مياه التبريد

[ehabahmed0]

السلام عليكم انا عندي مشكله ف مياه التبريد انا بلاحظ انها بتنقص بمعدل نص لتر كل تلاته ايام ومفيش اي اسر لتسريب مياه خالص وكمان كان فيه مشكله في مراوح التبريد حليتها الحمد لله لكن العربيه بتسخن وممكن توصل ل 100 في الاشارات مع التكييف وحاسس ان سحب العربيه معدش زي الاول يا تري كده عندي جوان وش سلندر ولا ايه الحل
العريه فكترا 97 مانيوال 1600

[احمد فهمى]

السلام عليكم
خير ان شاء الله طبعاً ال١٦٠٠ مانيوال المفروض متسخنش للدرجه دى التسريب ممكن يكون من غطا القربه او خرطوم بينفس من عند افيز الربط حالول الاول تغير الخراطيم او لو هم تمام تقص سنتى من عند كل مدخل وتنضف مكانو وتركب افيز جديد وبعدين تغسل الريداتير فى محطه تخلى بتاع المحطه ينضفلك سربنتينة التكيف بالمسدس وغير ترموستات الكوعه بتعمل ٥٠ جنيه تقريباً والحساس الامامى بيعمل فى حدود ٤٠ جنيه والمرحله الاخيره اتأكد ان المروحه شغاله بكل سرعتها وان مروحة التكيف شغاله كويس لأن دى ممكن تكون سبب التسخين وان شاء الله مش جوان جرب واحنا متابعين معاك والله المستعان..

[ehabahmed0]

شكرا يا احمد ع تعاونك لكن ايه هو الحساس الامامي
والمروحتين الاماميه والخلفيه بيشتغلوا ع السرعتين بتوعهم انا فحصتهم عند الكهربائي ولما رحت لميكانيكي لما لقي الميه بتفور قالي غير غطا القربه ايه رايكم؟؟؟؟؟؟

[فادى محمد]

-زي مااستاذ احمد قال ال1600 حرارت تشغيلها 82د
-طالما الميه بتنقص يبقي في تسريب ولو كان خرم ابره هيسرب وينقص الميه
-شيك علي الدوره وممكن تحط شويه صبغه في اربه الميه او لون من بتوع البلاستيك البودره وتلاحظ اجزاء الدوره .مكان التسريب هتلاقيه متلون باللون اللي حطيته ,صلح التالف وغير ميه الدوره
-عاوز تعرف عندك جوان ولا لا؟ الصبح قبل ماتدور فك ال4 بوجيهات لو لقيت واحد فيهم او كلهم سنهم مبلول يبقي جوان او بالظبط عندك تاكل بين مجاري الميه في وش السلندر وغرفه الحريق وفي كل الاحوال الموضوع بسيط جدا ان شاء الله

[فادى محمد]

شكرا يا احمد ع تعاونك لكن ايه هو الحساس الامامي
والمروحتين الاماميه والخلفيه بيشتغلوا ع السرعتين بتوعهم انا فحصتهم عند الكهربائي ولما رحت لميكانيكي لما لقي الميه بتفور قالي غير غطا القربه ايه رايكم؟؟؟؟؟؟

ميه بتفور يا غطا القربه يا تسريب كبس زي ماقولتلك
غيره هو ب25ج وشوف ..
طيب والقربه بتفور بتشم ريحه عادم جاي منها ولا لا؟

[forget]

السلام عليكم
خير ان شاء الله طبعاً ال١٦٠٠ مانيوال المفروض متسخنش للدرجه دى التسريب ممكن يكون من غطا القربه او خرطوم بينفس من عند افيز الربط حالول الاول تغير الخراطيم او لو هم تمام تقص سنتى من عند كل مدخل وتنضف مكانو وتركب افيز جديد وبعدين تغسل الريداتير فى محطه تخلى بتاع المحطه ينضفلك سربنتينة التكيف بالمسدس وغير ترموستات الكوعه بتعمل ٥٠ جنيه تقريباً والحساس الامامى بيعمل فى حدود ٤٠ جنيه والمرحله الاخيره اتأكد ان المروحه شغاله بكل سرعتها وان مروحة التكيف شغاله كويس لأن دى ممكن تكون سبب التسخين وان شاء الله مش جوان جرب واحنا متابعين معاك والله المستعان..

ياباشا ولو حتى جوان وش السلندر التركى ب 60 ج والاسبانى ب 75 وفى مصرى ب 25ج

[فادى محمد]

لو علي قد سعر الجوان مش مشكله المشكله انك بتفتح الموتور وبتتحمل مصنعيات ومش عارف هتلاقي ايه ؟؟
ممكن تعد تغير في حجات بحجه انك فاتح ومره واحده وكلام الصنايعيه ده وانت اللي بتدفع مش هو وساعتها مش هيبقي 75ج

[medo111]

اسالني انا عن الموضوع دا كنت بغير جوان ب 75 ودخلت في 1700 جنبه بس الدنيا فرقت والحاجات دي كانت هتتغير هتتغير

[forget]

لو علي قد سعر الجوان مش مشكله المشكله انك بتفتح الموتور وبتتحمل مصنعيات ومش عارف هتلاقي ايه ؟؟
ممكن تعد تغير في حجات بحجه انك فاتح ومره واحده وكلام الصنايعيه ده وانت اللي بتدفع مش هو وساعتها مش هيبقي 75ج

صح عندك حق ياريتها بتيجى على أد تمن الجوان

[gomgom3]

لو أنت لاغى الكيف السخن
شف الطبه بتاعته ممكن تلاقيها مقطوعه وممكن تكون سبب السخونه

[tananybasha]

انا عندى مشكله زى دى
المية بتنقص حاجة بسيطه
و الدورة كبسها زى الفل
و البوجيهات مش مبلوله
و لا الزيت مطحن
و خايف افتح الموتور لألبس فى الحيطه

[ehabahmed0]

مفيش ريحه عادم ف الميه ومفيش زيت داخل علي ميه

[Mostafa.Ismail]

متابع ... عندى نفس المشكلة من حوالى سنة وبزود المية كل الفين كيلو تقريبا.