تنظيف الرداتير

[ehabsoft]

كيفية تنظيف الرداتير بتاع فكترا بي 97 1600 سي سي
هل بتتفك الفبرتين اللي في الجانبين الرداتير ولا جانب واحد بس هوه اللي بتفك
وهل بيتنظف بضغط الميه بس وله في سائل تنظيف معين
وهل فكه يخليني اشحن التكييف تاني وله ملوش دعوه بالفريوف
وازي افكه من العربية
وهل فيه طريقة لتنظيفه من غير ما يتفك
فيدوني افادكم الله

[moumen_hs]

ياباشا روح على شل هما بنظفوا ب 30 جم وبيحطوا سائل تنظيف ومكيينة تنظيف خاصة وهما بيشيلو الخرطوم فقط ومش بيتشال الريداتير وهو ملوش دعوة بالفريون نهائى وحط بعد كدة مياة خضرا أحسن حاجة فى الجو الحر دة ,اشتريها من أى حد بتاع كماليات وأحن حاجة الامريكى فى حدود 30 -35 جم وفى شل موجودة بس بزيادة 10 جم

[tananybasha]

اغسله على مكنة الغسيل
و هو بيتفك عادى من غير ما تفضى فريون

[ehabsoft]

فين محطات شيل اللي بتنظف في مصر

[ehabsoft]

والتنظيف ده احسن من الفك ولا ظروفه ايه

[momen_omar]

معظم الناس بتغسل الدورة فقط عن طريق كبس المية.... التنظيف بالفك فى ناس كتير ما بتعملوش بس عن تجربة لما نضفت عن طريق فك العلبتين اللى فى الجنب و تسليك السربنتينة بحاجة عاملة زى السيخ كدة شفت بعينى و ايقنت ان فك العلبتين ده هو الحل الاكيد لتنضيف الريداتير لان بيبقى فى رواسب من الاملاح و الصدا عاملة كتل زى الجلطات مستحيل غسيل الدورة هيطلعها...... انا عملتها مرة واحدة من سنتين و كنت بشتكى من الحرارة و من ساعتها والعربية عمرها ما سخنت و بقالى سنتين مغسلتش ولا بشتكى منه ...............روح لحد بتاع ريداتير نضيف يعملهولك لو ريداتيرك قديم لكن لو لسة جديد كفاية اوى غسيل الدورة بكبس المية فقط