العداد و الباور

[Hitch122]

السلام عليكم..سيارتى فكترا 97 2000 سي سي زيت باور الدركسيون كله بيتسرب...حتى بعد ما زودته عشان أتأكد.....حد عنده فكرة أصلحها فين عشان الميكانيكى قالى أروح لواحد بيصلح باور.

كمان كنت بعمل شغل ميكانيكا فيها..و لقيت عداد الأر بي أم و السرعة مبقاش شغال

[tananybasha]

الباور تشوف التسريب منين خرطوم او طرمبة او علبه
العدادات فيوز

[Hitch122]

ألف شكر يا باشا ....طيب فيوز العداد ...ده عايز كهربائي ولا بتاع عداد...
التسريب بتاع الزيت الباور..أعتقد علبة ...لأن التسريب قوى جداً ....فتعرف حد يا باشا و ألف شكر

[ULTRA]

بص يا باشا انا كانت عندي نفس المشكلة في الباور ولا روحت لميكانيكي ولا حاجة انا نزلت يوم الجمعة الصبح بدري و فكيت طلمبة الباور من العربية و خدتها علي طربيزة السفرة و فكتها من بعضها و خلعت العلبة من الطلمبة و لقيت الجوان اللي بين الطلمبة و الخزنة بهذا الشكل اللى فب الصورة غيرته و ما عدتش بتنزل ولا نقطة زيت

[Hitch122]

ألف شكر يا بك..بس إنت راجل برنس ...بس أنا مش حعرف أفك الطلمبة..بس إنت كده طمنتنى إن العيب بسيط إنشاء الله...أنا عضلة الرست عندى بقت أقوى....طيب متعرفش حد كويس

[Driver101]

الباور تشوف التسريب منين خرطوم او طرمبة او علبه
العدادات فيوز

محمد باشا، أنت عارف رقم الفيوز؟ أنا كنت باراجع على الفيوزات وحطيت جديد بدل القديم وظبطت كل فيوز حسب قيمته. بس بعدها عداد البنزين مش شغال، هو كان الأول بيكون معلق عند النص لو العربية مش متفولة. أنا شكيت في الفيوز رقم 9، لكن لقيته مسئول عن إضاءة العدادات (الإضاءة التي تكون في خلفية العداد) بالإضافة إلى اللمبة اللي وراء بتاعة لوحة الأرقام المعدنية. أنا عربيتي أخت عربيتك لكن أوتوماتيك.

[tananybasha]

يعنى عداد البنزين مش شغال
ده ملوش فيوز
شوف الفيشة تحت التانك ناحية الكنبة بس تحتها خالص
تكون مفكوكه او ملمسه

[Driver101]

يعنى عداد البنزين مش شغال
ده ملوش فيوز
شوف الفيشة تحت التانك ناحية الكنبة بس تحتها خالص
تكون مفكوكه او ملمسه

هو احتمال تكون في حاجة عملت قفلة أو فكت لما حاولت اغير الفيوزات، اتضح لي إن مش بس عداد البنزين، ده كل العدادات، ولما أفتح الكونتاكت، مفيش حاجة بتنور، يعني لمبة الزيت ولمبة حرف s (المجموعة اللي بتنور عند بداية التدوير) وطبعا بما إن مفيش عداد شغال، فالمروحة اللي هي قدام الردياتير ما دارتش والميه سخنت جامد وكانت النتيجة إنها راحت منفسة من الخرطوم الواصل بين الردياتير وقربة الميه. ربنا يستر وأشوف حد يعرف يحل الأزمة دي.

[ULTRA]

السلام عليكم..سيارتى فكترا 97 2000 سي سي زيت باور الدركسيون كله بيتسرب...حتى بعد ما زودته عشان أتأكد.....حد عنده فكرة أصلحها فين عشان الميكانيكى قالى أروح لواحد بيصلح باور.

كمان كنت بعمل شغل ميكانيكا فيها..و لقيت عداد الأر بي أم و السرعة مبقاش شغال

بص يا باشا اعمل زي ما انا عملت فكيت الطلمبة و صلحتها بنفسي و لو محتاج اي مساعدة انا تحت امرك

[Hitch122]

ألف شكر يا رجالة ..طلع خرطوم الضغط..أنا جبت المصرى ب 230 جنية ...الميكانيكى كان نصحنى أجيب البرازيلى بس ملقتوش...عشان أوسع و بيحافظ على الطرمبة