اوبل فيكترا 97

[mohamed_e36]

بسم الله الرحمن الرحيم
اولا كل سنه وانتم طيبين جميعا وبخير
كنت عايز اسأل رجاله الاوبل كده عن عربيه قدامي وقولولي ايه رأيكم فيها..........هيا فيكترا 97 و 2000cc اوتوماتيك
ماشيه 70000 الف كيلو لان صاحبها معاه اكتر من عربيه فالعربيه مكانتش بتمشي كتير وفابريكه برا وجوه
انا بفكر ان شاء الله اخلص في العربيه دي بس كل اللي خايف منه حاجه واحده ان العربيه تبوظ فيها حاجه اوتسخن او المهازل اللي بسمعها عن الاوبل دي فهل العربيه بالحاله اللي انا وصفتها دي لسه فيها الخير
ولا هخش في مشاكل التكيف والسخونيه والبنزين والذي منه ......... اه بمناسبه البنزين هل استهلاكها عالي ولا عادي خاصة انها اوتوماتيك و 2000
انا صراحه قلقان من الاوبل لان بسعر العربيه دي ممكن اركب كوري وموديل عالي فأيه رأيكو يا جماعه
وخاصه الناس اللي بتركب اوبل ومجرباه اتوكل على الله ولا ايه انا بس مش عايز اصلح كل شويه
لان لو جبت العربيه و حصل فيها حاجه هيبقا فيها ضرب نار


مستني ردودكم يا جماعه

[Amrgamal1]

لو حالتها حلوة جيبها طبعا هتعجبك اوي في سواقتها وهتريحك لو نضيفه
غير كدا يبقي هتكره الالماني كله بسببها
و اتأكد ان التكييف شغال والاسكترا سليمه والموتور كويس ولمبه الاعطال مش منوره
استهلاكها في البنزين عادي جدا ماتزيدش كتير عن اي عربيه 1600

[mohamed_e36]

والله ما عارف اقولك ايه معقول رديت عليا بالسرعه دي
فعلا العربيه دي ما شاء الله تحفه اتفرجت على واحده قبل كده قاعده الكرسي جميله ومريحه والطبلوه شكلو جميل جدا تحس انك سايق طياره واكيد طبعا ثبات الالماني متعه في السواقه بس كنت عايز اسألك كام سؤال بما انك معاك نفس العربيه و 2000 بردو هيه بتعمل معاك كام في الصفيحه(20 لتر) ومتعرفش حد كويس اكشف عندو على العربيه ولا اكشف عليها فين بالظبط وعربيه بالحاله دي تمنها يبقا كام ومتعرفش ايه الموتور اللي في العربيه دي لان من اللي قريتو في المنتدى ان فيه مواتير ايكو تيك وجي ام
فبالنسبه ل موديل 97 فيه انهي موتور وانهي احسن .......معلش انا زهقتك بس عايز ابقا فاهم الموضوع كله
وشكرا انك رديت عليا بسرعه كده

[mohamed_e36]

ايه يا رجاله الاوبل محدش عايز يرد ليه

[ahmedharoon]

بص يا باشا هيا هتكون موتورها جي ام وده استهلاكه في البنزين عالي شويه يعني حوالي 180 كيلو في 20 لتر والعربيه انتا بتقول فابريكه بره وجوه وكامله اوتو وماشيه 70 الف كيلو يبقي اشتريها لغاية 48 او 50 هيا عربيات حلوه بس لو عرفتلها يعني العربيات ديه مش بتاعت عك طول ما بتعمل الشغل فيها صح هتريحك

[mohamed_e36]

بص يا باشا هيا هتكون موتورها جي ام وده استهلاكه في البنزين عالي شويه يعني حوالي 180 كيلو في 20 لتر والعربيه انتا بتقول فابريكه بره وجوه وكامله اوتو وماشيه 70 الف كيلو يبقي اشتريها لغاية 48 او 50 هيا عربيات حلوه بس لو عرفتلها يعني العربيات ديه مش بتاعت عك طول ما بتعمل الشغل فيها صح هتريحك

الف شكر يا أ /احمد
بس صاحبي اللي جايبلي العربيه دي بيقولي ان العربيه جايبه لصاحبها 53 فهل ده كده كويس ولا اكبر دماغي من العربيه وادور على حاجه احسن وهل ممكن الاقي حاله احسن من دي في الشكل ده

[Mamoud salah H]

الموتور دة هو الاسود بتاع منصور 110 او115 حصان واحد كامة ولو حالتها زي مايتقول وزيرو يبقي حلو عليها53 بس اهم حاجة التكييييف واكشف عليها في مقار عند محطة مترو البحوث ومعاك ربنا

[Amrgamal1]

والله ما عارف اقولك ايه معقول رديت عليا بالسرعه دي
فعلا العربيه دي ما شاء الله تحفه اتفرجت على واحده قبل كده قاعده الكرسي جميله ومريحه والطبلوه شكلو جميل جدا تحس انك سايق طياره واكيد طبعا ثبات الالماني متعه في السواقه بس كنت عايز اسألك كام سؤال بما انك معاك نفس العربيه و 2000 بردو هيه بتعمل معاك كام في الصفيحه(20 لتر) ومتعرفش حد كويس اكشف عندو على العربيه ولا اكشف عليها فين بالظبط وعربيه بالحاله دي تمنها يبقا كام ومتعرفش ايه الموتور اللي في العربيه دي لان من اللي قريتو في المنتدى ان فيه مواتير ايكو تيك وجي ام
فبالنسبه ل موديل 97 فيه انهي موتور وانهي احسن .......معلش انا زهقتك بس عايز ابقا فاهم الموضوع كله
وشكرا انك رديت عليا بسرعه كده

العفو يا باشا
الرجاله ردت بس هأكد علي كلامهم بردو
هيبقي فيها الموتور الاسود الجي ام كامه واحده
ال horse power بتاعه اقل من الايكوتيك بس اعطاله قليله
بس بردو موتور قوي لو حالته كويسه
استهلاكه متوسط 180 كيلو في الصفيحه و يوصل ل 200 لو سفر وعن تجربه
واحسن حد يكشف عليها طبعا مقار في الدقي
و انت بتقول فابريكه برا وجوا و ماشيه 70 الف دا كدا سعرها لقطه

[ahmedharoon]

العفو يا باشا
الرجاله ردت بس هأكد علي كلامهم بردو
هيبقي فيها الموتور الاسود الجي ام كامه واحده
ال horse power بتاعه اقل من الايكوتيك بس اعطاله قليله
بس بردو موتور قوي لو حالته كويسه
استهلاكه متوسط 180 كيلو في الصفيحه و يوصل ل 200 لو سفر وعن تجربه
واحسن حد يكشف عليها طبعا مقار في الدقي
و انت بتقول فابريكه برا وجوا و ماشيه 70 الف دا كدا سعرها لقطه

يا استاذي الفاضل لو هتجيب الاوبل الشكل القديم 53 يبقي كده كتير بس لو 70 الف كيلو تبقي كويسه مع العلم اني شاكك في 70 الف ديه ممكن العداد يبقي ملعوب فيه لان استحاله عربيه 97 تكون عامله 70 الف كيلو وحاجه تاني لون العربيه طبعا بيفرق في السعر يعني الابيض والاسود والسماوي والفضي ديه احلي الوان الاوبل غير الاحمر والكوحلي والزيتي ده بيقل شويه وشوف العربيه واكشف عليها كويس وانتا بتشوفها بص علي اللزق اللي في داير الرفرف اللي ورا من ناحية البيبان شوفه موجود ولا لاءه لان لو مش موجود تبقي العربيه راشه وحالة الفرش بص علي الطاره كده شوفها خشنه ولا ناعمه لان لو ناعمه اعرف برده ان العداد ملعوب فيه

[mohamed_e36]

الف شكر ليكو يا جماعه وانكو متأخرتوش عليا بس للاسف العربيه اتباعت يالله الحمد لله وربنا يسهل والاقي حاجه احسن