عندى مشكلة ف الفيكترا سي

[moody_687]

انا حساس المطر عندى مش شغال يعنى العربية اكون مدورها واكب مية ع الازاز المساحات مش تشتغل لوحدها ومرايات التعتيم عندى بحس بنور العربيات ورايا وحاسس انها مش بتعمل حاجة يعني ولا بتعتم ولا بتتنيل ع عينها
وكنت عايز استفسر هل ممكن اركبلها حساسات رجوع للخلف ولا لا وهل لو ركبته ف التوكيل مش يأثر ع كهربة العربية ولا هو ملهوش علاقة

[ENG\AHMED]

حساس المساحات لازم المية تيجى على الحساس مش اى حتة فى الزجاج ومكانة فى قاعدة مراية الصالون

[moody_687]

مانا كبيت مية ع قاعدة المرايا وبرده مفيش حساس

[tananybasha]

راجع توصيلاته

[moody_687]

ازاى بقى اراجعها انا فكيت ورى المرايا بس بصراحة قلقت العب ف حاجة عشان مش اخربها اروح لكهربائى ولا اعمل ايه

[احمد فهمى]

السلام عليكم اولاً انت غيرت زجاج والا ده الاصلى؟؟؟ وهل كانت شغاله ووقفت والا ايه اللى حصل؟؟؟ معلش بس هرود بعد ما تجاوب عشان الموضوع له اكتر من تشخيص وحساس الركن اشتريه من اي مكان ب١٥٠ جنيه وركبو عادي بنفسك ده موضوع سهل انا ركبتو بنفسى وبيجى معاه بنطة الخرم فى الاكصدام وهتاخد من فردة الكهربا اللى رايحه لمبة المرشدير وهتركبو فى الحز العلوي اتنين فوق النمره واتنين على نفس الخط

[moody_687]

الف شكر استاذ احمد انا فعلا غيرت الزجاج الامامى بس الحساس كان شغال ومرة واحدة وقف مش عارف فيه ايه

[moody_687]

وعندى استفسار تانى استاذ احمد انا مش غيرت زيت الفتيس خالص هل اغيره ولا لا عشان انا عرفت معلومة ان العربيات الحديثة مش بتغير زيت للفتيس بتاعها فهل ده صح ولا غلط ولا محتاج تغيير زيت الفتيس اروح لمين ف الاسكندرية ولا اريح دماغى واروح للتوكيل هو اللى يغيروا عشان يحطلي الزيت الفتيس الاصلي بتاعها

[احمد فهمى]

السلام عليكم اولاً حساس المطر راكب عليه فيشه صغيره بشيلد مش سلك عشان كل كهربة السقف باللمبات فى الفيكترا سي شلدات مش سلوك والشيلد عامل زي الورقه البلستك وفى فيشه تانيه راكبه فى المرايه وهي اللى بتشغل اتعتيم لمراية الصالون ومراية الصالون هى اللي بنعتم مراية الجنب يعنى لو مراية الصالون فيها مشكله يبقى مراية الجنب مش هتشتغل تعتيم فك الكفر اللى عليهم واتأكد ام الفيش راكبه صح وان اللى بيفك مقطعش حاجه او مش مركب الفيش للأخر.....
زيت الفتيس طبعاً بيتغير انا عامل ٥٣ الف ومغيرو مرتين وفى التوكيل بيحطو زيت موبيل atf320 اللى هو بتاع الباور والاوتوماتيك اللتر ب٣٥ جنيه فى موبيل عربيتك بفك الكرتيره هتاخد ٢.٥ ومنغير فك لو هتنزلو من الطبه الجانبيه بتاخد ١.٦ بس يفضل تنزلو وتغسل الكرتيره وتحط زيت على نضافه يعنى لو ميكانيكى فاهم الموضوع هيكلفك ٩٥ زيت وهو ٣٠ جنيه مثلاً والزيت بيتملى من الكبه الجانبيه وتكون رافع العربيه لو متعرفش حد بيفهم روح التوكيل وخلاص وفهمهم انك فاهم واشرحلهم كلامى واطلب فك الكرتيره السفليه للفتيس والاهم عايزك تغير زيت الفرامل وزيت علبة الدركسيون دول مهمين جداً عندك علبة الدركسيون زيت وكهربا فى نفس الوقت وزيتها ابيض زي بتاع فتايس الفولكس يفضل تغيرو فى التوكيل وتريح دماغك والله المستعان اي حاجه تحتاجها احنا موجودين

[moody_687]

ربنا يخليك يأستاذ احمد بس انا عندى استفسار هل زيت علبة الدركسيون هو زيت طرمبة الباور عشان انا لسة مغير الطرمبة بزيتها

[moody_687]

استاذ احمد اروح لكهربائى عشان يشوف حوار التوصيلات بتاعة الحساس المطر والتعتيم ولا هى العملية معقدة جوة العلبة اللي ورى المرايا مع العلم انى هروح لاى كهربائى ولا اريح دماغي واروح للتوكيل

[احمد فهمى]

ربنا يخليك يأستاذ احمد بس انا عندى استفسار هل زيت علبة الدركسيون هو زيت طرمبة الباور عشان انا لسة مغير الطرمبة بزيتها

هو نفس الزيت كده انت مش محتاج تغيرو

[احمد فهمى]

استاذ احمد اروح لكهربائى عشان يشوف حوار التوصيلات بتاعة الحساس المطر والتعتيم ولا هى العملية معقدة جوة العلبة اللي ورى المرايا مع العلم انى هروح لاى كهربائى ولا اريح دماغي واروح للتوكيل

الموضوع ابسط مما تتخيل وهيبان بالعين والعلبه بتتفتح نصين يمين وشمال افتح وشوف الاول بعد كده خد القرار

[moody_687]

دلوقتي يااستاذ احمد انا فتحت العلبة اللي ورى المرايا اللى ف الصالون لقيت الاتي
الشيلد ( السللك ) اللي ف الطرف الشمال مقطوع والشيلد اللي ف الطرف اليمين متوصل
فانا عايز اعرف مين اللى مختص بحساس المطر هل الشيلد اليمين ولا الشمال المقطوع
وهل الكهربائي عنده بديل ويعرف يصلحها ولا لازم اروح للتوكيل

[احمد فهمى]

اللى قطعو الافندى الجاهل اللى غير الزجاج وده حصل معايا وانا لحمتو بنفسى بس ده موضوع صعب جداً بيحتاج كاويه مخصوص وواحد بيفهم ودول مش متوفرين فى صنايعية مصر لو امت فى القاهره كنت عملتهالك بنفسى امرك لله روح التوكيل واسمع منهم وبلغنى لو هياخدو كن ٥٠ ل١٠٠ توكل على الله اكتر من كده لا طبعاً انزل القاهره اعملهالك بنفسى ببلاش