تجميع بطىء وكاتمة فى العربية

[zendo]

بمناسبة الكهربا النهارده وانا مسافر حاسس ان العربية تقيلة وسحبها ضعيف بتجمع ببطىء ده انا رجلى وجعتنى طول ما انا مسافر هى بتجمع بس تجميعها بطىء شوية محدش يقولى دسك واسطوانة انا لسه مغيرهم ومحسيتش بالحكاية دى الا وانا مسافر تحس ان فية حاجة ماسكة العجل كده من تقلها وتحس ان فيه حاجة كتماها وعايوه تنطق بس مكتومة طبعا معظمكم عارف الاحساس ده وطبعا هى كان اخرها على الطريق 110 زفت يعنى الوقتى بقت 100 بالعافية زفتين مع العلم العربية عندى بتنتش غلى التانى انا حاسس ان الامر لية علاقة بالكهربا
تفتكرة ايه حل للموضوع ده انا تعبت

[tananybasha]

وش اسبراتير

[zendo]

ايون انا كنت حاسس بكده وكنت عاوز حد يقولى كده وده بيتباع لوحدة وتمنة كام هوريك شكلة فى حوض الموتور عندى والسهم الاسفر عاوز اعرف وظيفة الخرطوم ده اية ومكانه فين فى الكربراتير لان انا شاكك الميكانيكى يكون خلف مكانة

[zendo]

انت شايف سلوك البوجيهات دى بتاعت شاهين الكهربائى قالى هاتها تمشى على ربيتك وركبتها وداخلة فى سنة انت ايه رايك

[haitham2011]

ايون انا كنت حاسس بكده وكنت عاوز حد يقولى كده وده بيتباع لوحدة وتمنة كام هوريك شكلة فى حوض الموتور عندى والسهم الاسفر عاوز اعرف وظيفة الخرطوم ده اية ومكانه فين فى الكربراتير لان انا شاكك الميكانيكى يكون خلف مكانة

الخرطوم ده موصل هوا من الكاربراتير للاسبراتير علشان لما تزود و تجري يعلي الكهربا سنه صغيره و لما تقف بعد الجري هتلاقي العربيه صوتها عالي زي متكون دايس سنه بنزين و لو سبتها شويه او طفتها و دورتها تاني هتلاقيها رجعت لسرعتها الطبيعيه

[zendo]

الخرطوم ده موصل هوا من الكاربراتير للاسبراتير علشان لما تزود و تجري يعلي الكهربا سنه صغيره و لما تقف بعد الجري هتلاقي العربيه صوتها عالي زي متكون دايس سنه بنزين و لو سبتها شويه او طفتها و دورتها تاني هتلاقيها رجعت لسرعتها الطبيعيه

وحياتك ولا بشوف حاجة من دى ده انا اول ما بدورها الصبح تقعد ترجرج لحد ماتهدى بس بعد ربع ساعة وبعد ما اجرى بيها زى ما انت بتقول ولا بحس ان العربية صوتها بيعلى ولا حاجة وانا واقف بيها عادى
النهارده فكيت الوش بتاع الاسبراتير كان فيه حتة فحماية صغيرة فى النص كده شيلتها وقلت اجرب لمن غيرها وركبت الوش تانى ودورت العربية لقيتها بندور عادى موجوده زى مش موجوده
انما هى ايه حتة الفحماية ياطنانى انت وهيثم تكونش شيوكلالالاتة

[فادى محمد]

الفحمايه دي المفروض بترمي الكهربا اللي جايه من الموبينه علي راس الشاكوش وهو بيلف بينطرها علي الاربع فحمات اللي حوالين الوش بالدور علشان الكهربا في النهايه تمشي في كابلات البوجيهات..
-اعمل صيانه للاسبراتير كله علشان تحس بفرق ( وش-فحمات-شاكوش)

[wama00]

طيب يا فادر انا عندى حاجة زى كدة العربية سحبها ضعيف وساعات افضل ادوس على البنزين والعربية زى ما تكون بتطلع فى الروح ومره واحدة تروح فاتحة وسحبها زى الفل بس طبعا ما ادوس على الدواسة على الاخر وبرضة ساعات لما ادوس على دواسة البنزين العربية زى ما تكون مش قادرة تتحرك واسمح زى صوت كتمة من عند فلتر الهوا زى صوت طرقعة كدة ,,, الفلتر لسه جديد ما عملش 1000 كيلو فتحتة برضة وقولت انضفة وفيه حتة خرطوم اللى هى بتدخل هوا للعلبة بتاعة الفلتر شلتها ونضفتها بس لاقيت عليها جلخ غريب نضفتة على اد ما قدرت وركبتة تانى
ياترى ايه المشكلة؟؟
العربية اوتو 2000 سى سى فيكترا بى 1

[فادى محمد]

اسباب المشكله دي عندك متعدده وماتظهرش الا بالكشف
بس ممكن اقولك ان في مقدمتها حساس الماف

[wama00]

الله يخرب بيتة حساس الماف ده 550 جنية وماسكين فيه كمان
انا شوفت ماف بس الارقام غير اللى عندى والراجل فضل يقنع فيا ان ملكش دعوة بالارقام والكلام اللى انت عارفة ده بس انا ما رضيتش

[tananybasha]

فحماية ايه اللى رميتها دى
ما دى اللى بتاخد من الشاكوش
على العموم
لو حتى مش لاقيها
الفويل اللى جوه علبة السجاير
لفه
و حطه مكان الفحمه
و شوف ايه النتيجه

[zendo]

انا مرمتهاش انا شيلتها بس وقلت اجرب العربية من غيرها لقيتها بتدور وبتمشى زى ما هى مافيش اختلاف فى حاجة موجوده زى مش موجوده لا العربية وقفت ولا ادتنى اى علامة ان فية حاجة ناقصة والصوت زى ماهو وبعد كده حطتها تانى بعد ما خدت كام مشوار..........طب ازاى بقى ودى لو اتشالت فى اى عربية ايه اللى يحصل انا عندى مش ماثره فى حاجة

[tananybasha]

غريبه والله

[zendo]

غريبه والله

غريبة ازاى هى لو اتشالت ايه اللى بيحصل وبعدين بقى اسمع الحوار ده
انا رحت للميكاتيكى وقولتلة على حوار الكاتمة والسحب والعربية اخرها 100 قعد يلعب فى الكهربا من الاسبراتير وفك بك السلانسية من الكربراتير وركبة ويظبط من مسمار البنزين وجرب رحت جربت العربية زى ماهى اقولة يمكن الماتور فيه حاجة يقولى لا السلانسية بتاعه كويس طب الكربراتير يقولى لا بياخد ويدى معايا لما ازود بنزين واظبط الهوا وهى الى حد ما كويسة فى البنزين قالى حاجة غريبة قالى يمكن واحنا بتركب الديسك والاسطوانة فية حاجة اسمها الفلام مش مطبعة معاة مش ماسكة فى الديسك والاسطوانة لحد الاخر فقالى نبقى فى يوم نفك الماتور ونطلعة ونشوف الفلام ده لو مش ماسك كويس نغيرة او ممكن نخرطة
انت ايه رايك هل فعلا كلامة صح وهل ممكن الفلام يعمل كده ويخنق ويخلى العربية تنتش على الاول والتانى وعلى فكرة انا غيرت موبينة ونفس الحكاية العربية زى ماهى

[zendo]

مستنى الرد