تسعير الاوبل + مكنة ال 97 ( رجاء المساعده )

[creative_art]

السلام عليكم ورحمة الله وبركاته



كنت عايز اعرف نوع المكنه الى بتنزل فى اوبل 97 مانيوال 1600 بالنسبة : لعدد الهورس باور بتاعها - الاستهلاك - هل هي كامه واحده ولا 2 كامه ( انا لسه معرفش بس هي فابريكة حتي النخاع ومتغيرش فيها حاجه ) - رأيك الشخصي فى الاداء بتاعها وياريت لو مقارنه بمثيلتها فى الإيكوتيك وايه نظامها فى الجري والشد


السوأل التانى ..
طبعا اخوكم بقالة 8 شهور بيدور على حاجه يركبها بعد ما حبيبة قلبي kia shuma بيعتها عشان ظروف ماديه - وطبعا كعادة اى حد تعبان على ما الفلوس جات بيدور بعنايه شديده جدا هيركب ايه ..

وللأسف انا مينفعش اركب اى حاجه لأنى فيا طبع قيادتى عنيفه جدا عالطرق المفتوحه و مينفعش معايا غير عربيات المانى ..

شوفت عربيه مع دكتور عندنا فى الكليه .. بالإضافه الى انه زميل بابا .. فيكترا 97 بأمانه مشوفتش فى حالتها عربيه ... كانت مع راجل رئيس شركة اشتراها زيرو وكان بيخرج بيها مره فى الاسبوع ... وراشه اجزاء بسيطه جدا بسبب البويه الى بتبوظ من الشمس فى الاوبل ..

مانيوال - 97 - عداد 120 الف كيلومتر ( عدادها الحقيقي ) - فرش جلد و زينون وشوية لعب كده



السوأل بقه ...

ايه اخبار موديل 97 ده ؟

من حيث الكماليات والاوبشن الى كانت متوافره وقتها ..

هل فيه abs .. سوأل ضروري جدا

هل فيه اجهزة للثبات وتوزيع الفرامل مثل esp - ebd - asr وهكذا ؟؟

وايه اخبار ثبات الشكل دا عالطريق مقارنة بالفيكترا c الى هي بتاعت 2007 وطالع


وايه السعر المناسب للعربيه دي مع الأخذ فى الاعتبار كل المواصفات الى اتقالت فوق ..


ولو حصل نصيب واخدت ال ok منكم واتطمنت للعربيه هخلص فيها إن شاء الله .. شكرااا

[احمد فهمى]

العربيه تمام متور ١٦٠٠ و٧٣ حصان نظام حقن احادى وفيها abs لكن مفيش الباقى والفرق بينها وبين الفيكترا سى فى الثبات مش كبير عادى زيى بعض تقريباً وده موضوع وافى http://www.nilemotors.net/Nile/307051-b-c.html والسعر فى حدود ٤٨ الف لو سليمه

[creative_art]

ياخبر !!!! 73 حصان ؟ دا الشوما ال 1500 الى كانت معايا 90 حصان !!!

اعتقد عالهورس باور ده ممكن اللانوس تطلع منها !؟

انا مبقتش فاهم حاجه ! وفى نفس الوقت مستحيل تكون دى الاوبل ... لأنى شديت معاها كتير وعارف العربيه دى عالطريق عامله إزاي ..

ياريت ياجماعه حد يفيدنا اكتر عن التسارع والسرعه القصوي وطلع من عربيات ايه قبل كده ..

[فادى محمد]

احمد باشا جابلك من الاخر
-في فرق بين السرعه والتسارع
-التسارع للاوبل ضعيف لان وزنها تقيل (1245كجم) والموتور 73 حصان بس
-انما بقي التميز في النقطتين الجايين دول ..
1- عزمها بيوصل ل128 نيوتن وده رقم عالي
2-ال73 حصان اللي بيطلعهم الموتور بيطلعهم علي عدد لفات موتور قليله
عند 2600 لفه يعني باقل مجهود وده برده رقم قليل جدا .المتوسط لمعظم العربيات بيبقي 4500 لفه
حتي لو 2 كامه وده الرينج اللي الموتور بيطلع فيه كل قوته .
يعني من غير ماتحررق ع الغيار العربيه بتنطلق بقوه مش بسرعه لان في فرق

[vinosse]

انا كمان ببيع لو حابب حاجة مميزة http://www.nilemotors.net/Nile/308422-a.html

[creative_art]

تمام الله ينور ... مع إن طموحاتى كانت اعلي بكتير بس هي فى الاخر ركوبة أوبل محترمه .. ومع الوقت ممكن اسقطلها ايكوتيك 2000 بالسيستم بتاعه بكل حاجه ..

ا : / Vinosse اسف والله !

[alnmr79]

ياخبر !!!! 73 حصان ؟ دا الشوما ال 1500 الى كانت معايا 90 حصان !!!

اعتقد عالهورس باور ده ممكن اللانوس تطلع منها !؟

انا مبقتش فاهم حاجه ! وفى نفس الوقت مستحيل تكون دى الاوبل ... لأنى شديت معاها كتير وعارف العربيه دى عالطريق عامله إزاي ..

ياريت ياجماعه حد يفيدنا اكتر عن التسارع والسرعه القصوي وطلع من عربيات ايه قبل كده ..

لا يا باشا الفيكترا اقوى بكتير من الشوما لان عزمها شديد قوى مع وزنها يعنى وانتى راكب الشوما بالماتور ال1500 سى سى ال 90 حصان اعتقد نفس ماتور الهيونداى بتاع الاكسيل والاكسنت ال1500 لانهم كانو معاية احساس وقوة السحب حتى وانتى محمل 4 ركاب كانك مركب ماتور للشوما 2000 سى سى بالظبط.
بس طبعا بشرط حالة الماتور والفتيس ويكون طقم الدبرياش المانى لانه هو المسئول عن نقل الحركة.
يعنى الاول معاك بيوصل ل50 كم لو بتشد مع حد مثلا والسرعة القصوى لو حارق على الغيارات بتوصل ل195 تقريبا.بصراحة عربية ممتازة وبالحالة اللى بتتكلم عليها 48 الف مش خسارة فيها وسيبك من كلام التجار هيقولولك 43 الف والكلام الفاضى دة لانهم مبتعملوش الا فى العربيات الوقعة .
متهيالى جبتلك من الاخر وربنا يوفقك.
لما تشتريها كلمنى واديلك عناوين ناس شغالة فى الاوبل لعربياتى ممتازين جدا فى السيوف.

[ehabahmed0]

صديقنا العزيز انا كنت زيك كده لحد ما اشترت اوبل 97 نفس الموتور بتاعك وعرفت يعني ايه سحب العربيه ممتاز وكنت بشد مع عربيات جديده كوري وبشوف ف عنيهم نظره استغراب ازاي الاوبل 97 بتسبق كيا 2006 مثلا
فيه عامل تاني هو الامان العربيه ثابته جدا وقطع غيارها معمره بشكل رائع

[kar!m]

شوف عربيتي كده .. أنا بفكر أبيع بس لسه معملتش اعلان .. لو تحب تجربها كمان مفيش مشاكل.

http://www.nilemotors.net/Nile/308050-a.html

[creative_art]

لا يا باشا الفيكترا اقوى بكتير من الشوما لان عزمها شديد قوى مع وزنها يعنى وانتى راكب الشوما بالماتور ال1500 سى سى ال 90 حصان اعتقد نفس ماتور الهيونداى بتاع الاكسيل والاكسنت ال1500 لانهم كانو معاية احساس وقوة السحب حتى وانتى محمل 4 ركاب كانك مركب ماتور للشوما 2000 سى سى بالظبط.
بس طبعا بشرط حالة الماتور والفتيس ويكون طقم الدبرياش المانى لانه هو المسئول عن نقل الحركة.
يعنى الاول معاك بيوصل ل50 كم لو بتشد مع حد مثلا والسرعة القصوى لو حارق على الغيارات بتوصل ل195 تقريبا.بصراحة عربية ممتازة وبالحالة اللى بتتكلم عليها 48 الف مش خسارة فيها وسيبك من كلام التجار هيقولولك 43 الف والكلام الفاضى دة لانهم مبتعملوش الا فى العربيات الوقعة .
متهيالى جبتلك من الاخر وربنا يوفقك.
لما تشتريها كلمنى واديلك عناوين ناس شغالة فى الاوبل لعربياتى ممتازين جدا فى السيوف.

الشوما كانت موتور 2 كام فول انجيكشن غير الاكسنت والاكسيل تمامااااا كانت عربيه حكايه بتطلع من حاجات كتير بس برضه ليها حدودها يعني مش زي الالمانى ..

انا مجرد كلمة 73 حصان دي خضتني خضة السنين وقولت يا اخرة صبري



وعموما الراجل دا انا ليا دلال عليه وبعرفاتعامل معاه ف السعر ولو المؤشرات بتقول فى رينج فوق ال46 يبقي انا هاخدها منه بسعر مناسب إن شاء الله ...

وعلى فكره لو قصدك على الى بعد الدوران على ايدك اليمين فى ضهر قهوة محمد علي فا دا حبيبي ... اى نعم راجل عجوز ومتعب جدا فى تعامله بس نضيف ويفهم ف الاوبل اكتر من الى صنعوها ... وكمان ابنه الى شغال فى التوكيل هجاس شوية بس ناس زي الفل وعلى معرفه بيهم

[creative_art]

شوف عربيتي كده .. أنا بفكر أبيع بس لسه معملتش اعلان .. لو تحب تجربها كمان مفيش مشاكل.


http://www.nilemotors.net/nile/308050-a.html

نصيحة لوجه الله اياك تبيع البيتل ... لو هي كل مسمار فيها بتاع المصنع .. بمعني اصح تحفه - انتيكه .. انا اعرف كوليكتور ممكن ياخدها منك بالسعر الى تطلبه :) !!

[Dr.M_baz]

على فكره لو موضوع الهورس باور ده يهمك أوي... أنا سمعت أن في إختلاف في طريقة القياس بين اللإتحاد الأوروبي والياباني و الكوري بمعنى أن ال73 بتوع الأوبل ممكن تكون توازي تقريبا 90 - 95 في السيارات الياباني.
ياريت خبراء المنتدى يؤكدوا صحة المعلومه لأني لست متأكد من صحتها مع إني سمعتها من مهندس ميكانيكي.

[creative_art]

very good

[creative_art]

شباب انا بإذن الله هستلم يوم الثلاثاء .. كنت عايز اعرف اسعار الحاجات الدوريه الى بتتغير ... لانى هعملها سيرفيس كامل .. وفى رأيكو اعملها ايه اول ماستلمها عشان اضمن انها تمشي معايا تمام متقولش لأ ..

كمان انا ناوي ان شاء الله اشتريلها الأتى ..

*جنط لينسو 17 * تمنه يتراوح فى حدود 3750

* سقف اسود لميع .. بيكون كويس مع اللون الابيض .. بس معرفش صنايعيه كويسين ف اليكس ممكن يعملولي الكلام ده ..

*رفرفين bombing sticker

* علبة ديفل كويسه *

ولو فيه حد كويس شغال فى الحاجات دي ياريت تقوليلي واكون مشكور ليكو جدااااااااااااا :) :)

[alnmr79]

الف مبروك باشا
خلصت على كام ؟؟؟علشان ناوى اجيب واحدة نفس المويل ان شاء الله
العربية الاوبل نصيحة متعدلش فيها حاجة احسن حاجة الاوريجينال علشان تتمتع بيها
الجنوط هتخليك تغير عافشة كل 3 شهور والشكمان الاصلى كاتم صوت العربية ومظبط السحب كويس.
السيور تجيبها ماركة جيتس والفلاتر هواء وزيت بتوع الدايو الجى ام الاصلى
البوجيهات هاتها من التوكيل جى ام لان اللى بره معظمهم مضروبين.
اكشف الاول عند الميكانيكى بتاعك وشوف ايه اللى هتغيروه والناس فى القسم مبتتاخرش .