هل الأوبل كورسا السيدان فيها Abs

[kareem_Ashmawy]

السلام عليكم يا شباب الأوبل
لو سمحتم فى واحد صاحبى معاه كورسا سيدان موديل 2006
هو شاريها من الزيرو و بيقول ان فيها Abs
كان ماشى ورايا مرة على سرعة حوالى أقل من 30 كم/س
وزنقت عليه جامد هزار
راح ماسك فرامل على الأخر
بس أنا سمعت صوت الكاوتش واضح بيحك فى الأسفلت لدرجت انى خفت لتكون بتتزحلق روحت موسعله على طول
طيب ازاى يبقى فيها Abs
و ازاى تحك كده على الأسفلت
كمان أما سألته لمبة الـــabs بتنور أما تفتح المونتاكت قبل ما تدور
قالى لأ و هو بيقول ان الاكتالوج مكتوب فيه انها مبتنورش الا لو في مشكلة فى الـــabs
فيبقى كده فيها Abs و لا لأ

[ENG\AHMED]

لما بتفتح الكونتاكت بتنور وبعد كدة بتطتفى لو مفيش مشكلة فى ال abs
لو هى معاة من الزيرو ومبتنورش خالص يبقى مفهاش

[kareem_Ashmawy]

شكرا يافندم على الرد..

[ENG\AHMED]

العفو على اية , خلى بالك ان التابلوة بيبقى استاندرد يعنى مش هيعمل تابلوة لكل موديل على حسب الاوبشنز اللى فية فا مش شرط علشان عندة مكان اللمبة تبقى فيها
وبردة مش شرط علشان عملت صوت فرامل يبقى مفهاش
قولة يمشى بسرعة على رمل مثلا ويدوس فرامل للاخر مرة واحد لو نتشت معاة يبقى فيها

[Ahmad Allawy]

لما بتفتح الكونتاكت بتنور وبعد كدة بتطتفى لو مفيش مشكلة فى ال abs
لو هى معاة من الزيرو ومبتنورش خالص يبقى مفهاش

10/10 يا هندسة..
انا مع الكلام و الرأي ده..

[SAbuhashem]

إفتح الكابوت و اتأكد

الكنترول يونيت بتاع ال-ABS واضحة جداً وبيبقى خارج منها مواسير رفيعة إما ٢ أو ٤ مواسير وفي أغلب الحالات هتلاقيها قريبة من ماستر الفرامل


Thanks
Eng.Sherif Shaker

[Ahmad Allawy]

نستاني بقي لما حد معاه العربية يبقي يشوف ويقولنا.. :) :) :)
الف شكر يا شريف بك..

[ENG\AHMED]

إفتح الكابوت و اتأكد

الكنترول يونيت بتاع ال-ABS واضحة جداً وبيبقى خارج منها مواسير رفيعة إما ٢ أو ٤ مواسير وفي أغلب الحالات هتلاقيها قريبة من ماستر الفرامل


Thanks
Eng.Sherif Shaker

الموضوع دة عايز حد يبقى فاهم :)


انا مقصدش حاجة غلط :) كل اللى اقصدة انة ممكن ميكونش لية فى الحاجات دى فالاحسن والاسهل موضوع اللمبة ولو مش مقتنع يجرب الفرامل

[kareem_Ashmawy]

هشوف ان شاء الله و اقولكم
شكرا جزيلا لكا من رد

[Ahmad Allawy]

هشوف ان شاء الله و اقولكم
شكرا جزيلا لكا من رد

التوقيع ده مثال ماخوذ علي لسان مين؟؟!!! :)
الله يرحمه و يفيدنا بعلمه..
الشيخ الشعراوي رحمه الله عليه..

لو ليك ف الفيس بوك..
تعالي في موضوع انا فاتحه هنا اسمه اوبل مانيا..
تعالي علي الفيس بوك..

[kareem_Ashmawy]

أه مأخوذ من الشيخ الشعرواى رحمه الله
أه ليا فى الفيس بوك
فين الموضوع ده بأه

[ashour]

الكورسا ال 1600 مفيهاش abs...
معاي العربية ديه و فعلا كنت معتفد غلط في الاول بس اتاكيدت من المعلومة ديه.

[asaber]

mafesh feha ABS

[Mustafa_Farouk]

أه مأخوذ من الشيخ الشعرواى رحمه الله
أه ليا فى الفيس بوك
فين الموضوع ده بأه

http://www.facebook.com/group.php?gid=19374393921&ref=nf

waiting for you in Opel Group.

[yahyaelsirafy]

مافيهاش abs