أسعار قطع غيار الفكترا

[dr-gom3a]

السلام عليكم يا رجاله الاوبل
انا قولت اعمل موضوع اشارك معاكم فيه
بدل اما كل حاجه واخدها على الجاهز منكم
توكلنا على الله opel vectra B
ترمبه باور استيراد 400 جنيه
مساعدين الواحد ب 100 استيراد
الكيلان 400
صليبه الدركسيون ب 100 (مهمه جدا كانت متقله عندى الباور روحت عند واحد غبى عاملى نفسه بتاع اوبل قالى السكترا عندك بايظه )
صوابع ميزان تركى الاتين ب 120
البطاحات الواحده ب 70
(النكيف :
التلاجه ب 400 جنيه واللى يقولك اكتر من كده اديله بالجزمه
ضفيره النكيف 300
اساتك الكمبروسور .بتاعه دايو ب 30 جنيه .)
عاصيه الفتيس كامله ب 150 جنيه
التابلوه
التابلوه كامل بالضفيره بتاعتهل ب علبه الفيوزات بالعدادات بكل حاجه كنت جايبه 800 تقريبا هوا من 800 لغايه 1100 اخره
ضفيره ال abs ب 150
ضفيره الصالون ب 250
الطاره multi كنت جايبها ب 180 جنبه بس من واحد اعرفه
السماعات طبعا اتخيت فيها كتير
كنت بجيب الواحده ب 50
بي بعد كده جبتها ب 25
وش السماعات الواحد ب 25
الشماسات الوحده ب 25
بستم الفرامل اللى ورا الواحد ب 45
الشبكه بالعلامه 105
الشبكه الاستيراد ب 100 برده
الفوجات الhella استراد ب 200
الفوجات يا ريت محدش يجيب الجديده خالص البواغى بتاعه ضعيفه بتكسر بسرعه وبتطوس
طالما عندك ال hella تجيب صينى ليه

الفوانيس ال
الجوز با 300 اخره بالاشرات (طبعا ده الفانوس الحتيتين )
كالون سنتر كان ب 150
حساس ideal ب 100

اخيرا المكنه ال echo tech 1800 كنت سائل عليها كامله ب 3500 دا قبل الفصال طبعا

بس كده لو حد عنده أسعار قطع غيار تانيه يا ريت يكتبها

ديه نمر ناس بتوع قطع غيار لو حد احتاجها
فى واحد بتشنرى منه فى الحرفيين اسمه محمود واد جدع
بس اما يقولك سعر قوله النص على طول واد بياع ده رقمه 01014136766
فى واحد اسمه سفينه اوبل 01225677965
فى أوبل عبد الشافى راجل محترم برده 01003016660
فى واحد فى شبين قطع غياره نضيفه وأسعاره حلوه بي كله بالفصال برده 01065638742
ماجد ده فى طنطا عنده الحاجات الجديده أسعاره كويسه برده 01223807214
بالتوفيق يا رجاله

[islambana]

متشكرين علي المجهود ياباشا
صليبه الدريكسيون والسماعات جبتهم منين ياباشا بالاسعار دي عشان عاوز اجيبهم انا كمان

[احمد فهمى]

موضوع مهم جداً ورد كافى على اقاويل ان قطع غيار الاوبل غاليه ولازم نلاخظ ان كل القطع دى المانى

[kar!m]

أنا شايف الأسعار رخيصه عن الطبيعي .. ولا ايه يا فهمي؟

يعنى الفوانيس الجوز ب 300 جنيه؟ ده قليل جدا .. و التلاجه ب 400 جنيه .. و التابلوه كامل ب 800 جنيه؟

أنا شايفها أقل من الطبيعي بصراحه.

[HAITHAM1985]

مشاركة جميلة جداااااااا ........ بس على فكره الحساس إسمه حساس idle مش ideal وساعات بيسموه حساس الثروتل

[akmm]

مجهود مشكووووووووور .

[gmgamil]

وكذلك فى درة الصعيد سوهاج يوجد محل قطع غيار استيراد اوبل عنده كل حاجات الاوبل

واسعارة كويسه

واسم المحل :
المتخصص لقطع غيار الاوبل بسوهاج
و عنوانه :
سوهاج - ش اسيوط سوهاج ـ بحرى مجمع المحاكم ـ
امام باب مدرسة النبوى المهندس مباشرة



و تليفونه 01121857912 - 01006933405
و هو يا جماعة متخصص اوبل فقط

[kar!m]

مشاركة جميلة جداااااااا ........ بس على فكره الحساس إسمه حساس idle مش ideal وساعات بيسموه حساس الثروتل

لأ الأيدل غير الثروتل .. الأيدل اللي بيتحكم في الار بي ام بتاع العربية على السلانسيه .. انما الثروتل ده اللي هو ال tps و ده بيتحكم في مقدار فتح بوابة الهوا عشان تدخل كمية الهوا المناسبه للرشاشات.

[فادى محمد]

تمام يا كيمو الtps اختصارthrotle position sensor وهو بلغه الصنايعيه حساس البوابه اما ال idleفبيسموه حساس السلانسيه

شكرا لصاحب الموضوع ..

[Tiar]

لأ الأيدل غير الثروتل .. الأيدل اللي بيتحكم في الار بي ام بتاع العربية على السلانسيه .. انما الثروتل ده اللي هو ال tps و ده بيتحكم في مقدار فتح بوابة الهوا عشان تدخل كمية الهوا المناسبه للرشاشات.

طيب فيدة الماف ايه لما tps بيتحكم في مقدار فتح بوابة الهوا !!!!


طيار

[adelhamed]

لو الاسعار دي موجوده وحقيقية فعلا يبئا الواحد حياته هتتغير اساسا

انا عندي بس استفسارين تلاته كدا ع الماشي

التابلوه فعلا ب 800 جنيه متأكد من المعلومه دي ؟

الحاجه التانيه عصاية الفتيس اللي بتتكلم عليها دي مانيول ولا اتوماتيك ؟

الحاجه التالته ومعلش اعذرو جهلي ايه هي صليبه الدريكسيون ؟ :D

[dr-gom3a]

لو الاسعار دي موجوده وحقيقية فعلا يبئا الواحد حياته هتتغير اساسا

انا عندي بس استفسارين تلاته كدا ع الماشي

التابلوه فعلا ب 800 جنيه متأكد من المعلومه دي ؟

الحاجه التانيه عصاية الفتيس اللي بتتكلم عليها دي مانيول ولا اتوماتيك ؟

الحاجه التالته ومعلش اعذرو جهلي ايه هي صليبه الدريكسيون ؟ :D

بالنسبه للتابلوه
والله متأكد علشان انا جبته من واحد فى الحرفيين اسمه محمود وانا كاتب رقم تليفونه فوق
فى واحد كمان فى الحرفيين اسمه أولاد الشافعى ممكن يدهولك با 950 او 1000 اخره
انا لفيت على قطع غيار الاوبل كتير جدا
ومعظم التجار مش كويسين
العربيه اصلا بنكون واقفه عليه ب 7 الاف اخرها
ومشكله الاوبل ان الحراميه عاملين تسعيره لقطع الغيار انا يا ما اتخانقت معاهم
يعنى مثلا
الكبالان كامله .خارجى وداخلى جبتها ب 750 والراجل يعنى كان محسسنى انه عامل معايا واجب وزياده
وفعلا كنت سألت عليها عند كام واحد حرامى اللى كان بيقولى 1000 واكتر
وفى الاخر بالصدفه كده
عرفت واحد بتاع قطع استراد ألمانى أوبل وجولف و بى ام بساله على الكبلان والله كانت نضيفه جدا بلزقه ال gm
قالى ب 400

عصايه الفتيس manual
صليبه الدكسيون ديه يا باشا
اخر حته فى القطمه بتاعه الدركسيون
هتلاقيها عند دواسه البنزين
وماسكه فى السكترا ولو قافشه عندك هتفرق فى جركه الدركسيون والرده بتاعته مع الملفات

[dr-gom3a]

متشكرين علي المجهود ياباشا
صليبه الدريكسيون والسماعات جبتهم منين ياباشا بالاسعار دي عشان عاوز اجيبهم انا كمان

شوف يا باشا
فى الحرفيين
واحد اسمه محمود هتجيب من عنده السماعات والصليبه
وماتدفعش مليم زياده عن اللى انا كاتبه
انا كاتب رقمه

[dr-gom3a]

موضوع مهم جداً ورد كافى على اقاويل ان قطع غيار الاوبل غاليه ولازم نلاخظ ان كل القطع دى المانى

والله يا أحمد باشا
انا عملت الموضوع ده من كتر ما اتنصب عليا
ونفسى اعرف كل رجاله الاوبل ان هيا ديه أسعارها

[dr-gom3a]

أنا شايف الأسعار رخيصه عن الطبيعي .. ولا ايه يا فهمي؟

يعنى الفوانيس الجوز ب 300 جنيه؟ ده قليل جدا .. و التلاجه ب 400 جنيه .. و التابلوه كامل ب 800 جنيه؟

أنا شايفها أقل من الطبيعي بصراحه.

أكيد يا كريم انت مش هتكدبنى
على العموم
انا لسه جايب التلاجه من شهر ومفكوكه ادامى من تابلوه من نص استيراد وجبتها ب 400
أسعار الفوانيس زى ما انا كتب برده بس مش الفانوس الحته واحده
التابلوه انا لسه جايبه من شهر 6
وب 800 برده