مشكله فى اللمبه الماتور والحساسات افيدونى بالله عليكم

[ooosha_14]

السلام عليكم ..
افيدونى يا جماعه بالله عليكم .. انا معايا عربيه اوبل استرا 2005 فول اوبشن اتوماتك وعندي مشكله فى العربيه ومش عارف حلها ايه ..
انا من سكان مدينه 6 اكتوبر .. المهم .. انا لمبه الانجكشن او الماتور بتنور فتره وكانت بتقفل وبعد كده روحت للميكانيكي .. قالى عادي طالما طفت مافيش مشكله ممكن يكون الكمبيوتر بيهيس او كده المهم النهارده بقى اللمبه نورت ومطفتش تانى .. وحسيت ان العربيه بقت ترتل وانا ماشى وادوس بنزين للاخر احس ان العربيه زي ما هي مابتجريش .. المهم روحت للميكانيكي وقالى روح اكشف عليها كمبيوتر .. ورحت لكهربائى النهارده وكشف عليها وقالى ان فيها حساس ger وحساس الكاما .. ومسح الايرورو بتاعهم وبمجرد ما دورت العربيه تاني نورت اللمبه تانى روحت للمكانيكي وحكتله الى حصل قالى لا الكلام دا مش منطقي .. الكهربائى قالى ممكن يكونوا عايزين يتنضفوا .. والميكانيكي بيقولى دا حاسس يتنضف ازاى يعني !! المهم انا مش عارف اعمل ايه .. المهم كشف ع البوجيهات وقالى ممكن تكون عايزه تتغير .. فا انا نازل بليل رايحله عشان يغيرهم وقالى هيجيب اسبري ويرش وينضف فى حجات كده مش فاكرها لكن حجات ملهاش لزمه .. المهم .. انا بقى خايف يكون فى مشكله كبيره فى العربيه .. ومش عارف موضوع الحسساسات دا ممكن يكلفني كام لقدر الله لو عاز يتغير .. ومش لاقي ميكانيكي كويس فى اكتوبر بجد ايفودونى انا مش عارف اتصرف ..

[survey]

على فكرة ما تقلقش اوي دي بقت حاجة عادية ان العربيات اليومين دول مش بتستجيب لدواسة البنزين ..مش عارف ليه ..انا متابع المنتدى وملاحظ ان الموضوع ده كتر

ان شاء الله بسيطة ..وياريت كنت اقدر افيدك

[tananybasha]

مش عيب و لا حاجة
نضف فيش الحساسات و الأنجكشن
و شوف البوجيهات

[Khaled Lanos]

خير إن شاء الله..

مفيش مشكلة كبيرة ولا حاجة سيبك من الكهربائي ده الحساسات بتنضف عادي جدا بدون أي مشاكل, فنضفهم وشوف لو عايزين يتغيرو غيرهم أحسن, وغير البوجيهات كمان بالمرة, وإن شاء الله المشاكل اللي عندك كلها تتحل.

ومتقلقش المشاكل اللي عندك دي حاجات بسيطة كلها و مش عيب في العربية ولا حاجة..وبتحصل في أي عربية.

بالتوفيق ياباشا وابقى قلنا عملت ايه.

[drmagieed]

على فكرة ما تقلقش اوي دي بقت حاجة عادية ان العربيات اليومين دول مش بتستجيب لدواسة البنزين ..مش عارف ليه ..انا متابع المنتدى وملاحظ ان الموضوع ده كتر

ان شاء الله بسيطة ..وياريت كنت اقدر افيدك

علي فكرة ملاحظتك في محلها تماما ... هل ممكن البنزين الموجود حاليا مع الأزمة دي والغش إللي غارقين فية تكون نوعيته رديئة وهو السبب؟؟؟؟؟؟؟؟؟؟

[drmagieed]

السلام عليكم ..
افيدونى يا جماعه بالله عليكم .. انا معايا عربيه اوبل استرا 2005 فول اوبشن اتوماتك وعندي مشكله فى العربيه ومش عارف حلها ايه ..
انا من سكان مدينه 6 اكتوبر .. المهم .. انا لمبه الانجكشن او الماتور بتنور فتره وكانت بتقفل وبعد كده روحت للميكانيكي .. قالى عادي طالما طفت مافيش مشكله ممكن يكون الكمبيوتر بيهيس او كده المهم النهارده بقى اللمبه نورت ومطفتش تانى .. وحسيت ان العربيه بقت ترتل وانا ماشى وادوس بنزين للاخر احس ان العربيه زي ما هي مابتجريش .. المهم روحت للميكانيكي وقالى روح اكشف عليها كمبيوتر .. ورحت لكهربائى النهارده وكشف عليها وقالى ان فيها حساس ger وحساس الكاما .. ومسح الايرورو بتاعهم وبمجرد ما دورت العربيه تاني نورت اللمبه تانى روحت للمكانيكي وحكتله الى حصل قالى لا الكلام دا مش منطقي .. الكهربائى قالى ممكن يكونوا عايزين يتنضفوا .. والميكانيكي بيقولى دا حاسس يتنضف ازاى يعني !! المهم انا مش عارف اعمل ايه .. المهم كشف ع البوجيهات وقالى ممكن تكون عايزه تتغير .. فا انا نازل بليل رايحله عشان يغيرهم وقالى هيجيب اسبري ويرش وينضف فى حجات كده مش فاكرها لكن حجات ملهاش لزمه .. المهم .. انا بقى خايف يكون فى مشكله كبيره فى العربيه .. ومش عارف موضوع الحسساسات دا ممكن يكلفني كام لقدر الله لو عاز يتغير .. ومش لاقي ميكانيكي كويس فى اكتوبر بجد ايفودونى انا مش عارف اتصرف ..

البوجيهات ملهاش علاقة بكمبيوتر العربية وطالما رسترت الأخطاء وظهرت تاني يبقي لازم تشوف الحساسات وتنظفها ولو فضلت اللمبة منورة غيرها أحسن ... بس روح لحد كويس مضمون علشان يحدد لك أية هي الحساسات إللي فيها مشكلة مش أي حد عندة سكانر يقدر يعرف المشكلة فين ... وبالتوفيق إن شاء الله

[ooosha_14]

اولا بجد انا متشكر جدا ع اهتمامتكم وردودكم جدا .. وبجد ربنا يطمنكم .. لانى حاسس انى متضايق جدا وشايل هم العربيه بطريقه فظيعه .. انا دلوقتى فعلا نزلت وروحت عند ميكانيكي تاني شغال فى توكيل اوبل اصلا .. وكنت بسمع عنه خير عن طريق المنتدى دا .. اسمه كرم الميكانيكي فى 56 اكتوبر .. المهم روحتله وشرحتله كل الى حصل وهو جرب العربيه وقالى الى ظاهر قدام عيني دلوقتى ان دي فعلا مشكله حساس الكاما .. قلتله طيب غيره وزبطه وبعد ما زبطهولى وركبلى قعه استيراد .. ورستر الكبيوتر .. اللمبه طفت والمشكله اتحلت ويادوبك جربنا العربيه وتمام التمام .. وكانت التكلفه دي بالتركيب والمصنعيه 350 جنيه .. ع حساس كامه مقاسه يادوب قد الصباع ويادوبك قاعد بحاسبه فى العربيه واحنا قاعدين اللمبه نورت تانى .. ونفس الموضوع العربيه اتخنقت وبتنتش فى مشيها .. وصلنا فى الكلام انها لازم تتحط ع الكمبيوتر تانى ونشوف لو الكمبيوتر هيسجل نفس مشكله حساس الكاما دا ولا هيتمسح ويفضل حساس Ger لو هيفضل حساس الكاما .. هيركبلى بتاعى تاني ويديني فلوسه .. وبعدها هيشتغلى فى حساس Ger بقى وقالى عندي واحد استيراد ب 500 جنيه فمش عارف دا برضه تمنه كويس ولا لا .. وبعدين انا خايف جدا انه يطلع مشكله كمبيوتر وعايز يتغير كله دي تبقى مصيبه .. بجد ادعولى لاان المشكله لو كبرت اكتر من كده .. مش عارف هتصرف ازاى ..

[opelawy]

بص يا زعيم
ان شاء الله خير
حتي لو الكمبيوتر بايظ كلو مقتلقش أنا كان معايا أختها و عارف سكتها
روح بص عليها و لو لا قدر الله الموضوع فيه كمبيوتر او الناس مش عرفوا يحلوها
كلمني هدلك علي مهندس اوبل اللي هيجبلك الحل بإذن الله ( مهندس بجد مش ميكانكي ولا صنايعي )
أنا رقمي ٠١٠٠٦٧٩٠٧٨٠
ر مضان كريم

[ooosha_14]

بص يا زعيم
ان شاء الله خير
حتي لو الكمبيوتر بايظ كلو مقتلقش أنا كان معايا أختها و عارف سكتها
روح بص عليها و لو لا قدر الله الموضوع فيه كمبيوتر او الناس مش عرفوا يحلوها
كلمني هدلك علي مهندس اوبل اللي هيجبلك الحل بإذن الله ( مهندس بجد مش ميكانكي ولا صنايعي )
أنا رقمي ٠١٠٠٦٧٩٠٧٨٠
ر مضان كريم

انا بشكرك بجد وانا ناوى اكلمك فعلا .. لانى روحت لنهارده للميكانيكي .. وحطتها ع الكمبيوتر .. والنتيجه ان حساس الكامه لسه فى مشكله زي ما هو برضه بعد ا غيرته .. وحساس Ger اتشال ومش موجود .. والمشكله بقى حاسس انها بقت محصوره بين اتنين .. حساس بايظ او ضفيره كهربا .. والارجح يكون كنتروول .. بس هو ممكن يكون كنترول يبوظ مره واحده كده .. انا بس عندي محاوله اخيره هعملها وهكلمك .. ويارب يكرم ..

[opelawy]

انا تحت امرك