لخبراء الاوبل مشكلة استرا 2005 ارجوا الافادة للضروره

[khaled2113]

العربيه مخنوقه وال rpm مبيعديش 3.5 ولمبه الاعطال منوره ...
المهم رحت لميكانيكى المفروض انه متخصص فى الاوبل وشغال فى الشركه (خط الانتاج)
وبعد الكشف كمبيوتر مطلع حساس كامه ---- تم تغيره واللمبه طفت ونورت بعد 10 دقايق
وانا عنده بطلت ومش عايزه تدور قال تقسيمه غيرنا سير كاتينه وسير دينامو والحمد لله دارت بس لسه اللمبه منوره
تم الكشف وبرضه حساس كامه ( مع العلم انى جربت اكتر من حساس ) لكن المره دى ظهر حساس كرنك كمان
وتم تغيره مرتين واللمبه لسه منوره
لو العربيه بارده ال rpm عادى ومش مخنوق وبيفصل للأخر لكن لما تسخن اخره 3.5 واللمبه مبتطفيش وبرضه حساس كامه و كرنك سعات يطلع egr
وفى الاخر بيقولى الكمبوتر بتاع العربيه بس انا حاسه بيشتغلنى علشان الكمبيوتر مفيهوش اى مشكله وبيقرى اعطال والعربيه مفيهاش اى مشكله سخونه او حاجه فى الكهربا وكانت زى الفل قبل العيب ده ما يطلع

هيا استرا برازيلى مو 2005 اوتوماتيك 1600 ماشيه 180 الف كيلو ودافع لحد دلوقتى فوق ال 1500 جنيه من غير اى فايده كلها حاجات اتغيرت ولسه العيب كما هو
فهل ممكن يكون كمبيوتر فعلا ولا الراجل مش فاهم وبيريح دماغه ؟ ارجو الافاده من الخبراء واسف على الاطاله بس عيب حير الناس كلها ومهندس كشف الاعطال والكهربائى قالوا انه مش كمبيوتر ان الكمبيوتر سليم

[Mamoud salah H]

علي حسب علمي ان دة حساس الايدل عشان هو المسئول عن الار بي ام جرب كدة نضفوا الاول ونضف البوابة كويس ونضف الرشاشات

[khaled2113]

شكرا لردك.... بس الكومبيوتر مش مطلع حساس ايدل خالص كل الى بيقراه كامه وكرانك وسعات egr . انا خلاص مبقتش عارف اعمل ايه ...... والميكانيكى بيريح دماغه ويقولى كمبيوتر وانا شايف الكمبيوتر شغال ميه ميه ومفيهوش حاجه

[alnmr79]

انتى عملت صيانة للفتيس من قريب يعنى تغيير زيت وفلتر.

[ooosha_14]

يا ابو خالد العيب دا كمبيوتر .. صدقنى الاسطه بلال بتاعك دا مابيفهمش عايز يشتغل فى العربيه كروكى وفكك كل حاجه يا راجل دا فك .. غطا التاكيهات مش عارف ليه .. بس انا ع ما اعتقد ان هنا في خبراء كتير فى الاوبل هيساعدوك .. ومستنيين رد طنانى باشا

[khaled2113]

انتى عملت صيانة للفتيس من قريب يعنى تغيير زيت وفلتر.

انا عامل صيانه قريب ومغير كل الزيوت المشكله مشكله اللمبه بتاعت الاعطال والكتمه الى فى الماتور دى

[khaled2113]

يا ابو خالد العيب دا كمبيوتر .. صدقنى الاسطه بلال بتاعك دا مابيفهمش عايز يشتغل فى العربيه كروكى وفكك كل حاجه يا راجل دا فك .. غطا التاكيهات مش عارف ليه .. بس انا ع ما اعتقد ان هنا في خبراء كتير فى الاوبل هيساعدوك .. ومستنيين رد طنانى باشا

باشا شوفت ياعم الى احنا فيه ..... هو كان بيجرب لأنه مبقاش عارف العيب من فين ولا انا بقيت عارف ولا حد خالص
المهم يابو ماجد اخلص من العطل ده بقى وانا براهنك انو مش كمبيوتر على الى انتا عايزه :d الميكانيكيه بيريحو نفسهم وخلاص مش هيقعد يفك ويجرب ف يقولك غير كمبيوتر وخلاص علشان هو غلب فى العيب علشان ميطلعش مبيفهمش قدامك :d

[Mamoud salah H]

طب جرب مجتس عليه بدل ما تغير كمبيوتر وعمتا ربنا معاك وتخلص من المشكلة دي باقل تكاليف ان شاء الله واهو مجرد تنضيف بالسبراي يعني مش هتغير حاجة

[khaled2113]

طب جرب مجتس عليه بدل ما تغير كمبيوتر وعمتا ربنا معاك وتخلص من المشكلة دي باقل تكاليف ان شاء الله واهو مجرد تنضيف بالسبراي يعني مش هتغير حاجة

نجرب هيا جت عليه هههههه مشكور لتعبك

وياريت لو حد يعرف ميكانيكى اوبل بس يكون استاذ فعلا ويقدر يفيدنى يدينى عنوان الورشه او رقم تليفونه اكون مشكور له :)

[احمد.محمد.عابد]

ياباشا أنا رأي انك تروح عند حد محترم وفاهم. أنا بتعامل مع مركز صيانة محترم جدًا في صقر قريش بتاع احمد ومحمد عبد الراضي ولو تحب رقم الموبايل أنا تحت أمرك

[khaled2113]

ياباشا أنا رأي انك تروح عند حد محترم وفاهم. أنا بتعامل مع مركز صيانة محترم جدًا في صقر قريش بتاع احمد ومحمد عبد الراضي ولو تحب رقم الموبايل أنا تحت أمرك

اكون مشكور لك لو تدينى العنوان . مع ان صقر قريش سفر بالنسبالى انا ساكن فى 6 اكتوبر. بس لو هيجيب نتيجه يستاهل
شكرا لردك