ايه رايكم ابيع العربية والا ارفعها؟؟؟

[alnmr79]

السلام عليكم ورحمة الله وبركاته
انا عايز اخد رايكم لانى ان شاء الله مسافر وهطول شوية مش عارف ابيع العربية والا ارفعها بصراحة انا مستخسر ابيعها لان مش اى حد هيعرف قيمتها واللى هيجى يشترى هيسال التجار والتجار هيسمعوه اسعار باخسة فبتالى مش هيقدر العربية دى.
العربية فيكترا ايه موديل 95 كانت بتاعة دكتور من الزيرو وعملها صيانة دورية فى مقار الاسكندرية وانا شغال مع نفس الصنايعية بس فى ورشهم والراجل عملها سمكرة ودوكو فى توكيل تيوتا ب6000 جنيه من سنتين وحالة العربية ماشاء الله ماتور ناعم وهادى وموفر فى البنزين والحرارة ثابتة على 90 ومع التكييف 93 دواخل العربية زيروو الصالون والتابلوه زيرو الفرش الاصلى كان عليه كسوة ومحدش قعد عليه والتابلوه بالكاسيت الاصلىوالساعة والحرارة والعداد عامل حوالى 250000 معظمها سفر لان الراجل كان عنده فيلا فى برج العرب تكييف العربية ماشاء الله ممتاز وزجاج الكهرباء والكاوتش بقالوه 7000 كم مغيرو مع البطارية الجافة من سنه والعربية بتجيب ماشاء الله فى السفر ال180 كم وبتشم البنزين وبتمشى باى نوع بنزين من غير مشاكل ..
انا مستخسر ارفعها واركنها علشان مصاريف كتيرة هتدفع للجراج والبطارية هتبوظ _________ومستخسر ابيعها لان صعب الاقى حالة زى دى...ولو ابيع السعر العادل كام لانى هبيع غناوة مش هرميها لواحد يتاجر عليا.
ايه رايكم بقى لانى مسافر ان شاء الله بعد العيد وكل سنه وانتم طيبين

[mazagngi2010]

حجم الصور كبير جدا
مكملتش قرايه وناس تانيه هتكبر دماغها من الموضوع لنفس السبب

[moh_faheem]

انا شايف انك تبيع احسن
علشان رفع العربية مش حاجة حلوة بالعكس ممكن يضرها
وبالنسبة للثمن والله مش عارف بصراحة
ممكن وحوش الاوبل يقولوا لحضريتك
وموفق ان شاء الله
ولا تنسى الاستخارة

[wael61]

بالنسبة للعربية ممكن حضرتك تبيعها ولما ترجع تجيب غيرها زيرو مثلاً
لكن لو هتدور على مستعمل يبقى شوف حضرتك حد قريبك امين تسيبلة العربية يدورها ويهتم بيها فترة غيابك وترجع تلاقيها لان مش هتسمع اسعار تعجبك وبدل ما ترجع تدور فى المستعمل

[Land_Cruiser]

اعمل مشاركه تسعير للاستاذ شريف على الرابط التالى

http://www.nilemotors.net/Nile/249687-a-318.html

و ممكن تعمل اعلانات على كونتاكت كارز و مواقع بيع السيارات و حط جميع المواصفات و لو جالك فيها سعر كويس بيعها و لو ملحقتش يبقى ارفعها و سيبها لحد ما تنزل اول اجازه و بعد كده ارفعها اما لو كنت مش هتقدر تنزل قريب يبقى ارفعها و ما تبيع هاش بخساره

[alnmr79]

شكرا لمشاركة حضراتكم ومستنى التسعير فى حالة البيع

[amraction]

بيعها وان شاء الله لما ترجع من السفر ربنا يكرمك وتجيب عربيه زيرو محترمه

[فادى محمد]

سعر السوق 42 الف وسامحني طبعا قيمتها اعلي كتير من السعر ده ,انا بحب جدا الموديل ده عن البي
لو مش محتاج تمنها ماتبيعهاش العربيات دي وفيه سافر بالسلامه وارجعلها تاني مش مشكله البطاريه والجراج انت كده بتحافظ عليها
لو بيعتها هتحط عليها 25 الف علشان تركب ياباني 1300 سي سي او كوري 1600 وطبعا رق السما من العمي عن الاوبل ,ربنا يوفقك .وماتنساش اخواتك

[tananybasha]

لو هتطول قوى بره
بيعها
انما لو مش قوى
سيبها

[amraction]

صح الكلام كده.. لو السفر مده طويله بيعها وربنا يرزقك باحسن منها
لو شويه صغيرين.. او هترجع كل فتره .. ارفعها احسنلك

[ahmedharoon]

بيع ياباشا واتكل علي الله كل عربيه وفي احسن منها واستفاد بالفلوس اعمل بيها مصلحه افضل

[alnmr79]

فعلا الواحد حاسس انه بيتكلم فى المنتدى مع اخواته والله.الف شكر يا رجالة على رايكم.
انا ان شاء الله هقعد حوالى سنه برة مصر ومش عارف بعد كدة هكمل والا هستقر.انا بحسب ارائكم هظبط العربيةوهبيعها بعد العيد ان شاء الله بسعر عادل 40000 الف جنيه فلو حد من المنتدى يحب ياخد العربية دى يقولى لانى بصراحة مستخسر العربية دى تطلع لواحد غريب.

[amraction]

ربنا يعينك فى سفرك ويكرمك بعيشه زى الفل وترجع وتجيب لامبورجينى :d

[tananybasha]

بيع احسن كده

[egyptiandiver]

بيع