استشارة هامة من ملوك الاوبل

[boozoo2010]

انا كان عندى زمان اوبل فيكترا 1999 1600 و بعتها من كتر ما طلعت عينى مصاريف مع العلم ان العربية كانة حلتها حلوة بس كل يوم بمصيبة شكل لدرجة انى ممكن اكون صرفت عليها اكثر من نص ثمنها بس انا كنت بحب العربية دى جدا و نفسى ارجع اكون اوبلاوى و انا عندى دلوقتى bmw e36 325i اوريجينال و عاوز ابيع و ارجعلكوا بس عوز ارجع للشكل الجديد ( موديل 2000-2003 ) فاية رايكوا فى هذا الموديل و قطع غيارو و عيوبة مع الشكر

[boozoo2010]

اييييييييييييية يا رجالة الاوبل انتوا فيييييين هو انا استشارتى عويصة اوى كدة !!!!!!!!

[Amrgamal1]

ههههههههههههه دانا لسه بنصح واحد دلوقتي انه يجيب بي ام احسن من الاوبل
انت عايز تعمل العكس :)

http://www.nilemotors.net/Nile/302067-2000-2001-a.html

[boozoo2010]

البى ام يا باشا تحفة بس متنفعش للاستخدام العائلى لانها وطية جدا و عفشة البى ام زفتتتتتتتتتتت و النكيف مش حلو بس اسعار قطع غيارها اقل فعلن من الابل و برضو حجتت حاجات يعنى مثلا البى ام كلها كنترولات و حساساست و دة مش موجود فى الابل بس فيها ميزة انى بغير الحاجة مرة واحدة و انساها لاكن الابل حبيبة قلب قطع الغيار ف كل ال انا عاوز اعرفة هى b2 موديل (2000-2003 ) زى b1 موديل (1996-1999 ) فى مشكلها الكتير و احسن ولا اوحش و مين الاحسن فيها 1600 ولا 2000 للاوتوماتيك و كل العيوب و المميزات

[احمد فهمى]

هو بصراحه انا مستغرب من موضوع البى ال١٦٠٠ اللى انت كنت كل يوم عندك فيها مشكله انا اشتريت ٢ منها وكل واحده عملت بيها حوالى ١٥٠ الف كيلو وبعتها حاله ممتازه هى عربيه بسيطه جدا ومفيش فيها تكنولجيا بس عيبها سحبها على قدها يعنى مش عربية جري بس عربيه اعتماديه جداً والبى ال ١٦٠٠ مانيوال كلو واحد نفس المتور الى ٢٠٠٣ الاوتوماتيك هو اللى موتور ايكو تك ١٠٠ حصان على غرار المانيوال ٧٣ حصان كامه واحده ٨ صمام
وكبعاً ٣٢٥ اوريجنال دى عربيه مش هتتعوض انا كان معايا واحده ومش اوريجنال وبصراحه سحبها مرعب يعنى لو نزلت منها للأوبل حتى ال٢٠٠٠ سي سي هتزعل اوى والتقطيع منها اكتر من الاوبل وارخص بس هى فعلاً للأسف واطيه جداً ومش عائليه خالص وضيقه جداً وده سبب تفضيلى الاوبل عنها وشاسيه وصاج الاوبل اقوى منها بالشكل ده هي مش مناسبه لك فشوف ٢٠٠٠ سي سي موديل فوق ال٢٠٠٠ الموتور الجديد اوتوماتيك ودى فعلاً عربيه محترمه بس المهم تلاقى حاله كويسه وهى ١٣٦ حصان ١٦ صمام عربيه هايله وربنا يوفقك ولو عايز مانيوال اشترى فورد مونديو ١٩٩٨ ودى المانى وافضل من الاوبل ال١٦٠٠ وقطع غيارها اًخص وهى نفسها ارخص بكتير بس دور على الفئه العاليه فى المانيوال اللى فيها abs and air bags وهتدعيلى والله المستعان

[boozoo2010]

1000000000000000شكر يا احمد باشا انا بجد بحب البى ام جدااا بس اعمل اية !!!!!!!!!!!!! و ادعيلى يا باشا و شاكر تعبك معاية

[احمد فهمى]

ان شاء الله بالتوفيق