب أولا ف الموتور ثانيا ف الراحة ثالثا ف الثبات اللى مش هتلاقى نصه ف النوبيرا رابعا ودى أهم حاجة عندى فرامل و abs صعب إنك تلاقى زيهم غير طبعا شكل الفيكترا
أما بقى من المقارنة مع صاحبى اللى معاه النوبيرا
النوبيرا ثباتها ف الضياع بس قطع الغيار رخيصة والتكييف قوى اللى سوقتها مانوال وكانت كويسة ف الطلعة والجرى بس أنا أخرى بيها 120 موتور النوبيرا محترم صاجها ضعيف فراملها معجبتنيش خالص خالص مقارنة ب الفيكترا
أحب انوه على حاجة مكتوب ف الكتالوج إن نزل عربيات 2000 سى سى مانيوال فى الموتورين الاسود والايكو تيك ياريت لو حضرتك تقول الموتور اللى ف العربية الى معروضة على حضرتك (مكتوب عليه من فوق Opel ولا ُEco. tech)