إعـــــــلان

Collapse

.

,
See more
See less

'طريقه تنظيف دوره التبريد في السيارات ذات الدوره المغلقه ..

Collapse
X
Collapse
 
  • Page of 3
  • Filter
  • الوقت
  • Show
Clear All
new posts
السابق 1 2 3 template التالي
  • #1

    'طريقه تنظيف دوره التبريد في السيارات ذات الدوره المغلقه ..

    السلام عليكم ورحمه الله وبركاته..
    -طبعا الاوبل من السيارات اللي فيها دوره التبريد مغلقه يعني الرادياتير مافيهوش (عصفوره) من تحت نقدر نفضي منها الميه علشان كده هنفضي الميه من خرطوم الراجع اللي راجع للقربه من الرادياتير..
    -القربه ليها 2 خرطوم راجع ,اشمعني هنختار اللي جاي من الرادياتير؟؟ ببساطه علشان المستوي الافقي للراديتير اقل من المستوي الافقي لمخرج الميه من الموتور نفسه,نخش علي الخطوات ..
    اول حاجه دي صوره الموتور اللي هنشتغل عليه فيكترا بي 1600 سي سي وعذرا القربه علي يمين الكادر ..


    -هنفتح غطا القربه ونحط اما علبه منظف جاهزه للتنظيف ودي بتتباع في البنزينات الكبيره في حدود 35ج واحسن الانواع هي الامريكي ..او نحط 2 ملعقه كبيره ملح ليمون+2 زجاجه خل مطبخ تركيز عالي
    -هنقفل الغطا وندور الموتور ونطلع مشوار طويل شويه بحيث المنظف يشتغل ويعمل بحقه
    -ياريت نشغل التكييف السخن من البكره علشان نفتح طريق الميه لتنظيف سربنتينه السخن اللي تحت التابلوه
    - هنفك غطا القربه وهنفك الخرطوم اللي اتفقنا عليه واللي السهم الاصفر بيشير له والموتور بارد طبعا وندلدله لتحت بره العربيه


    -هنلاحظ ان الميه بدات تنزل ومحدش يتخض لما يشوف لون الميه اسود من السنين ,طبعا مش كل الميه هتنزل جزء منها بس الفيكترا بتاخد في حدود 7 لتر ماء تبريد
    -يفضل يبقي جنب العربيه مصدر ميه خرطوم يعني ..
    -هتحط خرطوم الميه في القربه من فوق وخرطوم الراجع زي ماهو مدلدل
    -هتدور الموتور علشان الطرمبه تشتغل وتطرد الميه المتسخه اللي في مجاري الموتور والمانفولد وباقي الاجزاء
    -لاحظ انك تظبط منسوب الميه النظيفه علي قد منسوب الميه المتسخه اللي نازله من العربيه بحيث لا تقل علي الموتور ولا تزيد فتقع بره القربه
    -مفيش مانع تساعد بايدك وتزود بنزين من الاكسراتير لتسريع حركه الطرمبه
    -هتستمر لغايه ماتلاقي الميه نازله نظيفه جدا .في الوقت ده ارفع الخرطوم وركبه مكانه في القربه وظبط منسوب الميه اعلي من السهم ب2 سم لانه هيرجع يقل شويه طبيعي ماتقلقش وكده مفيش اي هوا في الدوره لان الميه زقته في طريقها انت نسيت ولا ايه؟
    -لاحظ ان الميه مش هتنظف من اول مره يعني هتمشي يومين تلاته وتغير ميه تاني بس هنا تغيير ميه بس من غير منظفات
    -اول ماتطمئن ان ميه الدوره بقت نظيفه نبدا بقي شغل المحترفين
    اعمل نفس خطوات تغيير الميه بس هتستبدل خرطوم ميه الحنيه بجركن ميه خضرا كبير او ميه مقطره ايا كان مصدرها سواء تشتريها او تجيبها من صرف تكييف البيت ولما تحس ان الدوره بقت كلها ميه مقطره حط علبتين كانز ميه خضرا مركزه واحسنهم ابرو الامريكي ب10ج الواحده
    -وبكده مبروك عليك نظافه الدوره ,واي استفسار انا في الخدمه . تحياتي
    اخوكم /فادي محمد عيد ..من مواضيعي المصوره للفيكترا بي ....

    [URL]http://www.nilemotors.net/Nile/97671-b.html#post3872017889[/URL] تغيير اويل سايل اسبراتير
    [URL]http://www.nilemotors.net/Nile/130445-b.html#post3872432932[/URL]تنظيف الايديال كونترول
    [URL]http://www.nilemotors.net/Nile/150353-b.html#post3872669019[/URL]تعديل في اضاءه التابلوه
    [URL="http://www.nilemotors.net/Nile/143705-b.html#post3872580355"]http://www.nilemotors.net/Nile/143705-b.html#post3872580355تغيير فرش السقف للفيكترا[/URL]
    [URL="http://www.nilemotors.net/Nile/181441-a.html#post3873046581%D8%AA%D8%BA%D9%8A%D9%8A%D8%B1"]http://www.nilemotors.net/Nile/181441-a.html#post3873046581تغيير[/URL] جوان وش التاكيهات

    hellboy سابقا
    الكلمات الدلالية (Tags): التبريد, الدوره, السيارات, المغلقه, تنظيف, دوره, ذات, طريقه, في
  • #2
    الله ينور ياباشا وتسلم على الشرح الوافى الشامل.
    [CENTER][SIZE=3][COLOR=darkgreen][SIGPIC][/SIGPIC] [/COLOR][/SIZE][/CENTER]
    [CENTER][SIZE=3][COLOR=darkgreen]وصلى اللهم وسلم على اشرف الخلق أجمعين نبينا محمد وعلى آله وصحبه وسلم تسليما كثيرا[/COLOR][/SIZE][/CENTER]

    Comment

    • #3
      الله ينور يا فادى يا جامد
      [CENTER][COLOR=royalblue][URL="http://www.postimage.org/image.php?v=gx27Yct0"][SIZE=1][COLOR=royalblue]لا[/COLOR][/SIZE][/URL][URL="http://www.postimage.org/image.php?v=gx27Yct0"][SIZE=1][COLOR=royalblue] اله الا انت سبحانك انى كنت من الظالمين - اللهم اصرف مقتك و غضبك عنا و اعنا على ذكرك و شكرك و حسن عبادتك[/COLOR][/SIZE][/URL][/COLOR][/CENTER]
      [CENTER][B][SIZE=6][COLOR=darkorange]لو أن ابن آدم هرب من رزقه كما يهرب من الموت لأدركه رزقه كما يدركه الموت[/COLOR][/SIZE][/B][/CENTER]
      [CENTER][SIZE=3][COLOR=black]محمد الطنانى[/COLOR][/SIZE][/CENTER]

      Comment

      • #4
        تسلم يا فادى باشا جزاك الله خير الجزاء وجعله فى ميزان حسناتكم

        Comment

        • #5
          100100, ربنا يباركلك

          Comment

          • #6
            اية الحلاوة دى

            Comment

            • #7
              وافر الشكر يا فادي

              ألف شكر يا فادي أنت بكده سهلت الأمور جدا بوضعك الخطوات المفصلة بطريقة مبسطة. جعله الله في ميزان حسناتك وزادك علما ورفعة.

              Comment

              • #8
                استااااااااااااذ والله

                ربنا يباركلك ويبارك فيك ويجعله في ميزان حسناتك :)

                Comment

                • #9
                  الله ينور يا عم فادى ... انت ما سبتش لينا فرصه نسأل عن توضيح أو زياده يا نجم ... ما شاء الله وربنا يبارك فيك

                  Comment

                  • #10
                    7 لتر

                    انا عندى فى الكورسا 1600 خليت الميكانيكى ينضفلى مياه التبريد ويغيرها كنت جايب جركن من توتل 4 لتر مايه حمراء لقيته سايب ليا حبه بتاع نص لتر كده و قالى نضفتلك الدوره كلها ؟!!!

                    وشكرا على الموضوع والشرح الهايل
                    [CENTER][shr71=http://www.dieselstation.com/pics/Hyundai%20Accent%202009-car-pictures.jpg]Hyndai Accent 2011[/shr71][/CENTER]

                    Comment

                    • #11
                      الله ينور يا ريس
                      [URL="http://eng-mha.co.nr"]Eng/Moh. Hamdy Anter[/URL]
                      [shr71=http://store2.up-00.com/Dec10/wTN25447.jpg]موتور سيارتى الاسترا1600[/shr71]

                      Comment

                      • #12
                        يا ريت تثبت الموضوع
                        [URL="http://eng-mha.co.nr"]Eng/Moh. Hamdy Anter[/URL]
                        [shr71=http://store2.up-00.com/Dec10/wTN25447.jpg]موتور سيارتى الاسترا1600[/shr71]

                        Comment

                        • #13
                          برنس مفيش كلام
                          [SIGPIC][/SIGPIC]
                          Amr Gamal
                          [COLOR=Blue][COLOR=Orange]Opel[/COLOR] [COLOR=Black]:[/COLOR] wir leben autos[/COLOR]

                          Comment

                          • #14
                            الف الف شكر

                            اعتقد الموضوع ده يغنى عن فك الرادياتير وتنضيفه لانه كده بيعدى على الدورة كلها صح؟؟؟
                            م/محمد سويدى

                            Comment

                            • #15
                              المشاركة الأصلية كتبت بواسطة karkor30 مشاهدة المشاركة
                              الف الف شكر

                              اعتقد الموضوع ده يغنى عن فك الرادياتير وتنضيفه لانه كده بيعدى على الدورة كلها صح؟؟؟
                              الشكر لله
                              طبعا يغني عن فك الرادياتير
                              ماتتخيلش المعاناه في فك رادياتير الفيكترا بي
                              لازم تفك الفانوس الشمال والاكصدام
                              اخوكم /فادي محمد عيد ..من مواضيعي المصوره للفيكترا بي ....

                              [URL]http://www.nilemotors.net/Nile/97671-b.html#post3872017889[/URL] تغيير اويل سايل اسبراتير
                              [URL]http://www.nilemotors.net/Nile/130445-b.html#post3872432932[/URL]تنظيف الايديال كونترول
                              [URL]http://www.nilemotors.net/Nile/150353-b.html#post3872669019[/URL]تعديل في اضاءه التابلوه
                              [URL="http://www.nilemotors.net/Nile/143705-b.html#post3872580355"]http://www.nilemotors.net/Nile/143705-b.html#post3872580355تغيير فرش السقف للفيكترا[/URL]
                              [URL="http://www.nilemotors.net/Nile/181441-a.html#post3873046581%D8%AA%D8%BA%D9%8A%D9%8A%D8%B1"]http://www.nilemotors.net/Nile/181441-a.html#post3873046581تغيير[/URL] جوان وش التاكيهات

                              hellboy سابقا

                              Comment

                              السابق 1 2 3 template التالي
                              Working...
                              X