عربيتى للبيع

[KHALED AYMAN]

السلام عليكم
ان شاء الله نويت ابيع عربيتى للبيع و هعمل الاعلان هنا لان الاوبل مش بيركبه غير ركيب الاوبل ..فلو ليها نصيب تتباع هتتباع فى القسم هنا
العربيه 2008 ترخيص شهر 7 سنه 2009
ماشيه 145 الف كم (90%منهم سفر)
فابريكه بالكامل ما عدا الاكصدام الامامى و جزء فى الباب الامامى يمين
بطاريه بقالها 8 شهور
اللون سيلفر
العربيه توب لاين
فتحه سقف
زينون
بخاخات
كراسى كهرباء + ميمورى 3 اوضاع
فرش جلد
سخانات كراسى
تكييف تتش دوال زوون
شاشه بيانات فيها كل تفاصيل العربيه
تاره ملتى فنكشن
7 سماعات
برنامج اتزان الكترونى esp
مرايات تعتيم و ضم كهرباء
كاوتش بريدجستون ادرنالين سعر العجله الواحده 1100 جنيه
وصله aux
العربيه لا تحتاج لاى مصاريف
طقم الدبرياج متغير فى التوكيل
صيانه ال 120 الى هى زي ال 60 معموله فى التوكيل
وصيانتها كل 10 الاف كم بتتعمل فى التوكيل ما عدا صيانه او اتنين عملتهم برا
ولسه مغير الطنابير والتيل
للامانه العربيه محتاجه قاعده موتور اماميه
ولمبه مواتير الفوانيس الى ادام بتنور ساعات فى التابلوه بس النور شغال طبيعى و مواتير النور شغاله تمام مفيش اى مشكله
مطلوب 118 الف
السعر قابل للتفاوض بس فى حاجات بسيطه "عند التنفيذ"
التواصل عن طريق الموبايل لانى مش بفتح المنتدى الا قليل اووووى
01067347390
خالد ايمن

[amraction]

ربنا يحسنلك بيعها ان شاء الله

[zangry]

بالتوفيق ياباشا

بس هتجيب اية مكانها ؟

حضرتك ساكن ادام المستشفي العام صح؟؟

[KHALED AYMAN]

والله لسه محتار فى موضوع اجيب ايه ده ..بس غالبا فانتازيا :)
وفعلا انا الى ساكن ادام المستشفى العام قبل كافتريا النخله :)
انا متراقب ولا ايه ! هههههههه

[kar!m]

ربنا يبارك لك و للمشتتري يا خالد .. عربيتك معروفه طبعا .. و معروف انت بتعاملها ازاي .. زي عيل من عيالك :-)

بالتوفيق في البيع.

[Youssef.Awad]

موفق فى البيع يا باشا
بس حضرتك ما قولتش طراز ايه من اوبل !!!
كورسا - فيكترا - استرا

[KHALED AYMAN]

كريم باشا كل سنه و انت طيب :) و طبعا العربيه اهم عندي من عيالي (ان وجدوا)
ونسيت اقول معلش العربيه فيكترا سي

[احمد فهمى]

ربنا يبارك للمشتري ويحسنلك بيعها يا خالد ويا جماعه شهاده لله العربيه دى سليمه فعلاً وانا ركبتها وسوقتها كمان وكل صيانتها موجوده عند منصور متسجله وبعد صيانة ال٦٠ تانى مره وهو غير اسطوانه وطيسك كما يعنى اللى هيركب كمان ٥٠ الف كيلو على الاقل يعمل صيانه والله المستعان

[KHALED AYMAN]

احمد بيه فهمي العربيه سليمه عشان انت ركبتها بس :)

[zangry]

والله لسه محتار فى موضوع اجيب ايه ده ..بس غالبا فانتازيا :)
وفعلا انا الى ساكن ادام المستشفى العام قبل كافتريا النخله :)
انا متراقب ولا ايه ! هههههههه

ههههههههه اه اصل انا ساعات لما اروح المدرسة بعدى من ادام بيتك دايما بلاقي البواب قاعد بيفطر هو

مراته :d بروح المدرسة الساعة 8 وشوية كده بلاقي عربيتك وانا مروح على 10 مش بتكون موجودة

[احمد فهمى]

احمد بيه فهمي العربيه سليمه عشان انت ركبتها بس :)

يا كابتن خالد دى كلمة حق واللى هيشتريها من المنتدى اكيد هيبقى فى وشى بعد كده وبصراحه دى بتمن السيراتو مستعمله مع الفرق طبعاً وبالتوفيق

[tananybasha]

موفق فى البيع ان شاء الله يا خالد
و ربنا يعوضك باللى احسن منها

[KHALED AYMAN]

ربنا يخليك يا طنانى بيه
واحشنى والله
وعارف انى مقصر بس ظروف

[virus2007]

هل العربية اوبل كورسا بانوراما ؟ ولونها اية يا فندم ؟

[ahmedbasto]

العربية فيكترا سى لونها فضى وبأمانة انا ركبت العربية دى ماشاء الله خالد محافظ عليها اوووى ربنا يبارك للى هيأخدها