أعمل ايه يا رجالة الاوبل؟؟

[mexmarine]

السلام عليكم و رحمة الله و بركاته ..

خلاصة الموضوع بخصوص الفتيس اللى كنت بأصلحه عند واحد جاهل و كسر لى البليه الالمانى اللوك و الاسطوانه الجديده اللوك برضه (و ربنا يستر على الديسك اللى كنت اشتريته معاهم)

انا مسافر فى شغلى و ارسلت للميكانيكى الحمار ثلاثه شباب حبايبى تمام زيكو كده بعد ما كلمته من الشغل فى التليفون و قالى حسابى 900 جنيه .. 450 جنيه حاجات اشتراها بدل اللى كسرها و 450 جنيه مصنعيته !!!!

المهم الثلاثه منهم اوبلاوى فيكتراوى شديد و جرب العربيه لقاها زى الزفت بواقع الاتى :-

-العربيه مفككه من تحت و مش هى
-صوت شحره و نعره يسمع الشارع كله فى المرشديير
-ما بتجيبش الاول غير لما تحاول مرتين تلاته

- تعليق الميكانيكى الجهبز على سؤال الشباب .. قال لهم انا هظبطها على رجله (اللى هو انا .. لما ييجى من السفر!!)

رد الفعل من الشباب :- تم سحب العربيه من الحمار وو ضعها فى جراج مع انه طلب نصف الفلوس الا انهم قالوا له معندناش تعليمات نديك فلوس و هو لما ييجى هينظر فى امرك ()

انا بإذن الله هوديها عند واحد فى محرم بيه لسه مغير مجموعة الفتيس لواحد زميلنا هنا و انا كلمته و قال لى انه متخصص اوبل و عربيات حديثه و انه اخد العربيه منه زى الفل .. وهو عرض عليا مشكورا انه ييجى معايا ربنا يكرمه

انا خايف ليكون فيها شراء قطع غيار تانى و بهدله ..تفتكروا الموضوع هيبقى خفيف (يعنى تظبيط وللا هيقى درمغه و بهدله جامده ( اراءكم يا اوبلاويه تهمنى )

[TRABYA]

إن شاء الله خير وكمان اعتقد ان طقم الدبرياج مش اختراع ده بيفك طقم ويركب طقم مكانه انت وديتها عند بتاع بطاطه ولا ايه وبجد مش قادر افهم يعني ايه هايظبطها علي رجل حضرتك هو هايعمل دبرياج بالبصمه ولا ايه ، وإن شاء الله لو طقم الدبرياج سليم يبقي مفيش مصاريف تاني غير مصنعيه الراجل ال هايشتغل

[فادى محمد]

محدش يقدر يعرف الا لما ينزل الفتيس
اعمل حسابك علي الاسوء ودايما ربنا سبحانه
كريم بعباده وبيلطف .ربنا يوفقك

[احمد فهمى]

يفضل الفتيس يتفتح تانى وتشوف هو ركب ايه والباقى كلو عيوب تركيب وعدم تربيط

[mexmarine]

إن شاء الله خير وكمان اعتقد ان طقم الدبرياج مش اختراع ده بيفك طقم ويركب طقم مكانه انت وديتها عند بتاع بطاطه ولا ايه وبجد مش قادر افهم يعني ايه هايظبطها علي رجل حضرتك هو هايعمل دبرياج بالبصمه ولا ايه ، وإن شاء الله لو طقم الدبرياج سليم يبقي مفيش مصاريف تاني غير مصنعيه الراجل ال هايشتغل

حلوه بتاع بطاطا دى ههههههههههههه انا وديتها النهارده لميكانيكى اسمه على اوبل و حكيت له القصه و قال لى مبدئيا الفتيس بتاع الاسترا ما يتعملش الا لما الشاسيه يتحل و هو محلش الشاسيه و كسل و قال لى سيبها اكشف عليها و سيبتها له و ربنا يكرم و شكرا لرد حضرتك

[mexmarine]

محدش يقدر يعرف الا لما ينزل الفتيس
اعمل حسابك علي الاسوء ودايما ربنا سبحانه
كريم بعباده وبيلطف .ربنا يوفقك

بطنى وجعتنى كده ..... بجد .. و انا عامل حسابى على كل شيئ و متوكل على الله

[mexmarine]

يفضل الفتيس يتفتح تانى وتشوف هو ركب ايه والباقى كلو عيوب تركيب وعدم تربيط

فعلا ده اللى هيحصل و الميكانيكى قال لى سيبها اكشف عليها و انا حاسس ان الميكانيكى الحمار التانى سايب فيها حاجات محلوله علشان اخاف امشى بيها لغاية ما اديله فلوس لكنى روحت بيها لعلى اوبل .. ربنا يكرم و يشوف فيها ايه فاضل

[kar!m]

هو الميكانيكي الأولاني مين؟ و التاني مين؟

أمنا أعرف واحد اسمه البمبي كويس عندكم.

[tananybasha]

بص يا باشا
كلمة بتاع بطاطا كلمه محترمه
ده و لا حاجة
زيرو
نوثينج

[mexmarine]

هو الميكانيكي الأولاني مين؟ و التاني مين؟

أمنا أعرف واحد اسمه البمبي كويس عندكم.

الاتنين اسمهم على بس التانى اللى بيصلح اوبل اسمه على اوبل

و على فكره انا جبت منه العربيه و الاصوات راحت خالص و العربيه بقت ناعمه قوى بس الاول بيعض و المرشدير معاه شحره و لما جربت قولت له عليهم و جرب معايا و قال لى هيتطبع !!! و لما مشيت بيها بان قوى ان الاول بيعض جامد و المرشدير لازم انشف عليه قوى و انا بغير الغيار!! و مش مقتنع بشغله برضه .. عنده زحمه قوى و بيكروت و مش عايز يفتح شغل فى العربيه ,, هو اخد ثلاثين جنيه و ربط العربيه بس كده. البمبى ده فين لو سمحت؟

[Mohamed Hafiz]

سؤال من " أوبلاوي" مستجد !!!

لو فرضنا أن حضرتك رحت التوكيل ح تدفع كام ؟
انا بس ناوي أجيب أسترا 2001 و حاسس ان المشكلة فعلا في ميكانيكي بيفهم بالمقارنه بالتوكيل

[alnmr79]

الاسترا ال1200 والكورسا الالف مش عايزه عك صنايعية دى عايزة التوكيل وشغل جوانتيات بيضاء ههههههههه

[mexmarine]

لو فرضنا أن حضرتك رحت التوكيل ح تدفع كام ؟
انا بس ناوي أجيب أسترا 2001 و حاسس ان المشكلة فعلا في ميكانيكي بيفهم بالمقارنه بالتوكيل

الحمد لله رب العالمين العربيه بقت زى الفل و لا فيه عض ولا حاجه .. الاخ على اوبل ده ممتاز و اللى اشتغل فيها اخوه احمد ممتاز جدا و المشكله انتهت تماما و الدبرياج بقى احسن من الاول .. هو قال لى يومين و هتبقى كويسه لما تطبع و فعلا بقت زى الفل و ربنا يكملها على خير و نصيحه ..العربيه عاوزه اللى بيفهم فيها . بالنسبه للتوكيل الحاجه اللى تكلفتها 1200 عندهم بـ 2500 !!

[mexmarine]

الاسترا ال1200 والكورسا الالف مش عايزه عك صنايعية دى عايزة التوكيل وشغل جوانتيات بيضاء ههههههههه

لا هى عايزه جيب عمران ,, الله يعمر جيبك هههههههههههه

[caboo_1]

الحمد لله
المهم فعلا الصنايعى الشاطر لان اللى مش فاهم فى العربية اكيد هيبوظها