تسجيل للعربية

[adelhamed]

السلام عليكم ورحمة الله وبركاته

انا دلوقتي كنت عايز اجيب تسجيل وكنت بفكر اجيبه اللي هو تاتش وشاشة والكلام دا بس افتكرت ان مكان التسجيل في العربيه ميكفيش المكان دا

فتفتكروا ليها حل ولا اجيبه اللي هو شاشة عاديه وخلاص ؟ مع العلم اني حاليا مش في مصر وكنت بفكر اجيبه من عندي هنا لمصر ومش هيكون سهل خااااالص اني ارجعه تاني

الحاجه التانية كنت هغير السماعتين اللي ورا والسماعتين اللي في البابين اللي قدام في شروط معينه ولا ايه النظام ؟

وجزاكم الله خيرا

[احمد فهمى]

مش هينفع يركب عندك الحجم الكبير اللى هو ٢ din بس انت ممكن تشتري موديل 1 din عادي بس بيطلع منو شاشه كبيره وبتلف لفوق وتتش وفيها كل حاجه والسمعات اشترى اي حاجه وبلاش تفتح فى الصاج يعنى اشتر سماعات للأبواب واط عالى بس

[adelhamed]

ماهو انا عندي اصلا مكان للسماعتين ورا مش هحتاج هفتح في صاج ولا حاجه وانا مش عارف اجيبها كام وات ؟

[احمد فهمى]

ماهو انا عندي اصلا مكان للسماعتين ورا مش هحتاج هفتح في صاج ولا حاجه وانا مش عارف اجيبها كام وات ؟

لو انت فاتح اصلاً فى الصاج هات اللى يعجبك مش هيفرق الوات ولو تقصد اللى فى الباب تحت اخرهم ١٥٠ وات

[adelhamed]

طب وهو حجم الوات في كل السماعات الاتنين اللي ورا والاتنين اللي قدام في الباب مرتبط بحاجه في الكاسيت ولا براحتي اجيب زي ما انا عايز ؟

[احمد فهمى]

طب وهو حجم الوات في كل السماعات الاتنين اللي ورا والاتنين اللي قدام في الباب مرتبط بحاجه في الكاسيت ولا براحتي اجيب زي ما انا عايز ؟

ده سؤال مهم جداً اوبل مهتمه جداً فى توزيع الصوت يعنى ورا فى الباب سابان بطلع بيز فقط واودا فى الابواب سماعات ميدى رانج بطلع صوت المطرب او التاس لو راديو وفوق عند الاوكر وارا واودام تويترات تطلع صوت التريبل فقط وطبعاً العباقره اللى بيلغو الكلام ده ويوصلو الكاسيت على سماعات وارا ويفتحو بيبوظو المنظومه كلها وكأنك راكب عربيه عاديه ومركب كاسيت وسماهات وخلاص

[adelhamed]

طب وبالنسبه للوات اجيب الكاسيت كام وات والسماعات كام وات مثلا ؟؟

[احمد فهمى]

اي حاجه تعجبك هي فى النهايه مش هتفرق لو انت مش مركب جى ام يعنى هات ١٥٠ مثلاً او ٢٠٠

[adelhamed]

متشكر جدا ليك يا استاذ احمد تعبتك معايا س معلش سؤال اخير كان في استاذ بيسأل برضو عن حاجه تخص كاسيت لعربيته ال b وحضرتك قولتله انه هيحتاج فيشه عشان تبئا وصلة بين العربيه وبين الكاسيت كنت عايز اعرف الوصلة دي اسمها ايه و ممكن اجيبها منين ولا موجوده عادي في اي مكان ؟ وبكام تقريبا ؟

[احمد فهمى]

لو عربيتك كاسيت الفبريكه هتحتاج فيشه هى عباره عن مشترك بين فيشة العربيه الاصليه والكاسيت انا فاكر كنت جيتها من عند السجان اللى فى شارع دمشق بس هى موجوده اكيد عند ناس كتير ولو ملقتهاش انا عندى واحده من ايام الفيكترا بى لو انت قريب من الدقى نتفق وهى هديه منى لك وان شاء الله نفيدك والله المستعان...

[احمد فهمى]

الفيشه مهمه ومتخليش حد يفتى ويقلك نشعر الضفيره وده عادى او ملهاش لازمه نقصها ده شغل العك وفى وصله تانيه بتاعت الاريال بتاع العربيه بتشتريها برضو عامله زي جاك بيوصل بين الاريال والكاسيت

[adelhamed]

والله يا استاذ احمد انا مش عارف اشكرك ازاي علي انك لفت نظري لموضوع الفيشه دي لان ابن خالتي فعلا وقع في الموضوع دا لما اشتري كاسيت شعروله الكابل والوصلة اتعملت دايركت بعد كدا علي الكاسيت ودا نتج عنه انه للاسف لما جه يبيع العربيه مقدرش يفك الجديد عشان يركب الفبريكه وقت البيع

وان شاء الله اقابلك انا ساكن عند ارض اللوا لو تعرفها جنب الدقي بس انا حاليا مش في مصر وهرجع بعد العيد ان شاء الله ونتقابل وكفاية والله ذوقك وكرم اخلاقك يا استاذ احمد :)

[احمد فهمى]

والله يا استاذ احمد انا مش عارف اشكرك ازاي علي انك لفت نظري لموضوع الفيشه دي لان ابن خالتي فعلا وقع في الموضوع دا لما اشتري كاسيت شعروله الكابل والوصلة اتعملت دايركت بعد كدا علي الكاسيت ودا نتج عنه انه للاسف لما جه يبيع العربيه مقدرش يفك الجديد عشان يركب الفبريكه وقت البيع

وان شاء الله اقابلك انا ساكن عند ارض اللوا لو تعرفها جنب الدقي بس انا حاليا مش في مصر وهرجع بعد العيد ان شاء الله ونتقابل وكفاية والله ذوقك وكرم اخلاقك يا استاذ احمد :)

الشكر لله وطبعاً عارف ارض الوا وان شاء الله ترجع بالسلامه وكل سنه وانت طيب.....