طالع في دماغي كورسا 2005-2007؟؟؟؟؟

[hesham ahmed]

سلام عليكم...
بصراحه نفسي انضم للمنتدي هنا من زمان و ابقي ابلاوي... انا بقالي كتير متابع هنا بس من غير ما اشارك ... تقريبا قريت كل مواضيع المنتدي (مش قسم اوبل بس )
انا عايز اجيب عربيه ....طبعا بعد ما دورت و سالت
اكتر حاجه عجباني كورسا سيدان موديل 2005-2007
هو انا لسه متخرج من سنه .. و مش هحرتها اوي يعني .. يعني من البيت للشغل و كده و لو في خروجات و مش بسافر كتير
.
..
بس انا مش خبره اوي في السواقه ... يعني بتاع 6 شهور علي عربيه 128 (1) فهل دا ياثر و مشتريهاش دلوقتي
.
السوال بقي...
انا ملاحظ ان كله مهتم بالفيكترا و بيشكر فيها ....هو الفيكترا عجباني بس غاليه عليا و انا لسه في اولها كده ... و لو هجيبها هتبقي حاجه قديمه
(2)هو الكورسا وحشه و لا ايه ؟؟؟؟
و(3) ايه نظامها .. يعني قطع غيارها متوفره زي الفيكترا .. و ارخص و لا اغلي ؟؟و بتتباع عند نفس التجار و لا ايه ؟؟
و كمان انا مش عين شمس ... مفيش حد جنبي بيشتغل في الاوبل ..(4) فممكن اي ميكانيكي يشتغل فيها و لا ايه؟؟
اكيد هكون علي ايده و مش هسيبه يلمسها و انا مش جنبه...اصلا انا مهندس ميكانيكا ... و اي ماكينه تعطل في الشغل ... بتلاقيني فاككها علي طول و بشتغل ب ايدي كويس ... فهل سهل افهمها و لا معقده ؟؟؟؟
.
.
معلش طولت .. بس احساس القلق بتاع اوي عربيه تجيها و كده
من الاخر اللي عنده حاجه بقولها

انا رقمت الحاجات اللي عايو اعرفها و عملت تحتها خظ عشان تبقي واضحه بس
و شكرا مقدما

[tananybasha]

على حد علمى
2005/2006
شكل
و 2007/2008 شكل تانى

[hesham ahmed]

نفس الشكل من 2003 ل 2007 تقريبا

http://www.nilemotors.net/Nile/290084-a.html

[mahamedaraby]

انا 2007 ونفس الشكل :) مع منصور كل حاجه ممكن

نيجى بقى للمهم الكورسا عربيه جميله اوى سريعه جدا تكيفها جامد اوى بسم الله ماشاء الله ثابته فراملها كويسه

شكلها شبابى قطع غير غيار مش غاليه ومش رخيصه

ولو العربيه مشتريها حالتها كويسه هتبقى طاير بيها من الفرح وهتعجبك اوى
لو جبتها وكان فيها مشكله هتقرفك وتكرهك فى العربيات

مش اى حد يشتغل فيها ده راى وانت قريب من الحرفين ممكن تبقى توديها تعمل صيانه هناك فى هناك ناس مشهور اوى فى الاوبل

اى حد بيشتغل فى اوبل يشتغل فيها ونفس بتوع قطع غيار فيكترا هما بتوع الكورسا وفيها قطع مشتركه مع الفيكترا

العربيه كمقارنه احسن من الفيرنا ولانوس عن تجربه

استهلاكها فى البنزين تحفه بسم الله ماشاء الله

فيها كل الكماليات اللى ممكن تحتجها فى ايه تانى ؟!!

على العموم اى سؤال انا فى الخدمه

[hesham ahmed]

تسلم ايدك
ربنا يكرمك و يحفظك انت و عربيتك ال 2007 دي :)
بجد افدتني جامد و طمنتني كمان
هو انا اه مقتنع بيها جدا ... بس اللي مقلقني ان في ناس كتير اوي بتبعها (من اكتر العربيات اللي بتتعرض للبيع )

طب هو الموديل دا بينزل ب اير باج و اي بي اس و لا بيبقي اوبشن؟؟
و الف شكر

[احمد فهمى]

هو اهم حاجه الحاله والعربيه من ٢٠٠٣ الى ٢٠٠٧ نفس الشكل فرق فى مكان الاريال وفيها نفس منور الفيكترا ال١٦٠٠ ال٨ صباب ٧٣ حصان رشاش احادى يعنى نص انجيكشن والعربيه ملهاش مشاكل تماماً لو مش ملعوب فيها وقطع الغيار رخيصه جداً وسحب ممتاز واستهلاك بنزين هايل ولو مفيش ميكانيكى اوبل جنبك مش مشكله دى مش ١٢٨ بتروح للميكانيكى كل شويه انت هتروح فى واعيد الصيانه كل ١٠ الاف زيت والسيور كل ٤٠ الف كيلو يعنى لا تقلق من الموضوع بتاع الميكانيكى ده واهم حاجه الحاله كما وضحتلك

[MEDO84EG]

انا كمان بفكر فيها و بجد عاجباني كده و قلقان حبتين

[احمد فهمى]

انا كمان بفكر فيها و بجد عاجباني كده و قلقان حبتين

مينفعش تقلق واحنا موجودين والعربيه بسيطه جداً

[ahmed_as8]

الفيكترا ال١٦٠٠ ال٨ صباب ٧٣ حصان رشاش احادى

الراجل ده بيقول انه 1600, 101 حصان هيا مين فيهم؟؟

http://www.nilemotors.net/Nile/290084-a.html

[ashourashour]

هو اهم حاجه الحاله والعربيه من ٢٠٠٣ الى ٢٠٠٧ نفس الشكل فرق فى مكان الاريال وفيها نفس منور الفيكترا ال١٦٠٠ ال٨ صباب ٧٣ حصان رشاش احادى يعنى نص انجيكشن والعربيه ملهاش مشاكل تماماً لو مش ملعوب فيها وقطع الغيار رخيصه جداً وسحب ممتاز واستهلاك بنزين هايل ولو مفيش ميكانيكى اوبل جنبك مش مشكله دى مش ١٢٨ بتروح للميكانيكى كل شويه انت هتروح فى واعيد الصيانه كل ١٠ الاف زيت والسيور كل ٤٠ الف كيلو يعنى لا تقلق من الموضوع بتاع الميكانيكى ده واهم حاجه الحاله كما وضحتلك

الموتور مش زي الفكترا خالص !!!!

الموتور 4 رشاشات


العربيه فعلا مع انها اوبل لاكن سبحان الله يكاد يكون فعلا مفيهاش مشاكل خالص

وهيا برازيلي

و مفيش مقارنه بنها و بين الفيرنا نهاااااااااااااااااااااااااااااااائي الحاجه الوحيده انها بتسحب بشكل رهيب زي الفيرنا و احسن شويه كمان

بدون ايرباج ولا اي بي اس

فيها ريموت و power window lifter زي الاسترا ال 1600 البرازيلي بالظبط نفس الوحده و انذار لو قفلت بالريوت وكان شباك مقفلش او باب مقفلش كويس


و كلها مانيوال

البور بتعها هيدرولك عادي و خفيف جدا

خلي بالك المراوح ورا لاكسدام على طول لو حد ريح عليك مروحه التكييف بتتزنق و بتنور لمبه اعطال البودي و في فيوز بيطير

العربيه كان فيها عيب ان ال RPM بلعب عالسلانسيه شويه .. عالجناه بتقويه ارضي كمبيوتر الموتور


استهلاكها للبنزيل جميل ولو زاد 90% بيكون حساس اكسجين و دا سهل تغييره بسلكه واحده و متشاف لما تفتح الكبوت

مفيهاش علبه بيأه

انا كنت بحب اخرج اجرب العربيه دي بالذات جدا


اختيار موفق ربنا يوفقك ولو افتكرت حاجه عنها تاني هقولك

[ashourashour]

انا 2007 ونفس الشكل :) مع منصور كل حاجه ممكن

نيجى بقى للمهم الكورسا عربيه جميله اوى سريعه جدا تكيفها جامد اوى بسم الله ماشاء الله ثابته فراملها كويسه

شكلها شبابى قطع غير غيار مش غاليه ومش رخيصه

ولو العربيه مشتريها حالتها كويسه هتبقى طاير بيها من الفرح وهتعجبك اوى
لو جبتها وكان فيها مشكله هتقرفك وتكرهك فى العربيات

مش اى حد يشتغل فيها ده راى وانت قريب من الحرفين ممكن تبقى توديها تعمل صيانه هناك فى هناك ناس مشهور اوى فى الاوبل

اى حد بيشتغل فى اوبل يشتغل فيها ونفس بتوع قطع غيار فيكترا هما بتوع الكورسا وفيها قطع مشتركه مع الفيكترا

العربيه كمقارنه احسن من الفيرنا ولانوس عن تجربه

استهلاكها فى البنزين تحفه بسم الله ماشاء الله



تصدق عيب عليك تحطها في جمله مفيده مع الفيرنا والانوس !!!! :)

بس موضوع الثبات فوق المتوسط

فيها كل الكماليات اللى ممكن تحتجها فى ايه تانى ؟!!

على العموم اى سؤال انا فى الخدمه

[hesham ahmed]

انا جبتها خلاص :)))))
اشتريتها تقريبا من 3 اسابيع

هي ما شاء الله عليها ... عجباني جدا في السحب و التكييف و فراملها

انا استهلاكي 240 ك في 30 لتر جوه البلد و زحمه و ربعهم تكييف تقريبا .... دا كده كتير ؟؟؟

[ashourashour]

نسيت اقول حاجه صحيح

العربيه دي بتاكل طقم الدبرياج بشراهه ... ممكن عشان موتورها عفيجي بزياده

اكتر عربيه كانت بتيجي التوكيل مفوته طقم دبرياج ... وعلى كيلومتر قليل جدا ساعات 20 الف و 40 الف

طبعا الموضوع دا يعتمد على السواق بشكل كبير جدا جدا

[alnmr79]

اولا الف مبروك على العربية وان شاء الله هتتبسط منها قوى.
ثانيا فعلا زى ما قال م\عاشور العربية بتاكل طقم دبرياج بسرعة لان الماتور قوى عليها زى بالظبط الفيرنا بس لو مبتحرقش على الغيارات والطلعة هادية مش هتحس بالمشكلة دى قوى.طقم الدبرياج تجيبه اصلى وسيبك من بتاع النوبيرا ابو 300 جنيه مش هيقعد معاك 10000 كم وهيتعبك بس الاصلى بيعمل حوالى 850 جنيه وهيستحمل معاك.
موضوع استهلاك البنزين هو عالى شو ية يعنى بتعمل 80 كم \لتر والمفروض تعمل 10\لتر جوه البلد الا ازى كنت بتحرق على الغيارات وسواقتك رياضية مع التكييف فى الحالة دى تبقى معقولة.بس جرب تنضف الانجكشن عن طريق الاضافات اللى بتتحط مع البنزين هتظبط الاستهلاك شوية ان شاء الله.