صوت البلوف

[alnmr79]

السلام عليكم ورحمة الله وبركاته
عندى صوت خشن شوية زى خبطشاكوش كدة الميكانيكى قلى دة صوت صبابات ممكن تكون العربية سخنت واتسببت فى المشكلة دى.
طب والحل؟؟؟؟؟؟؟؟قالى هتصرف كتير وهتفتح الماتور وممكن الصوت دة ميضعش .مدام العربية كويسة ومش مزعلاك فى حاجة خلاص.
ايه رايكم اشوف ميكانيكى تانى والا اكبر دماغى.هو الصوت مش مزعج قوى بس انا اتعودت على الصوت الناعم للماكنه.
العربية فيكترا بى 1600 مانوال واحد كامة.

[tananybasha]

شوف حد تانى
الصوت عامل زى تك تك تك بس بسرعه
يبقى بلابل البلوف

[فادى محمد]

-لو عندك عيب في صباب بنزين هتلاحظ ان العربيه بتستهلك بنزين كتير نتيجه انه بيغرق الغرفه بتاعته
ولو صباب عادم هتلاحظ برجله في الموتور نتيجه ان الصباب مش بيقفل كويس وهتلاقي جزء من العادم ده خارج من فتحه الزيت فوق (ريحته مميزه)
-لو الصوت تك تك تك تك وبيبقي ملحوظ اكتر الصبح يبقي كوستبانات او دلايل صبابات
-في اي حال من الاحوال ماتفتحش الموتور ماتحضرش العفريت

[tananybasha]

انا باقول كده برضوا
اللى يحضر عفريت
يبقى عارف اللى يصرفه

[alnmr79]

كلامكم بالظبط زى ما قالى الميكانيكى.
هو كاداء العربية الحمد لله كويسة فى استهلاك البنزين والماتور معرق ومافيش ريحة جاية من الماتور.
بس الصوت فى الهدوء عامل زى صوت التاكيهات بتاع العربيات الديزل واللادا بس على خفيف.
بس انا بحب الصوت الناعم.
مافيش حركة ممكن اعملها تغير الصوت دة زى مثلا تغيير نوع الزيت لنوع تقيل وبعدين اغير لنوع خفيف.او اضافات للماتور من المنتجات الجديدة دى اللى بنشوفها فى اون زا رن وكارفور؟
ماليش دعوة انا عايز الصوت دة يختفى ب500 جنيه اتصرفو بقى.............................

[فادى محمد]

انا موسوس ومابحبش اسمع صوت الموتور زيك بس بنصحك بالصح
هتفتح الموتور هيفتح معاك صدقني مالوش لازمه استمتع بصوته كده
صوت مصنع وعجله الانتاج شغاله وكده.

[alnmr79]

انا موسوس ومابحبش اسمع صوت الموتور زيك بس بنصحك بالصح
هتفتح الموتور هيفتح معاك صدقني مالوش لازمه استمتع بصوته كده
صوت مصنع وعجله الانتاج شغاله وكده.

الله يسمح يا عم فادى ههههههههههههههههههه
هواحنا جايبين الاوبل غير علشان نستمتع بالاصوات الجميلة.
شويه بليه وشويه ماكنة الباور وشويه منعرفش منين جاى الصوت دة لحد مانبيع العربية هههههههههه
لا والله عربيات محترمة جدا وماليا عنينا والحمد لله على كدة.
ان شاء الله هغير السيور وطرمبة الميه يمك يكون الصوت من الطرمبة (فى واحد ميكانيكى قالى احتمال كبير علشان لما بزود الصوت بيروح)
لو وصلت للحل ان شاء الله هبلغكم.
والف شكر على النصائح الاخوية

[tananybasha]

ممكن بلية
او طرمبة مية
بس فتح الموتور
هيفتح معاك كتير قوى

[فادى محمد]

هات اي حديده طويله شويه ودور الموتور وحطها علي المكان اللي انت شاكك انه بيطلع صوت الخشونه بس خلي بالك ابعدها بحرص عن السيور والطرف التاني علي ودنك ,ركز الصوت لو منتظم تبقي القطعه سليمه ولو بيشوش او سمعته مش منتظم يبقي العيب منه نفس فكره سماعه الطبيب علي فكره

[alnmr79]

بكرة ان شاء الله هجرب واقولكم.
انهاردة روحت اشوف الدبرياج علشان فى دردرة فى الطلعة جامدة وبتظهر اكتر لما العربية تسخن.
الميكانيكى قالى هنغير طقم الدبرياج مع القاعدة علشان مبوشة جامد ولاحظ ان عقربة الفتيس شكلها مختلف عن العادى وبالصدفة كان فى عربيتين تانى نفس الموديل واللون ولما قارنا بينهم طلعت العقربة مقلوبة شفته الحلاوة(شغل صابر بتاع رابعة)غيرنه العقربة وظبطنا عصاية الفتيس وجربنا .الدردرة راحة وابتدت العربية تطبع صح المهم قالى جرب يومين كدة وتعالى نشوف الدنيا عامله ايه.
انا مش عارف هو الصنايعى اللى ركب العقربة غلط مكانش عارف عدلتها والا كان فى غرض تانى؟؟؟؟؟؟؟؟؟؟الله يحرقه.

[mbx4e]

السلام عليكم ورحمة الله وبركاته
عندى صوت خشن شوية زى خبطشاكوش كدة الميكانيكى قلى دة صوت صبابات ممكن تكون العربية سخنت واتسببت فى المشكلة دى.
طب والحل؟؟؟؟؟؟؟؟قالى هتصرف كتير وهتفتح الماتور وممكن الصوت دة ميضعش .مدام العربية كويسة ومش مزعلاك فى حاجة خلاص.
ايه رايكم اشوف ميكانيكى تانى والا اكبر دماغى.هو الصوت مش مزعج قوى بس انا اتعودت على الصوت الناعم للماكنه.
العربية فيكترا بى 1600 مانوال واحد كامة.

شوف حد تانى
الصوت عامل زى تك تك تك بس بسرعه
يبقى بلابل البلوف

-لو عندك عيب في صباب بنزين هتلاحظ ان العربيه بتستهلك بنزين كتير نتيجه انه بيغرق الغرفه بتاعته
ولو صباب عادم هتلاحظ برجله في الموتور نتيجه ان الصباب مش بيقفل كويس وهتلاقي جزء من العادم ده خارج من فتحه الزيت فوق (ريحته مميزه)
-لو الصوت تك تك تك تك وبيبقي ملحوظ اكتر الصبح يبقي كوستبانات او دلايل صبابات
-في اي حال من الاحوال ماتفتحش الموتور ماتحضرش العفريت

كلامكم بالظبط زى ما قالى الميكانيكى.
هو كاداء العربية الحمد لله كويسة فى استهلاك البنزين والماتور معرق ومافيش ريحة جاية من الماتور.
بس الصوت فى الهدوء عامل زى صوت التاكيهات بتاع العربيات الديزل واللادا بس على خفيف.
بس انا بحب الصوت الناعم.
مافيش حركة ممكن اعملها تغير الصوت دة زى مثلا تغيير نوع الزيت لنوع تقيل وبعدين اغير لنوع خفيف.او اضافات للماتور من المنتجات الجديدة دى اللى بنشوفها فى اون زا رن وكارفور؟
ماليش دعوة انا عايز الصوت دة يختفى ب500 جنيه اتصرفو بقى.............................

فاكر يافادي لما اتكلمنا على الموضوع دا والناس بتوصفه الصوت ب الـ...تكتكه او خبط سريع
بس هو فعلا بتحس فجأه ان المكنه البنزين قلبت جاز وكان تحليله دلايل الصبابات والكسبانات
ممكن اعرف اللي يعمل او يخلي العيب دا موجود (اسبابه) ؟
لانه بلاحظ انتشاره اكتر في المواتير الالماني .. ليه ؟ ممكن تكون دي ميزه
وتكلفتها كام للفكترا اللي مع الاستاذ؟

[فادى محمد]

فاكر يافادي لما اتكلمنا على الموضوع دا والناس بتوصفه الصوت ب الـ...تكتكه او خبط سريع
بس هو فعلا بتحس فجأه ان المكنه البنزين قلبت جاز وكان تحليله دلايل الصبابات والكسبانات
ممكن اعرف اللي يعمل او يخلي العيب دا موجود (اسبابه) ؟
لانه بلاحظ انتشاره اكتر في المواتير الالماني .. ليه ؟ ممكن تكون دي ميزه
وتكلفتها كام للفكترا اللي مع الاستاذ؟

ازيك ياباشا..فاكر طبعا
-اللي بيبوظ الكوستبان حاجه من 3
اما زيت الموتور بيقعد فترات اكتر من الطبيعي وبيسد فتحه تغذيه الكوستبان
او تعرض الموتور لحراره شديده جدا ادت لفقدان زيت او عدم قدرته علي التزييت
او يكون عمره انتهي بالاستخدام لان جواه سوسته وبتتعرض علطول للانضغاط والانبساط
-اللي بيبوظ الدلايل هو الاستخدام لانها بتتعرض فقط للتاكل من فوق
- اي عربيه يها كوستبانات معرضه للصوت ده لما تبوظ الفرق بس الظاهري بين المواتير الالماني والياباني ان الاولي خشنه ,مواتير عزم اما الياباني فناعمه ,مواتير سرعه تقدر تشبههم بالثور مقابل الحصان
-الكوستبان تمنه 60ج جديد استيراد 25ج كذلك تمن الدليل
-اما تركيبهم فبالكتير قوي 100ج عدلا لانه بيفك سير الكاتينه ووش التاكيهات وبيت الكامه

[alnmr79]

بازن الله هعملهم بس بعد ما خلص الحاجات المهمة.
غيرت العفشة الامامى (ميزان كامل استيراد نوع مايلى وساكس)
غيرت عقربة الفتيس لانها كانت متركبة غلط من صاحبها والنتشة فى الفتيس خفت وهشوف هتحتاج تغيير الدسك والاسطوانة والا هتمشينى شوية.
بكرة ان شاء الله هروح للسمكرى عندى بارومة فى العتبة الخلفية ناحية اليمين واظبط الاكصدام الامامى وفروقات الكابوت والكشافات.وبعد كدة الدوكو والتلميع علشان شكلها يفوق.
بازن الله لو وقفت فى حاجة هكلم حضرتك على طول انا عارف انك مبتتاخرش على حد.
اخوك محمد نبيل (الاسكندرية)
اما الاخ اللى بيسال على السعر صعبب احدد سعر لان العربية الاستعمال حالة مش موديل يعنى ممكن تلاقى فيكترا بى معقولة بس محتاجة مصروف ب40 الف وواحدة تانية ب45 واخرى فابريكة جوه وبره بحالة الزيرو بتعدى ال60000 الف.الزيرو بس اللى سعرة ثابت

[فادى محمد]

بازن الله هعملهم بس بعد ما خلص الحاجات المهمة.
غيرت العفشة الامامى (ميزان كامل استيراد نوع مايلى وساكس)
غيرت عقربة الفتيس لانها كانت متركبة غلط من صاحبها والنتشة فى الفتيس خفت وهشوف هتحتاج تغيير الدسك والاسطوانة والا هتمشينى شوية.
بكرة ان شاء الله هروح للسمكرى عندى بارومة فى العتبة الخلفية ناحية اليمين واظبط الاكصدام الامامى وفروقات الكابوت والكشافات.وبعد كدة الدوكو والتلميع علشان شكلها يفوق.
بازن الله لو وقفت فى حاجة هكلم حضرتك على طول انا عارف انك مبتتاخرش على حد.
اخوك محمد نبيل (الاسكندرية)
اما الاخ اللى بيسال على السعر صعبب احدد سعر لان العربية الاستعمال حالة مش موديل يعنى ممكن تلاقى فيكترا بى معقولة بس محتاجة مصروف ب40 الف وواحدة تانية ب45 واخرى فابريكة جوه وبره بحالة الزيرو بتعدى ال60000 الف.الزيرو بس اللى سعرة ثابت

ع البركه ياباشا وتحت امرك في اي وقت

[mbx4e]

ازيك ياباشا..فاكر طبعا
-اللي بيبوظ الكوستبان حاجه من 3
اما زيت الموتور بيقعد فترات اكتر من الطبيعي وبيسد فتحه تغذيه الكوستبان
او تعرض الموتور لحراره شديده جدا ادت لفقدان زيت او عدم قدرته علي التزييت
او يكون عمره انتهي بالاستخدام لان جواه سوسته وبتتعرض علطول للانضغاط والانبساط
-اللي بيبوظ الدلايل هو الاستخدام لانها بتتعرض فقط للتاكل من فوق
- اي عربيه يها كوستبانات معرضه للصوت ده لما تبوظ الفرق بس الظاهري بين المواتير الالماني والياباني ان الاولي خشنه ,مواتير عزم اما الياباني فناعمه ,مواتير سرعه تقدر تشبههم بالثور مقابل الحصان
-الكوستبان تمنه 60ج جديد استيراد 25ج كذلك تمن الدليل
-اما تركيبهم فبالكتير قوي 100ج عدلا لانه بيفك سير الكاتينه ووش التاكيهات وبيت الكامه

تسلم يافادي باشا عالرد دايما محرجني بذوقك
ربنا يزيدك علم