طلب استشاره هامه

[darbaka99]

السلام عليكم
تحية طيبة وبعد
بالامانة بفكر اشترى عربية جديده بعد اللانسر بس بالامانة يمكن بدور على عربية يكون امان اكتر واتزان اكتر
بفكر فى الاوبل فيكترا بدايه من موديل 2000 اتوماتيك او ميجان 2006 اتوماتيك
يياريت تفيدونى مميزات وعيوب الاوبل فيكترا واى موديل احسن مع رينج الاسعااااار
تحياتى وبأنتظار الرد السريع
كريم ممدوح

[Amrgamal1]

الفيكترا ممتازة وقطع غيارها أرخص من الميجان وحاجتها مترمية مافيش حاجه فيها نادره يعني
عيبها الوحيد :
أن ماحدش بيعرف يشتغل فيها .. اللي بيفك حاجه مابيعرفش يركبها تاني صح حتي المتخصصين في الأوبل بس
يعني مثلا عشان تفك الردياتير لازم تفك وش العربيه كله .. الاكصدام والسربنتينه والمراوح
ويجي يركبلك الاكصدام تاني مايعرفش تلاقية مفتح وعامل فرق بينه وبين الرفرف .. لازم تروح لسمكري
وفي ناس مابتحبش ومابتعرفش تشتغل فيها وبالزات في التكييف تحديداً

- بس م الاخر لو هتجيب عربيه استعمال نضيف ومش ملعوب فيها وتتعامل انت مع التوكيل ماتروحش لحد يعك فيها
هتلاقيها أحسن عربيه في الدنيا ولا ميجان بقي ولا لانسر ولا أي حاجه

[momen_omar]

كلام تمام بس فين الحالة اللى بتتكلم عليها دى .... صعب جدا او بمعنى اصح هيبيعها ليه

[darbaka99]

شكرا جدا يا عمرو على ردك الممتاز ده بس يا مؤمن ممكن يكون اللى بيبيع حاجات زى الاوبل والبى ام بيكون للتجديد ليس الا مش شرط عشان عيب

[Amrgamal1]

في حالات نضيفه واللي بيبيع بيبقي عايز يجيب الماني بردو بي ام او اوبل موديل احدث من اللي باعه
بس مشكلتها ان العربيات النضيفه دي بتبقي غاليه .. بيطلبو ستينات .. خمسينات لو حاله متوسطه .. اربعينات لو مانيوال وحالتها علي قدها

[wama00]

فعلا اللى بيبيع عربية نضيفة بيبقى عايز يجيب موديل احدث ,,,, انا كنت فى السوق امبارح وشوفت اوبل كتير بس بصراحة عجبنى اووى ان لاقيتها ماسكة سعرها مش زى ما كنت متوقع يعنى النضيفة بتعمل من 50 ل 55 اوتوماتيك b1 وفعلا هو ده رنجها
لكن شوفت حاجة غريبة جدااا عربية موديل 97 1600 سى سى مانيوال وصاحبها طالب فيها 78 الف ؟؟؟!!!!!!!!!!!!!!!!!!!!! اكيد الراجل ده مش فاهم او مش من هنا ههههههههههه وعلى فكرة كانت تجميع مصرى زى اى معظم العربيات اللى موجودة يعنى مفيهاش حاجة زيادة وحالتها مش اللى هى يعنى.

[احمد فهمى]

كان كريم صديقنا هنا معاه واحده اقرب للحالات النادره فعلاً بس للأسف اتباعت من كام اسبوع معلش حظك دور وان شاء الله هتلاقى وال١٦٠٠ اوبل افضل من الميجان فى قطع الغيار وسهولة الصيانه وكل حاجه موجوده وحتى الاصلى مش غالى مقارنه بالميجان والاستيراد فى كل مكان

[darbaka99]

ربنا يخليكوا بجد انا استفدت منكم وخلاص نويت انى ابتدى البحث عليها وربنا يكرم يارب

[mexmarine]

شوف برضة فى الاسترا ممكن تلاقى كويس جدا منها موديل من 2000 الى 2006 متوفره و فى حدود من 47 الى 60 النضيف جدا منها من 2000 الى 2006

[meika]

الفيكترا بلذات لو مكنتش انضف حاجة كتنفعش