أنا عربيتي فيكترا 97 مواصفة خاصة 2000سي سي

[ahmed_magdy_shaaban]

يا جماعة أنا عربيتي 2000 سي سي منيوال طبعا محدش هيصدق لكن هي دي الحقيقة (مثبوت أيضا في الرخصة)..المهم..الموتور بتاعي قديم مش إيكوتك الجديد..هل ده فعلا 8 صبابات مش 16؟..علما بإن العربية ما شاء الله سحبها رهيب(الأول يوصل الي 60) سواء وانا فاتح التكييف أو قفلو..دا أول سؤال..
ثانيا بقي...انا التكييف عندي حاسس انو ضعيف مع اني لسه شاحنه!!! هل العربية دي تكييفها وحش زي ما الناس بتقول.آسف للإطالة مع اني عندي أسئلة كتير بس مش عاوز أزهقوا.

[ahmed_magdy_shaaban]

محدش معبرني ليه؟!

[farahat]

الموتور القديم فعلاً كان ٨ صباب (كل مواتير اوبل ما قبل Ecotec )
والموتور دة تقريباً (المعلومة مش مؤكدة بس هي من موتور اوبل أوميجا ال-٢٠٠٠ )
حوالي 115 حصان ، و العزم بتاعه 178 نيوتن / متر ، عشان كدة هتلاقي الطلعة بتاعته جامدة جداً

موضوع التكيف دة بقى غالباً بيكون شحن ، رجع الشحن تاني يمكن يكون في تهريب بسيط و بيزيد مع الوقت ، تاني حاجة اتأكد إن الفلتر بتاع الهوا إلي داخل الصالون مش مسدود تراب ، تلت حاجة اتأكد إن الكباس شغال كويس و السير بتاعه مشدود كويس .

و ربنا معك و تعرف المشكلة فين

[ahmed_magdy_shaaban]

ألف شكر يا باشا..أنا مش عارف أقولك إيه علي معلومة الموتور دي كنت هموت وأتأكد منها..طيب معلش سؤال تاني..الموتور ده تقريبا السرعة القصوي بتاعته كام تقريبا.وإيه اللي ممكن أعمله يزود من كفائته و يطول عمره.أعذرني أصلي أول مرة أركب أوبل و معرفش فيها حاجة.وعاوز حد يساعدني أعرف إزاي أظبط موتورها و عفشتها و كده يعني..أشكرك يا أخي مرة تانية وان شاء الله هشوف حكاية فلتر التكييف دي

[ENG\AHMED]

ألف شكر يا باشا..أنا مش عارف أقولك إيه علي معلومة الموتور دي كنت هموت وأتأكد منها..طيب معلش سؤال تاني..الموتور ده تقريبا السرعة القصوي بتاعته كام تقريبا.وإيه اللي ممكن أعمله يزود من كفائته و يطول عمره.أعذرني أصلي أول مرة أركب أوبل و معرفش فيها حاجة.وعاوز حد يساعدني أعرف إزاي أظبط موتورها و عفشتها و كده يعني..أشكرك يا أخي مرة تانية وان شاء الله هشوف حكاية فلتر التكييف دي

الموتور دة فعلا 8 صمام وسرعتة القصوى اخر عدادك :)
وسيبك من اللى يقولك تكييفها تعبان اهتم بالصيانة وقطع غيار اصلية ومش اى حد يعك فيها وهتلاقية تلاجة
عندك التبريد ضعيف ولا الهوا اللى خارج ضعيف؟؟

[ahmed_magdy_shaaban]

الهوا اللي خاج ضعيف..يعني لو عاملو علي أول درجة تقريبا مفيش هوا لكن التبريد نوعا ما كويس.و في ملحوظة..أول ما أشغل التكييف بيعمل صوت غريب كده زي ما يكون بلونة مخرومة و بعدين يروح علي طول,,علما بإني كشفت علي الخراطيم والمواسير تمام.شكرا

[ENG\AHMED]

الهوا اللي خاج ضعيف..يعني لو عاملو علي أول درجة تقريبا مفيش هوا لكن التبريد نوعا ما كويس.و في ملحوظة..أول ما أشغل التكييف بيعمل صوت غريب كده زي ما يكون بلونة مخرومة و بعدين يروح علي طول,,علما بإني كشفت علي الخراطيم والمواسير تمام.شكرا

الهوا الضعيف حاجة من اتنين يالفلتر عايز يتنضف او يتغير ياما بوابة ال recirculation مش مظبوطة او مش شغالة اصلا

[Ahmad Allawy]

اهلا بيك يا احمد بك وشط اخواتك الاوبلاوية..
مبروك عليم العربية و ربنا يباركلك فيها و يحفظهالك..
الصوت ده طبيعي ف عربيات كتير مش الاوبل بس..
ده صوت الكومبريسور نفسه..
اكتر من كده مش هاقدر افيدك.. :: :) :)
للأسف انا عربيتي مش مكيفة اصلا.. بس متقلقش.
اخواتك مالكي الفيكترا هنا كتير و هيفيدوك ان شاء الله..

و بالنسبة لموضوع السؤال الكتير..
اسأل يا بيه براحتك كلنا اخواتك و تحت امرك.. و كلنا بنستفيد و بنتعلم..

[farahat]

ألف شكر يا باشا..أنا مش عارف أقولك إيه علي معلومة الموتور دي كنت هموت وأتأكد منها..طيب معلش سؤال تاني..الموتور ده تقريبا السرعة القصوي بتاعته كام تقريبا.وإيه اللي ممكن أعمله يزود من كفائته و يطول عمره.أعذرني أصلي أول مرة أركب أوبل و معرفش فيها حاجة.وعاوز حد يساعدني أعرف إزاي أظبط موتورها و عفشتها و كده يعني..أشكرك يا أخي مرة تانية وان شاء الله هشوف حكاية فلتر التكييف دي

السرعة القصوى مش بتكون للموتور دي بتكون للعربية على الموتور (لأن داخل فيها الجيربوكس و ضخ فيها الموتور و داخل فيها وزن جسم العربية و الكماليات إلي فيها و تحميلها على الموتور )
بس أنا ممكن أخمن متوسط كدة للسرعة في العربية دي و هيكون في حدود ١٩٠ ٢١٠ كم/س خصوصاً انها منوال كمان

[ahmed_magdy_shaaban]

مش عارف أشكركم إزاي..مكنتش متخيل اني هلاقي ناس تساعدني كده.جزاكم الله خيرا الأستاذ أحمد أستأذنك عاوز أعرف أعلي كفاءة الموتور إزاي وأطول عمره إزاي.أنا غيرت سير الكاتينة و غيرت الزيت و نظفت دورة التبريد.إيه اللي ممكن يتعمل تاني.الحاجة التانية سمعت عن حاجة إسمها فيلتر هواء رياضي!!!دا بيعمل إيه.والحاجة الأخيرة عندي التابلوه عاوز يتنظف من جوة والشاشة اللي فيها درجة الحرارة دي الكلام فيها ممسوح كدة و مش باين منو حاجة..إيه الحل؟ و هل ممكن أوديها لحد يعملها؟شكرا و آسف علي الإطالة

[ENG\AHMED]

مش عارف أشكركم إزاي..مكنتش متخيل اني هلاقي ناس تساعدني كده.جزاكم الله خيرا الأستاذ أحمد أستأذنك عاوز أعرف أعلي كفاءة الموتور إزاي وأطول عمره إزاي.أنا غيرت سير الكاتينة و غيرت الزيت و نظفت دورة التبريد.إيه اللي ممكن يتعمل تاني.الحاجة التانية سمعت عن حاجة إسمها فيلتر هواء رياضي!!!دا بيعمل إيه.والحاجة الأخيرة عندي التابلوه عاوز يتنظف من جوة والشاشة اللي فيها درجة الحرارة دي الكلام فيها ممسوح كدة و مش باين منو حاجة..إيه الحل؟ و هل ممكن أوديها لحد يعملها؟شكرا و آسف علي الإطالة

تطول عمر الموتور بالصيانة فى مواعيدها وقطع غيار اصلية ولازم اللى يمد ايدة فيها يبقى فاهم لانها مش بتاعت عك ومتسرخصش
التابلوة فى موضوع هنا عن طريقة فك لوحة العدادات ولو معرفتش التوكيل او ميكانيكى اوبل والشاشة اعتقد فى هنا بردو موضوع عن طريقة اصلاحها

[Ahmad Allawy]

تعلي كفاءة الموتور.. في حاجات كتير قوي..
فلاتر رياضية.. و تيربو و نايترس و و كله بتمنه.. و خلي بالك ان الحاجات دي ما عدا الفلتر يعني بتقلل من عمر الموتور.. لكن الفلتر عادي..
في انواع كتير انضفها k&n ده امريكي.. بس يعيبه انه غالي شوية.. و مشكلة خطيرة.. انه بيتنضف كل فترة بمحلول او زيت معين كده و ده غالي قوي و مش متوفر كتير.. و في بلدنا هنا هتحتاج تنضفه كتير و في نوع تاني اسمه سيموتا علي ما اذكر.. في شوف اخونا شريف شاكر هنا من اكتر الناس اللي اتعاملت في الحاجات دي.. هيفيدك اكتر..
الحاجات التانية غالية قوي و بتقصف عمر الموتور.. (في رأيي سيبك منها..)
موضوع تنضيف التابلوه تروح لحد متخصص اوبل كهربائي يفك و ينضف.. عشان ميكسرش حاجة ولا يضيع مسمار ولا كليبس ولا حاجة.. عشان موضوع مهم..
اما بالنسبة للشاشة لو سليمة يبقي تنضيف و خلاص..
لكن لو فيها حاجة..يبقي ارمي و هات استيراد..

و اهلا بيك و تشرفنا بالسؤال في اي وقت..
و يا رب اقدر افيدك و اجاوبك..

[ENG\AHMED]

على فكرة معلومة عن الشاشة ودى فى كل الاوبل متوقفش العربية فى الشمس كتير بحيس يبقى التابلوة والشاشة معرضين للشمس (شماسات وكدة يعنى ) وكمان متجيبش مية او اى سوائل ناحيتها

[ahmed_magdy_shaaban]

ألف شكر..فعلا سمعت عن حكاية الشمس دي

[ahmed_magdy_shaaban]

ألف شكر يا أستاذ أحمد علي مساعدتك الغالية دي..أنا حاليا كده مش محتاج حاجة.وأول ما أحتاج أي حاجة إن شاء الله هسألك علي طول.أنا زي ما قولتلك لسه جديد في الأوبل.و خايف أكون أسئت الإختيار.لكن واضح من المنتدي الرائع ده و في القسم الخاص بأوبل إنها عربية كويسة.هو في رأي حضرتك مقارنة ما بينها وبين اللانسر والمازدا والهوندا والسكودا.من حيث القوة والأداء والكفاءة.أيهم أفضل؟! لأني فضلت العربية علي كل دوول بعد تفكير طويل.ولكن أحتاج رأيك