بلا وعى ...

[callsdiab]

السلم عليكم

لسه حالا دلوقت - قبل ميدان فودافون 6أكتوبر ب200 متر- عربيه مسرعة(لانسر) جدا خبطت عربيه تانيه من الخلف(أوبترا) خبطه بسيطه لا تذكر عشان الباشا كان بياخد غرزه على الضيق وطبعا جرى، المشكله ان العربيه اللى اتخبطت دى كان فيها راجل كبير ماشى على مهلو اتخض جدا والعربيه اتقلبت بعد ما لففت واصطدمت بالرصيف، احب اقول للجميع وانا اولكم يا جدعان مش معنى انك مركز وبتعرف تسوق كويس انك تجرى بدون وعى لازم نتقى ربنا فى الناس وفى نفسنا، عموما قدر الله الخير الحمد لله الراجل طلع سليم وأغرب حاجه ونش المرور جه بعدها ب 10دقايق....

ربنا يحمى الجميع ويحافظ على اولادنا انشاء الله

[ehabahmed0]

[QUOTE=callsdiab;3874566946]السلم عليكم

لسه حالا دلوقت - قبل ميدان فودافون 6أكتوبر ب200 متر- عربيه مسرعة(لانسر) جدا خبطت عربيه تانيه من الخلف(أوبترا) خبطه بسيطه لا تذكر عشان الباشا كان بياخد غرزه على الضيق وطبعا جرى، المشكله ان العربيه اللى اتخبطت دى كان فيها راجل كبير ماشى على مهلو اتخض جدا والعربيه اتقلبت بعد ما لففت واصطدمت بالرصيف، احب اقول للجميع وانا اولكم يا جدعان مش معنى انك مركز وبتعرف تسوق كويس انك تجرى بدون وعى لازم نتقى ربنا فى الناس وفى نفسنا، عموما قدر الله الخير الحمد لله الراجل طلع سليم وأغرب حاجه ونش المرور جه بعدها ب 10دقايق....


ده حصل معايا بلضبط بس اللي خبطني كانت 128 ووقف ليا واتسف بس اتخضيت جدا وربنا ستر

[Mohamed Hafiz]

الكويس أن الونش جه بعد 10 دقائق !!!!! و ربنا سلم و ستر

[akmm]

ربنا يستر على الجميع .

[wsamir]

ربنا يسترها معانا جميعا

[Elawany13]

حسبنا الله ونعم الوكيل فى كل مستهتر
اللهم انتقم منه

[koshary]

ايه الهبل ازاى يقلبه يعنى اكيد كان ماشى بسرعه عاليه جدا وكمان جوه البلد ده استهتار بالناس والله

[محيي الدين]

السلم عليكم

لسه حالا دلوقت - قبل ميدان فودافون 6أكتوبر ب200 متر- عربيه مسرعة(لانسر) جدا خبطت عربيه تانيه من الخلف(أوبترا) خبطه بسيطه لا تذكر عشان الباشا كان بياخد غرزه على الضيق وطبعا جرى، المشكله ان العربيه اللى اتخبطت دى كان فيها راجل كبير ماشى على مهلو اتخض جدا والعربيه اتقلبت بعد ما لففت واصطدمت بالرصيف، احب اقول للجميع وانا اولكم يا جدعان مش معنى انك مركز وبتعرف تسوق كويس انك تجرى بدون وعى لازم نتقى ربنا فى الناس وفى نفسنا، عموما قدر الله الخير الحمد لله الراجل طلع سليم وأغرب حاجه ونش المرور جه بعدها ب 10دقايق....

ربنا يحمى الجميع ويحافظ على اولادنا إن شاء الله

يارب سلم

[wama00]

ربنا يسترها ويهدى من لا عقل له

[Amrgamal1]

والله انا كرهت السواقه بسبب العقليات المتخلفة دي
انا بردو عملت حادثه بسبب واحد متخلف جاي في وشي عكس علي سرعه فوق الـ100
كان قدامي اني البس فيه كبوت في كبوت و أموت او افاديه واللي يحصل يحصل
فديته والمشكله اللي جاي جامبه ماشي بيشد معاه مالحقتش احد منه الغرزة لبست في العربيه التانيه دي وهو جري ولا شوفته تاني

[Hesham.H]

ربنا يسترها مع الجميع ويكفينا شر خطأ الغير وخطئنا طبعا

[احمد فهمى]

الجري نهايتو مؤسفه بكل المقاييس

[cayman69300]

متاكد ان الونش جة فى 10 دقايق
عربية فوق الخيال
يمكن كان واقف مكان الحادثة بالصدفة
الحاجة التانية :
لكل طريق و كل وقت لنفس الطريق سرعه بتاعه
مش هبل و جرى عمال على بطال
الدنيا بقيت قمة القرف
ربنا يصلح الحال