اختبار قياده استرا الجديده

[KHALED AYMAN]

سلام عليكم
من اسبوعين عملت تست درايف للاسترا الجديده و من يومها مفيش وقت اعمل الموضوع
الشكل الخارجي :
ممتاز و ان كنت متحفظ علي ارتفاع العربيه من ورا شويه...٩/١٠

التصميم الداخلي :
ممتاز والخامات ممتازه بس للوهله الاولي هتلاقي صعوبه في التعرف علي وظائف الزراير..و الوسع ممتاز بصراحه ٩/١٠

الاداء :
التسارع بتاع العربيه ضعيف شويه تحت ال ١٠٠ لكن بعد كده بتبقي فايقه
الفتيس للاسف مخيب للآمال ....نقله الفتيس محسوسه اوي تكاد تقترب من الايزي ترونيك لكن مفيش تنتيش الايزي ترونيك و التهييس بتاعه لكن يظل فتيس لا يليق بمستوي العربيه و اتقفلت منه بصراحه
الثبات ده الي فعلا غير عادي لان العفشه بتمتص الصدمات بشكل خيالي بكل هدوء و مرونه والعربيه عندها قدره رهيبه انها تفضل ماسكه في الارض و مفيش اي نوع من انواع الميل ...
التكييف معقول لكن تكييف الفيكترا السي احسن منه
الفرامل ممتازه
العزل ممتاز

ملخص الكلام : العربيه حلوه جدا و تستاهل سعرها ١٧٠ الف و العربيه هاديه مشرشقيه زي الفيكترا السي
الفتيس اكتر حاجه ضايقتني لان كنت متوقع فتيس لا يقل في السلاسه عن فتيس الاوكتافيا

[eng.m7md.ali]

هيا دي النسخة ال 115 حصان ولا التيربو؟

[Kareem.ElAraby]

متابع

[mody3on]

هيا دي النسخة ال 115 حصان ولا التيربو؟

هي لو كانت تربو كان هيقول ان سحبها ضعيف ؟ :d

[KHALED AYMAN]

ال ١١٥ حصان ..العربيه تحسها مكتومه و مفيش feeling بالتسارع غير الفيكترا السي ..احساس الاجرام متواجد فيها

[eng.m7md.ali]

هي لو كانت تربو كان هيقول ان سحبها ضعيف ؟ :d

اصل انا عارف خالد ايمن مش بيعجبه العجب xD

[dede_dodo88]

و ان كنت متحفظ علي ارتفاع العربيه من ورا شويه...٩/١٠

ماله بس أرتفاعها من ورا ؟!

الاداء :
التسارع بتاع العربيه ضعيف شويه تحت ال ١٠٠ لكن بعد كده بتبقي فايقه
الفتيس للاسف مخيب للآمال ....نقله الفتيس محسوسه اوي تكاد تقترب من الايزي ترونيك لكن مفيش تنتيش الايزي ترونيك و التهييس بتاعه لكن يظل فتيس لا يليق بمستوي العربيه و اتقفلت منه بصراحه
الثبات ده الي فعلا غير عادي لان العفشه بتمتص الصدمات بشكل خيالي بكل هدوء و مرونه والعربيه عندها قدره رهيبه انها تفضل ماسكه في الارض و مفيش اي نوع من انواع الميل ...

هو التسارع فعلاً من 0 لـ 80 مش أحسن حاجة فعلاً.. لكن مش فارقة قوي لسواقة داخل المدينة لأنه برضه مش بشع يعني لكن مش اللي يتعمل بيها drag race مثلأً, و أسمع أن التربو نفس الكلام برضه, لكن 80 بقى و أنت طالع حاجة تانية و التسارع بيكون كويس..
الفتيس ممكن يكون من الأسباب اللي مخلية الطلعة بطيئة شوية لأن تجميعته مش أحسن حاجة في السرعات القليلة.. لكن نقلته مش محسوسة خالص بالنسبة لي و مفيش فعلاً موضوع النتشة ده.. بس أعتقد لو فكست للأوتو و مشيت على الستبترونيك الدنيا هتبقى لطيفة..
العربية ناعمة على الطريق على الرغم من الجنط 17", ثبات فوق الممتاز و العربية مغرية جداً في الملفات, أنا تقريباً معظم المنحنيات مبدوسش فرامل و بزود فيها السرعة و بخش بقلب جامد لأني حاسس العربية لازقة على الأرض و حتى لو حبيت أفرمل لمسة و العربية هتقف من غير مشاكل..

التكييف معقول لكن تكييف الفيكترا السي احسن منه

أنا كائن قطبي و شايف التكييف كويس جداً يعني على درجة 20ْ و مروحة على واحد مش بزودها و ببقى متكيف الصراحة lol
بس لما حد بيقعد ورا بيسألني أنت مش مشغل التكييف ليه!!, على الرغم أني ببقى مشغله و مسلط كل الفتحات عليا lol

الفرامل ممتازه

الفرامل الصراحة من أجمد الحاجات في العربية دي, حتى لو ماشي على سرعة عالية في ثانية واحدة العربية هتقف معاك..

العزل ممتاز

صوت الموتور يكاد يكون مسموع إلا لما الـrpm بيعلى عشان الفتيس ينقل, غير كده و الأزاز مقفول مش هتسمع تقريباً حاجة بره, بس بتبتدي تحس شوية بصوت الهواء و الأزاز مقفول بدءاً من 140 و أنت طالع..

بس ده كان رأيي من التست درايف اللي بعمله للعربية كل يوم :)

[S O P H O S]

مشكوررر يا باشا ..

[medoghaly]

عربية و همية فعلا و ركوبة مختلفة

[احمد فهمى]

خالد دى السيدان والا الهاتش باك؟؟؟؟؟؟؟؟ ويا ريت متشتريهاش عشان متبوظش سمعتها والاحساس بالنقله ده غالباً عقده اشتري العربيه بتاعت شعار الفرخه اللى عجباك وكطه يبقى عندكو فرختين فى البيت :)

[KHALED AYMAN]

دى الهاتش ..ولعلمك كنت مستنى السيدان والله
بس لما لقيت نقله الفتيس كده اتقفلت صراحه و نويت على العربيه الفرخه :)
بس لا بأمانه هى مش عقده ..هوصفلك الاحساس بالظبط ..وانت دايس السحب بيقف تماما سيكه كده و يرجع تانى !
رخمه صراحه ما العربيه ام فرخه بتنقل من غير ما تحس ولا العربيه نفسها بتحس انها نقلت :) ههههههههههههه

[kar!m]

ملخص الكلام : العربيه حلوه جدا و تستاهل سعرها ١٧٠ الف و العربيه هاديه مش رشقيه زي الفيكترا السي

مش رشيقة زي الفيكترا سي .. يعني الفيكترا سي رشيقة ولا لأ.

[KHALED AYMAN]

هي الكلمه اصلا شقيه بس اتكتبت غلط :)
الفيكترا السي شقيه شقاوه السنييييين :( هفتقد انا الشقاوه دي