محتاج رايكوا في حاجة كدة

[Mamoud salah H]

يا رجالة عايز رايكوا في حاجة كدة هو انا لو عرضت عربيتي للبيع وهي اوبل فيكترا بي 1996
استيراد مواصفات اوروبي
متور ايكوتك 1600مانيوال
عداد 197000كم
مرايات كهرباء وضم
2 ايرباج و فرامل abs
فوانيس شبورة امامي وخلفي
فابريكة دواخل ورش خارجي حديث من شهر كدة
تابلوه اسود مش الرمادي بتاع العربية المصري
والتكييف بتعها مش شغال
الحالة العامة جيدة جدا

السؤال هنا بقي لو طلبت فيها 50 الف يبقي كتير ولا كويس

[Hesham.H]

فى الاول يا رب تبيعها بأعلى سعر ... بس على ما اعتقد ان ٥٠ الف كتير على عربيه ٩٦ راشه بره
بس اللى معاه الموديل ده يفيدك اكتر منى

[medosalah]

انا جبت واحده النهارده موديل 2000 فابريكه من الاكصام للاكصدام ب 51000

[احمد فهمى]

صلح التكيف تجيب فوق ال٥٠ عادي جداً وعلى فكره فى مصري طابلوه اسود كانت معايا يعنى مش قاعده بس عربيتك فيها ايرباجز ومتور ايكوتك اصلى على ابوها تجيب ٥٠ مستريح ومتنزلش فى السعر يا راجل الانوس بتتباع ب٥٠ الف وحتيى الفيكترا بي موديل ١٩٩٦ مانيوال المتور القديم منغير ايرباج حالات مقبوله مبتقلش عن ٤٤ اعمل اعلان هنا مع صور للمتور والطابلو واملا استماره وان شاء الله تجيبلك ال٥٠ بس هي خساره تتباع

[فادى محمد]

لو مريحاك ماتبيعهاش خساره مش هتعرف تعوضها
انما لو فيها مشاكل اخلص منها

[callsdiab]

لو مريحاك ماتبيعهاش خساره مش هتعرف تعوضها
انما لو فيها مشاكل اخلص منها

الكلام ده معقول جدا بجد لكن لازم تصلح التكييف عشان تاخد قرار
انا كنت حبيع عربيتى لحد ماصلحت التكييف فقلت مفيش داعى خالص وبعدين حركب ايه بال50 كفايه ان العربيه انا عارف كل مسمار في ايه

ربنا يهديك للى فيه خير ليك انشاء الله

[alnmr79]

مفيش كلام يتقال بعد كدة.ربنا يوفقك

[Mamoud salah H]

الف شكر يا رجالة انا مش ناوي ابيع بس دخلت في كلام مع واحد صحبي وكدة وهة بيقول اخرها 47 بالكتيير حتي لو صلحت النتكييف فقولت اخد رايكوا بس مش اكتر

[wama00]

بص يا باشا مفيش اختلافى طبعا ان حالة العربية هى اللى بتحدد السعر يعنى انا لاقيت فى السوق موديل 96 بى 1 طالب فيها 47 وبرضة نفس الموديل وصاحبها كان طالب قيها 63 الف بس كانت فابريكة بجد فحالة العربية هى اللى بتحدد,,,, وانا شايف ان السعر العادل لعربيتك 49 ,,, على فكرة انا معايا نفس العربية ديه بس اوتوماتيك ومرياات ضم و4 زجاج كهربا وفوجات .

[Mamoud salah H]

ال مع حضرتك اوتو 2000cc الماتور الاسود
واكيد انت عارف الفرق بين الموتور الابيض والاسود بس عمتا هي مجرد دردشة معاكوا مش اكتر

[wama00]

الموتور الابيض اللى هو ايكو تك,,, بس انا بستغرب علشان موديل 96 وايكوتك!!! علشان الايكوتك بدأ ينزل من اول 2000 تقريبا الا اذا كان متسقطلها موتور والله اعلم

[احمد فهمى]

يا جماعه مع احترامي للكل دى عربيه المانى مش مصري الفرق شاسع لو معايا مش هبيعها اقل من ٥٥ ومتور ايكوتك اصلى بأيرباجات دى قصه تانيه اقل واجب تزيد عن العادى ٨ الاف جنيه بس تكون سليمه طبعاً

[Dr.M_baz]

للأسف وقت البيع الكل هيحاول يخسف لك بيها الأرض لو نويت تبيعها صلح التكيف عشان ميبقاش تلكيكه وبعدها ممكن تجيب 50 ألف.

[Mamoud salah H]

تمام اوي الكلام كدة انا مش هبيع اصلا العربية مريحاني ومفيهاش حاجة الحمد لله انا بدردش معاكوا بس وعلي فكرة عشان الي مستغرب انها 96 وايكوتيك هي تقفيل الماني مش مصري ومتورها بتاع المصنع

[wama00]

مش استغراب لكن اول مره اسمع عنها بس<<<<

احمد فهمى: هى ديه تبقى cdx??? ,ولا ايه؟؟