سؤال عن الفيكترا

[PUTTPUTT]

هو ايه الفرق بين الاوبل فيكترا ايه وبي
ولو معايا 45 الف ممكن اجيب اوبل الشكل الجديد ولا لا
وقطع غيارها متوفرة ومعمرة ولا لا
ولو هقارنها بهوندا 92-95 او جولف 2 او نوبيرا 2 يبقى انهي افضل
ومعلش طولت عليكو

[alnmr79]

هى افضل من كل العربيات دى بس لو حضرتك بتحب التعديلات والسرعة الهوندا سيفك افضل بس لو بتسافر وعندك عائلة الفيكترا افضل
الفيكترا بى هتكون افضل لان هتلاقى منها حالات كويسة كتير من 96 الى 2003 بعكس الفيكترا ايه نزلة 94 و95 وشوية 96 فبالتالى مش هتلاقى المعروض عليك كتير بس بالفلوس دى حضرتك ممكن تجيب فيكترا بى من 96 الى 99 حلة كويسة ب45000 وممكن تحتاج الى 2000 جنيه لعمل الصيانة والتظبيط .
توكل على الله بس اكشف كويس عند حد شغال فى الاوبل

[haitham2011]

هو ايه الفرق بين الاوبل فيكترا ايه وبي
ولو معايا 45 الف ممكن اجيب اوبل الشكل الجديد ولا لا
وقطع غيارها متوفرة ومعمرة ولا لا
ولو هقارنها بهوندا 92-95 او جولف 2 او نوبيرا 2 يبقى انهي افضل
ومعلش طولت عليكم

السلام عليكم

اولا هتخرج الجولف 2 من المقارنه لانها تتقارن باوبل كاديت ( نفس الكاتجوري و السنه )و ده مفيش منها بره بورسعيد غير كام عربيه يتعدو عالصوابع
ياما تقارن البورا بالفيكترا b نفس الكاتجوري
النوبيرا تكييف احسن بس راحه و ثبات لا تقارن بالاوبل
الهوندا جرايه عن الاوبل بكتيير و تكييف احسن و اكتر الياباني في الثبات بس مش زي الاوبل
وخد بالك واطيه جدا يعني هتعيش حياتك مع المطبات
و استني راي خبراء الاوبل و الاقسام التانيه

[PUTTPUTT]

شكرا على الرد بس انا بصراحة بفضل الياباني والالماني على الكوري
بس هي قطع غيار الاوبل متوفرة بسهولة ولا لا

[loda80]

بس ياباشا الاوبل عربيات جميله وفعلا اعتماديه بشكل كبير الكل بيشكر فى الاوبل aو bبس لو لقيت الايه حاله ممتازه خدها وانت مغمض بس خليك فى ال 1600 منوال علشان اعطلها قليله و ال بي ممتازه بردوا بس انا كنت من فتره عند العايدي بتاع استراد اوبل بيقولى حاجة البى مرترته غى السوق غير الايه شحه شوىه كماليات البى كمان اكتر من الايه بس المهم الحااااااااااله

[PUTTPUTT]

بس ياباشا الاوبل عربيات جميله وفعلا اعتماديه بشكل كبير الكل بيشكر فى الاوبل aو bبس لو لقيت الايه حاله ممتازه خدها وانت مغمض بس خليك فى ال 1600 منوال علشان اعطلها قليله و ال بي ممتازه بردوا بس انا كنت من فتره عند العايدي بتاع استراد اوبل بيقولى حاجة البى مرترته غى السوق غير الايه شحه شوىه كماليات البى كمان اكتر من الايه بس المهم الحااااااااااله

هو انا ناوي اجيبها اوتوماتيك بصراحة فهاتبقى بي و 2000 بس ايه وجهة نظرك في الايه وانا مغمض اذا كانت قطع غيار البي مرطرطة فهاتبقى ارخص وكمالياتها اكتر

[احمد فهمى]

فيكترا b ١٦٠٠ افضل من كل ما سبق وهى فى ال٤٥ حاله كويسه وتلفرق فى الرابط ده

http://www.nilemotors.net/Nile/307051-b-c.html

[PUTTPUTT]

فيكترا b ١٦٠٠ افضل من كل ما سبق وهى فى ال٤٥ حاله كويسه وتلفرق فى الرابط ده
http://www.nilemotors.net/nile/307051-b-c.html

معلش هازعجك شوية
انا عايز عربية اوتوماتيك فهل في 1600 اوتو وياترى هايبقى سحبها كويس ولا هاتبقى تقيلة
انا مش عايز عربية تبقى تقيلة وتسخن وكمان ايه مشكلة ان العربية تكون مسقطة مكنة لو هي المكنة بتاعتها بس موديل احدث
وبعدين ال 45 هايجيبو حاجة كويسة ولا هحتاج ازود لعشان اجيب حاجة نضيفة

[tananybasha]

1600 اتوماتيك يعنى ايكوتك
يعنى من 2003 على ما اعتقد
يعنى مش هتقل عن 60000

[محيي الدين]

قطع الغيار متوفرة وغالية بس بتعمر معاك و تنساها في العربية

[احمد فهمى]

للأسف السليم من ال١٦٠٠ اوتو كلو فوق ال٦٠