مهزلة

[Mamoud salah H]

معلش هبعدكوا شوية عن الاوبل بس انا شوفت موضوع قولت مينفعش يفوتكوا
في قسم هيونداي
العربية الهيونداي ايكوس اتقارنت ب بي ام الفئة السابعة لا وايه الهيونداي كسبت وتفوقت طب ازاااااااااااااااااااااااااااااااااااااااااااااااا ااااااااااااااي هيا وصلت لحدد كدة هااار اسود ومنيل

[Kefo_Honda]

سبحان الله !!! هي الدنيا كده كل واحد ركب عربية زيرو فيها جنوط سبور ولا شكلها حلو شوية لازم يحسس نفسه والناس إنه ركب طيارة عشان يرضي غروره... قال إيه و أحسن من الفئة السابعة مرة واحدة !!! دنيا ليها العجب والله

[فادى محمد]

من يومين كنت مسافر بالانترا الشكل الجديد
عربيه طياره بس فيها عيب قاتل في نظام التعليق الخلفي
لو اخدت مطب علي سرعه ظهر العربيه بيتنطر لفوق بشكل غريب حد جرب ؟

[Amrgamal1]

هو حد يعرف يعني ايهBMW 7 Series عشان تتقارن ب هيونداي !!!!!!
العربيه دي تتقارن بـ mercedes s500 مش تقولي هيونداي وبتاع وكمان الهيونداي تكسب ؟؟؟؟
دانا ركبت بي ام فئه سابعه تسعينات والله اتوهمت من الفخامه والاوبشن اللي فيها اللي لسه ماتعملش في عربيه كوري ولا ياباني لحد دلوقتي
وكفايه المواتير اللي بي ام بتنزلها
عيب اوي يعني .. رحم الله امرأ عرف قدر نفسه

[m_tech]

لا كدة عيب بجد يعنى --بى ام ايه الى تتقارن بالكورى --العربيات البى ام و المرسيدس بتعمل تكنولوجيا تفرق 10 سنين عن اى عربيه تانيه اى كانت وممكن نقارنهم بالانفنيتى و الليكزس و الاكيورا و الاودى و الجاجوار و المازيراتى بس الكورى اى كان مبيقنعنيش مقارنه بالاوبل حتى رغم عيوبها و مهما عملو مظنش اشترى كورى ابدا واى عربيه كورى تصبر بس 6 شهور واكيد حتلاقى عيب حتى لو فيه صيانه كويسه و يمكن اكون غلطان بس ان شاء الله عمرى مجيب كورى اى كان و لو اشترو كل الاوربى و اليابانى ساعتها بس --حشترى شاهين او لادا بيضا :)

[احمد فهمى]

كلام غلط شكلاً وموضوعاً شركة بى ام ديليو فرق زمنى بينها وبين هيونداى اكتر من ١٠٠ سنه واصلاً بى ام ده كان مصنع طائرات يعنى بيصنع محركات طائرات من قبل الحرب العالميه والمانيا سبقت العالم كلو فى التكنولوجيا وبعد هزيمة المانيا فى الحرب تم حظر صناعة الاسلحه والمقاتلات فمصنع بى ام دبليو غير نشاطو لصناعة السيارات والموتوسيكلات فتخيل تكنولجيا الطائرات لمى تتحول لسيارات ؟؟ هيونداى مينفعش تتقارن بتيوتا اصلاً اللى هى مينفعش تتقارن بفولكس اللى هى متتقارنش ببى ام دبليو الموضوع مش بالشكل طه بحر واسع يعنى لو عرفت ان الفئه السابعه معدش فيها اسلاك والداتا داخل العربيه كلها وايرلس تتوقع ايه اكتر من كده؟؟؟ ان الفئه السابعه اول عربيه عملت نظام رؤيا ليلى وحتى فى الشبوره والا كأن فى حاجه اما التحكم فى البساتم اللى اصبح كومبيوترايزد ده عايز سنه شرح وحتي نقل الداتا من المحرك وايرلس غير السيفتى اللى عايز سنتين شرح ....... افهم انا هيونداي ايه اللى بتتكلم عليها يا راجل يا طيب

[Amrgamal1]

كلام غلط شكلاً وموضوعاً شركة بى ام ديليو فرق زمنى بينها وبين هيونداى اكتر من ١٠٠ سنه واصلاً بى ام ده كان مصنع طائرات يعنى بيصنع محركات طائرات من قبل الحرب العالميه والمانيا سبقت العالم كلو فى التكنولوجيا وبعد هزيمة المانيا فى الحرب تم حظر صناعة الاسلحه والمقاتلات فمصنع بى ام دبليو غير نشاطو لصناعة السيارات والموتوسيكلات فتخيل تكنولجيا الطائرات لمى تتحول لسيارات ؟؟ هيونداى مينفعش تتقارن بتيوتا اصلاً اللى هى مينفعش تتقارن بفولكس اللى هى متتقارنش ببى ام دبليو الموضوع مش بالشكل طه بحر واسع يعنى لو عرفت ان الفئه السابعه معدش فيها اسلاك والداتا داخل العربيه كلها وايرلس تتوقع ايه اكتر من كده؟؟؟ ان الفئه السابعه اول عربيه عملت نظام رؤيا ليلى وحتى فى الشبوره والا كأن فى حاجه اما التحكم فى البساتم اللى اصبح كومبيوترايزد ده عايز سنه شرح وحتي نقل الداتا من المحرك وايرلس غير السيفتى اللى عايز سنتين شرح ....... افهم انا هيونداي ايه اللى بتتكلم عليها يا راجل يا طيب

والله انت باشا
أول مرة أعرف موضوع ال wireless دا

[Mamoud salah H]

http://www.nilemotors.net/Nile/301381-a.html

لينك الموضوع اهو يا رجالة هجوم بقي