انضميت لنادي الاوبل

[hesham ahmed]

ألف مبروك .. العربية دي محترمة جدا .. و مشاكلها قليلة .. بس انت حاجظ عليها خصوصا في موضوع المياه و الزيت.

يعني كل اسبوع كده بص على المياه و الزيت لو لقيت حاجه فيهم بتنقص .. متستناش .. شوف المشكله قبل ما تكبر و تدخل لا قدر الله في مشاكل كبيرة.

لو صاحب العربية اللي قبلك مقالكش هو عمل السرفيس امتى يبقى تنزل تجيب طقم سرفيس بتاعها و تعمله في السريع .. على الأقل لو حصلت حاجه في العربية .. أو سمعت صوت غريب .. تبقى عارف ان كل سيورك و فلاترك سليمة.

لو حبيت تكشف عن العربية كشف محترم .. اطلع على أوتو ماستر اللي في شارع المخيم الدائم في مدينة نصر .. هيديك تقرير محترم .. بس متتخضش .. عشان لو في مسمار ناقص .. هيكتب لك في مسمار ناقص .. بس تكون عرفت العربية محتاجه ايه في المستقبل.

العربية دي قعدت معايا 3 سنين تقريبا .. و هي عربية كويسه جدا .. و في موضوع مثبت عن العربية هتلاقي في معلومات تفيدك ان شاء الله.

و ربنا يبارك لك فيها.

الله يبارك فيك يا استاذي
عارف انها كانت معاك .... و بعتها قريب .... و انت بعتها في الفتره اللي كنت بدور فيها علي العربيه دي ... بس للاسف انت عرضتها و اتباعت في اسبوع كنت مسافر فيه .... بصراحه كان عيني من عربيتك :))

ان شاء الله هعملها السرفيس قريب ... انا بس بسافر كتير الفتره دي ... مفيش وقت خالص .... بقالي اسبوع راكنها في الجراج مشفتهاش

[hesham ahmed]

ألف مبروك وربنا يكرمك بيها ويباركلك فيها.

الف مبروك وربنا يديك خيرها ويكفيك شرها يارب ويكفيك حسد الناس
ويكون وشها حلو عليك :)

الله يبارك فيكم ,,, ربنا يكرمنا جميعا