نفس المشكله

[فادى محمد]

بجد أنت تفوقت على نفسك بهذا الشرح :018a1d~146:
ألف شكر

شكرا لزوقك يا دكتور

يا فادى
اقفل الأكونت بتاعى و اروح
سيبلى كلمتين اقولهم يا اخى
ايه ده
اللهم صلى على النبى
مش لاقى حاجة اقولها

يا كبير انت الاصل والله وبعدين بالليل اثناء الورديه بتاعتك انا مش بافتح بقي .
هتروح راس سدر ولا لا؟

[tananybasha]

ايه حوار راس سدر ده
و راس سدر ايه يا عم
دى المدارس يوم الحد

[TRABYA]

العفو ياباشا .
انا شخصت العطل علي اساس ان الصوت اللي عندك هو نفس الصوت اللي سمعته في الفيديو
بيبقي صوت تكتكه وتحسه عالي قوي والموتور بارد الصبح يهدي لما الموتور يسخن ويزيد تاني لو قرصت علي الموتور
-مالوش دعوه بتاكل الزيت هو بس الصوت اللي حضرتك بتسمعه

يا باشا انت تشكر علي مجهودك وزوق حضرتك جدا والله و شرح حضرتك الوفي جدا جدا جدا

[TRABYA]

انا خلصت كل حاجه يا رجاله ورجعت كل شئ زي ما كان بس العربيه مش عاوزه تدور مش عارف ليه

هو الموتور بيلف بس العربيه مش عاوزه تقوم خالص

[tananybasha]

راجع على حساس الكرنك
او كابل الموبينه
و سير الكاتينه

[TRABYA]

كل ده انا ماجيتش جنبه خالص بس حتي لو اراجع عليه ازاي

العربيه ماتت

[TRABYA]

انا جربت ادور قبل ما اركب وش التاكيهات كان عامودين الكامه بيتحركو وشوفت الموبينه تمام يبقي ايه ال حصل

[tananybasha]

عادى و انت شغال ايدك تخبط فيه

[TRABYA]

عادى و انت شغال ايدك تخبط فيه

هو ايه ده انا مش فاهم

[فادى محمد]

وضح اكترلو سمحت
حضرتك عملت ايه في العربيه وبعدها مادارتش؟؟

[TRABYA]

وضح اكترلو سمحت
حضرتك عملت ايه في العربيه وبعدها مادارتش؟؟

ولا اي حاجه فكيت وش التاكيهات وفكين عامودين الكامه شيلت الدلايل كلهم كشفت عليهم لاقيتهم تمام وبعد كده شيلت الكوستبانات لاقيت 3 بايظين نزلت اشتريت غيرهم وركبت كل شي تاني بس بدور العربيه مش عاوزه تقوم بمعني ان الموتور بيلف بس القومه الاخيره مش عايزه تيجي بس

[فادى محمد]

ولا اي حاجه فكيت وش التاكيهات وفكين عامودين الكامه شيلت الدلايل كلهم كشفت عليهم لاقيتهم تمام وبعد كده شيلت الكوستبانات لاقيت 3 بايظين نزلت اشتريت غيرهم وركبت كل شي تاني بس بدور العربيه مش عاوزه تقوم بمعني ان الموتور بيلف بس القومه الاخيره مش عايزه تيجي بس

-يعني المارش شغال والموتور بيلف ..يبقي كده كهربا .
-راجع علي شغلك تاني جايز تكون حركت حاجه او خلعت سلك..
-هتعمل الاتي.
-حاول تدور وبعدها علطول فك اي بوجيه وشم ريحته لو ريحته بنزين يبقي منظومه الوقود تمام والمشكله كهربا ساعتها تشوف السلوك بتطلع شراره ولا لا؟ والموبينه اخبارها ايه ؟
-لو ماشمتش ريحه بنزين يبقي اعكس وشيك اول علي الكهربا لو لقيتها تمام ارجع لموضوع البنزين وابدا من ورا لقدام
-خلي حد يدورلك وشيل الكنبه وحط ودنك اسمع صوت الطرمبه شغاله ولا لا؟ صوتها (زززززززز) بعد كده شيل رشاش من مكانه ي المانفولد ومع تكه دواره بيرش ولا لا؟
-لو الطرمبه بتزن والرشاش مش بيرش يبقي حساس الكرنك تشيك عليه وعلي فيشته
-معلش طولت عليك بس اصعب شيء في الميكانيكا هو تشخيص الاعطال ,شوف كده واحنا معاك ماتقلقش

[TRABYA]

-يعني المارش شغال والموتور بيلف ..يبقي كده كهربا .
-راجع علي شغلك تاني جايز تكون حركت حاجه او خلعت سلك..
-هتعمل الاتي.
-حاول تدور وبعدها علطول فك اي بوجيه وشم ريحته لو ريحته بنزين يبقي منظومه الوقود تمام والمشكله كهربا ساعتها تشوف السلوك بتطلع شراره ولا لا؟ والموبينه اخبارها ايه ؟
-لو ماشمتش ريحه بنزين يبقي اعكس وشيك اول علي الكهربا لو لقيتها تمام ارجع لموضوع البنزين وابدا من ورا لقدام
-خلي حد يدورلك وشيل الكنبه وحط ودنك اسمع صوت الطرمبه شغاله ولا لا؟ صوتها (زززززززز) بعد كده شيل رشاش من مكانه ي المانفولد ومع تكه دواره بيرش ولا لا؟
-لو الطرمبه بتزن والرشاش مش بيرش يبقي حساس الكرنك تشيك عليه وعلي فيشته
-معلش طولت عليك بس اصعب شيء في الميكانيكا هو تشخيص الاعطال ,شوف كده واحنا معاك ماتقلقش

الموتور بيلف وكل حاجه تمام و الموبينه والبوجيهات تمام وكله زي الفل بس مش عارف والله في ايه

[فادى محمد]

البنزين واصل للاخر ولا لا؟؟

[TRABYA]

البنزين واصل للاخر ولا لا؟؟

دي انا مش متاكد منها بس هو الواضح ان العربيه خالفه تقسيمه

وانا ماعنديش اي فكره عن موضوع التقسيمه ده ومش عارف اخرجها من الجراج الارض شيراميك و العربيه ال بتشدني بتتزحلق و حااااااااااااااااااجه جميله جدا