رادياتير

[Moustafa Al-mansy]

السلام عليكم........

أزيكم يا أوبلاوية..........

استفسار بسيط..........

أنا عايز أشتري رادياتير جديد. هل أشتري واحد استيراد ألماني بحوال 500 جنية ولا واحد جديد اتحاد أوروبي بحوالي 700 جنية بالتركيب...

[Opel_Rekord]

استيرااااااااااااد المانى طبعا

مهما كان الجديد منه حالته كويسه

مش زى خط الانتاج الاصلى بتاعها فى المانيا (الاستيراد طبعا)



سيبك انه ارخص وكده لا مش عشان الثمن

ده لو كان اغلى من الجديد اشتريه بردو

لانه أأمن 200 مره من الجديد اللى معمول بره المانيا




والكلام ده عن تجربه

[ENG\AHMED]

الحاجات اللى ممكن تبوظ من الاستعمال ابعد عنها استيراد مادام الجديد متوفر وفرق السعر مش كبير
الاستيراد انت مش شايفة من جوة فى اية وفرق السعر مش مستاهل بس اشترية من مكان مضمون علشان تبقى ضامن فعلا انة اتحاد اوروبى

[Moustafa Al-mansy]

السلام عليكم أفراد عائلة أوبل الكرام.............

ان شاء الله انا احتمال كبييييييير أغير الراديتير انهاردة

لو سمحتم انصحوني اشترية منين و أركبة فييييييين......

وكمان فية حاجة........ المية بتنقص أنا بزويدها كل 3 أو 4 أيام هل دة طبيعي ولو مش طبيعي ممكن يكون من اية؟؟؟؟؟؟؟؟؟؟؟؟؟؟؟

[Moustafa Al-mansy]

بما ان مش فية حد رد عليا............

اليكم أخر التعديلات................

روحت الحرفيين و اشتريت ردياتير هو تيواني بس الراجل شكر فية أوي........

روحت كبست دورة المية لقيت شجرة المية بتسرب مية..........

فغيرت كوعة شجرة المية..............

و الحمد لله التبريد زي الفل والمية مش بتنقص خالص و الحمد لله.................

[ENG\AHMED]

مبروك وياريت تبقى تقول اية اخبار الحرارة والسخونية وال............. علشان الناس اللى بتقول العربية بتسخن وتولع ومشاكل و و و :)

[Moustafa Al-mansy]

السلم عليكم..........

ازيك NoNaMe بالنسبة للحرارة فالحمد لله العربية ماشية امبارح بين الظهر و العصر و التكييف شغال و الحمد لله مازادتش عن 92 و كمان وصلت لها مرة واحدة بس......

الغالب كان 90 او أقل..........

الحمد لله بس طبعا الحكم مش دلوقت.....

دعواتك بقي............

[ENG\AHMED]

لو المراوح مظبوطة مع التكييف مش هتوصل 85 لأن المروحتين بيبقوا شغالين

[Moustafa Al-mansy]

هي المراوح مضبوطة بس اللي حصل انها كانت بين 80 - 90 و طلعت ل 92 مرة كدة و بس..

مش عارف.....

[Moustafa Al-mansy]

يا فرحة ما تمت................

يا جمهعة أنا ركبت رادياتير جديد من حوالي أسبوعين........

الحياة كانت ماشية ذي الفل و بعدين لقيت المية نقصت حاجة بسيطة فرحت ركبت بزبوز نحاس والحياة مشت ذي الفل......

انهاردة الصبح اتصدمت!!!!!!!!!!!!!!!!!!!!!!!!!

بفتح أربة المية مالقيتش فيها ولا نقطة مية!!!!!!!!!!!!!!!!!!!!!!

زودتها وبصيت علي الراديتير لقيت عليه لون أحمر....(لون المية اللي كنت حاطتها.........

حد يفيدني في الموضوع دة لأني هتجنن!!!!!!!!!!!!

هو دة طبيعي ولو مش طبيعي يبقي تفسير اللي حصل دة ايه!!!!!!!!!!!!!!!!!!!!!

[Moustafa Al-mansy]

و باسمع اني ممكن احط مية مقطرة للتبريد.......

يا تري هي أحسن ولا المية الملونة؟؟؟؟؟؟؟؟؟؟؟؟؟؟؟؟؟

[Ahmad Aboul Fotouh]

باشا انته اشتريته جديد ولا استيراد
المفروض لو جديد يبقي عليه ضمان. روح للراجل اللي اشتريته منه وقله علي اللي حصل
وبعدين اكشف علي دورة التبريد في العربيه ممكن يكون في حاجه تانيه بتخللي الرادياتير يتخرم. ازاي رادياتير جديد و ينقط بالسرعه دي

[Moustafa Al-mansy]

اية ممكن يكون في دورة المية و يخلي الراديتير يتخرم!!!!!!!!!!!!!!!