بصراحة تجربتى مع صابر اوبل

[elmtr mohamed]

سلام الله عليكم

احلى تحية لاحسن ركيبة عربيات فى مصر اصحاب الاوبل المحترمين ..

بصراحة حبيت انقل ليكم تجربتى مع الميكانيكى اللى بتعامل معاه ودى شهادة حق ادام ربنا وهقول اللى ليه واللى عليه بمنتهى الامانة يمكن اقدر افيد حد زى ما استفدت هنا كتير

اسمه صابر ومعروف بصابر اوبل هو فى مدينة نصر عند رابعة العدوية كده

بصراحة يا جماعة هو راجل محترم جدا واخلاق جدا وذوق جدا وانا بقالى سنتين معاه مشفتش منه حاجة وحشه بالعكس الراجل محترم جدا وبيقدر جدا ومصنعيته مش غالية زى ناس كتير اتعاملت معاهم وكمان قطع الغيار عنده اسعارها معقولة وامين وفى حاجات بتتعمل برة بارقام فلكية عملتها عنده بارقام حلوة جدا وبصراحة هو راجل بيعرف يقدر العميل بتاعه جدا ومقدرش انسى ليه ابدا والله انى اول معرفتى بيه طلبت منه ينزل معايا الحرفيين اجيب فتيس وانا متاكد انه هيقولى لا لكن فاجأنى لما وافق وجه واختاره بنفسه لدرجة ان الناس فى الحرفيين قالولى صابر بنفسه نزل معاك دانت محظوظ والله وساعتها فهمت الراجل قدرنى ازاى

وفى صنايعية اتعاملت معاهم عنده محترمين وشاطرين جدا عندكم مثلا ( مصطفى وشهرته دوكش ) صنايعى جدع جدع جدع جدا وميسيبكش الا لما يتاكد ان شغلك تمام وبيشتغل بضمير وفاهم كويس وميبوظش الحاجة عشان يغرمك وخلاص .

فى كمان ( طاهر ) وبصراحة الولد ده فنان والله يا جماعة وفاهم فى الاوبل جدا واكتشف فى عربيتى حاجات بهوات تانيين كتير كانوا بيفتوا فيها يعنى من الاخر ولد حريف

وكمان فى سيد بردو صنايعى كويس وكمان احمد عجورة

لو التكييف عندك فى عفريت لما تروح عند صابر أسال بس عن ( حسونة ) ولما تشوف حسونه ميغركش انه صغير بس والله العظيم يا جماعة الولد ده برنس التكييف ولو التكييف عندك ميت مرتين سلمهوله وملكش دعوة حررررررررررريف تكييف حسونة ده ..

ولو عايز كهربائى محترم فوق ما حد يتخيل وكهربائى شاطر جدا اسال عن ( منصور ) يا جماعة شاب ذوق واخلاق فوق الوصف ومصنعيته حلوة جدا وشغله نضيف جدا .. للامانة بس لازم تظبط وقتك معاه لانه ماشاء الله شغله كتير فظبط معاه الوقت بالدقيقة واقفش فيه خليه يخلصلك الشغل بتاعك ههههههه وهو الصراحة مبيتاخرش وبيقدر زباينه جدا ..

يا جماعة انا بنقل ليكم تجربتى الشخصية بمنتهى الامانة ودى تجربتى وانا مسئول عنها وكل واحد وظروفه وتجربته لكن بالنسبة للى بسمعه عن ناس تانيين فصابر يبقى اختيار اول دائما ولازم ندى كل واحد حقه زى ما لازم نبين اى غلط او تقصير من اى صاحب مركز صيانة او ميكانيكى لان ده هيعتبر وسيلة اصلاح وتقويم ليه

واى حد عايز اى معلومة عن مكان صابر او تليفونه انا تحت امره

والحمد لله الذى هدانا لهذا وما كنا لنهتدى لولا ان هدانا الله

[Dr.M_baz]

شكرا لك .

[catakeet]

مشكور على هذا الموضوع الجميل ,
بس كنت عايز رقم المهندس احمد اللى عند صابر بعد اذنك

[tananybasha]

منور يا باشا

[Mostafa.Ismail]

هو اية اللى كان عندك واتحل عند صابر؟

[tananybasha]

و معلشى انا باحترم صابر بالرغم انى معملتوش خالص
بس انت فى مشاركه فى موضوع تانى بتقول

ياباشا انا عندى مشكلة فى السحب خنقانى وواحد بتاع شكمانات قالى على نفس الموضوع بس انا مهتمتش بكلامه .. لانى معتقد انها طلمبة بنزين او فيش الحساسات .. هو كان ايه المشكلة عندك بالظبط ... انا مشكلتى ان السحب بيتغير كل دقيقة ومع اهتزاز او دوران العربية .. يا ريت تقولى المشكلة عندك كانت ازاى .. ويا ريت اسم وعنوان بتاع الشكمانات .. وتشكر يا كبير

و دى مشكله تانى
و جديده برضوا
ياباشا تسلم ربنا يخليك انا هجرب نصيحتك الغالية دى لانى فعلا شاكك ان فى حاجة معلقة هى اللى بتتسبب فى كده وشكى بيزيد فى طلمبة البنزين وحاجاتها او الحسسات وفيشها او تروس سير الكتينة والوش والسير نفسه دول انحصرت فيهم شكوكى لان العربية مع اى هزة جامدة او تغيير اتجاه او بعد فرملة وبداية السير بيحصل فيها كده فهبدأ زى ما قلت انت كده هشيك على الحساسات والفيش وبعدها هجرب وربنا يسهل واشكرك مرة تانية يا باشا

و دى مشكله تالته
سلام الله عليكم

ده اول موضوع ليا فى المنتدى المحترم ده يا رجالة اللى صراحة اتعلمت منكم فيه كتير جدا وربنا يبارك فى المنتدى ومشرفيه وكل اعضاءه

انا معايا فكترا 99 اوتوماتيك 2000 cc مشكلة العربية اللى جننتنى فى السحب احيانا يكون سحبها ممتاز وزى الفل واوقات تانية بحس انها بتنازع تحت رجلى وبتجرى بالعافية وبصراحة جربت عند الميكانيكية كذا حاجة وغيرت طلمبة بنزين وقبلها فلتر بنزين واتصلح شوية ومفيش فايدة وكان اخر حاجة واحد صنايعى بس شاطر عند الميكانيكى فك حاجة زى حساس او فيشة كده من خلف الموتور وكحتها فى الارض ونضفها وقالى دى مش بتقرى سخونة الموتور وجرب ونشوف بردو السحب كالعادة اتحسن شوية وبعدين رجع تانى شوية حلو وشوية وحش .
ومن فترة قبلها كنت غيرت جوان وش السلندر وبعد ما استلمت العربية كانت كانى يوم ما اشتريتها من صاحبها تحفة وسحب وصوت ناعم وانا مسافر فى حتة ارياف كده خدت مطب بايخ شوية على سرعة متوسطة لكن رزع شوية بعدها رجعت المشكلة تانى .. مع انى مش عارف خبطة المطب ايه علاقتها بالسحب لكن سحبها قل بعد الخبطة دى ..

واحيانا بحس زى مايكون فى خشونة فى الموتور لما بتكون مش عايزة تسحب كويس والسخونة تزيد بمقدار درجتين مثلا .. بصراحة انا احترت جدا ومحتاج من اساتذتنا هنا المشورة وربنا يبارك فيكم

لو حضرتك مقلتشى رد منطقى
هاعتبر الموضوع اعلانى
و هاحذفه و هيتم تطبيق عقوبة مخالفه الأعلانات التجارية بدون التنسيق مع المنتدى
ده قانون المنتدى

[tananybasha]

السلام عليكم جميعا وتحية من عند الله مباركة على كل الناس الاوبلاوية المحترمين ... انا بتابع المنتدى هنا من فترة لكن من غير مشاركة وبصراحة استفدت كتير من خبراء الاوبل هنا ومن المعلومات الجميلة اللى عن العربية وقطع الغيار واماكن بيعها والصنايعية الشاطرين وكمان التعبانين .. انا معايا فيكترا 1999 كاملة اوتوماتيك 2000 cc واخترتها بعد صراع مع موديلات كتير واستشارات ومعايا تقريبا بقالها سنتين .. وبصراحة شفت معاها كل اللى ممكن تتخيلوه ايام حلوة رفعت فيها راسى وايام صعبة بهدلتنى فيها بهدلة السنين ..
مش هطول على حضراتكم لكن الموضوع ده فعلا شدنى وقلت هيبقى بداية مشاركاتى فى المنتدى المحترم ده فى الموضوع ده بالذات ..
بصراحة من عشرتى مع الاوبل ومع كل اللى قريته وعرفته هنا او من بره اقدر اقول ان كلام حضراتكم كلكم صح بلا استثناء سواء اللى شكر فى الاوبل او اللى ذم فيها وهى فعلا ممكن تبقى عربية حلوة ومفيش زيها وتريح صاحبها .. وكمان ممكن تبقى عربية زفت وتطلع عين اللى جابوا صاحبها .. ومن الاخر الاوبل اكتشفت ان من الاخر هى فيها حاجتين حاجة متعلقة بالعربية نفسها وحاجة متعلقة باستعمالها .. بالنسبة للعربية نفسها فالاوبل زى البطيخة يااما هتطلع بطيخة محترمة ياما هتطلع قرعة وكلها بذر يعنى الاول هو نصيبك فى العربية اللى هتقع فيها لان فعلا فى عربيات مفيهاش اعطال خالص وفى عربيات تانية بتعطل بدون اى سبب يعنى بالبلدى متعفرته ....... زى عربيتى بالظبط ...... تانى حاجة بقى استعمالك انت يا برنس هو اللى بيخلى البطيخة دى يا تطلع احلى بزيادة يا اما تطلع اصلا مش بطيخة وتبقى بعيد عنك قرع هههههه...

هى عربية محترمة ان لم تكن من افضل العربيات فى العالم فعلا زى ما الناس اللى شكرت فيها قالت .. لكن كمان فيها مشاكل وسوء الاستخدام هو بقى اللى يعقد المشاكل دى او يخليك متحسش بيها او تبقى عادى وكلكم صح فعلا وعلى عينى وراسى وصباح الفل عليكم

و عايز تفسير لكلامك ده برضوا
اذا سمحت لى

[walidtony]

السلام عليكم جميعا وتحية من عند الله مباركة على كل الناس الاوبلاوية المحترمين ... انا بتابع المنتدى هنا من فترة لكن من غير مشاركة وبصراحة استفدت كتير من خبراء الاوبل هنا ومن المعلومات الجميلة اللى عن العربية وقطع الغيار واماكن بيعها والصنايعية الشاطرين وكمان التعبانين .. انا معايا فيكترا 1999 كاملة اوتوماتيك 2000 cc واخترتها بعد صراع مع موديلات كتير واستشارات ومعايا تقريبا بقالها سنتين .. وبصراحة شفت معاها كل اللى ممكن تتخيلوه ايام حلوة رفعت فيها راسى وايام صعبة بهدلتنى فيها بهدلة السنين ..
مش هطول على حضراتكم لكن الموضوع ده فعلا شدنى وقلت هيبقى بداية مشاركاتى فى المنتدى المحترم ده فى الموضوع ده بالذات ..
بصراحة من عشرتى مع الاوبل ومع كل اللى قريته وعرفته هنا او من بره اقدر اقول ان كلام حضراتكم كلكم صح بلا استثناء سواء اللى شكر فى الاوبل او اللى ذم فيها وهى فعلا ممكن تبقى عربية حلوة ومفيش زيها وتريح صاحبها .. وكمان ممكن تبقى عربية زفت وتطلع عين اللى جابوا صاحبها .. ومن الاخر الاوبل اكتشفت ان من الاخر هى فيها حاجتين حاجة متعلقة بالعربية نفسها وحاجة متعلقة باستعمالها .. بالنسبة للعربية نفسها فالاوبل زى البطيخة يااما هتطلع بطيخة محترمة ياما هتطلع قرعة وكلها بذر يعنى الاول هو نصيبك فى العربية اللى هتقع فيها لان فعلا فى عربيات مفيهاش اعطال خالص وفى عربيات تانية بتعطل بدون اى سبب يعنى بالبلدى متعفرته ....... زى عربيتى بالظبط ...... تانى حاجة بقى استعمالك انت يا برنس هو اللى بيخلى البطيخة دى يا تطلع احلى بزيادة يا اما تطلع اصلا مش بطيخة وتبقى بعيد عنك قرع هههههه...

هى عربية محترمة ان لم تكن من افضل العربيات فى العالم فعلا زى ما الناس اللى شكرت فيها قالت .. لكن كمان فيها مشاكل وسوء الاستخدام هو بقى اللى يعقد المشاكل دى او يخليك متحسش بيها او تبقى عادى وكلكم صح فعلا وعلى عينى وراسى وصباح الفل عليكم

و عايز تفسير لكلامك ده برضوا
اذا سمحت لى

والله يا باشا انا بردو حسيت أنوا إعلاني. وواضح جداً من تاريخ انضمامه للمنتدى و كل حاجه. انت أخدت الكلام من على لساني وانا اتعملت مع صابر بتاع رابعه و مش عايز أجرح في حد مش موجود. عموما الله ينور على المجهود الرائع طناني باشا

[Amrgamal1]

يابن اللزينه يا طناني
قفشته
امسح
صابر ايه بس مانت عارف ناس كتير اشتكت منه

[Amrgamal1]

وبعدين بيقولك اسعارده حلوة
بأمارة اويل سيل الكرنك الخلفي اللي عايز فيه 400 جنيه مصناعيه فك بس

لو سمحت حد يقولى ميكانيكى ضرورى اعمل عنده الاولسيه الكرنك الخلفى عشان الميكانيكى الى برحله كل شويه يدينى

ميعاد ويهرب شكله خايف يعمله مش عارف

بس يكون حد مش غالى اوى زى صابر بيه الى بيقولى الفك بس 400 ده بيهزر

انا ساكن فى مدينة السلام يعنى قريب قوى من الحرفين لو حد جرب حد كويس يقولى يكون فى الحرفين او ابعد مش مشكله

[elmtr mohamed]

سلام الله عليكم

يا اخوانى ليه بس كل الكلام الغريب ده وليه مرة واحدة حسستونى انى حرامى غسيل دخل عليكم فجأة هههههههه وايه التصيد الغريب والتاويل العجيب للكلام ده انا بقيت مش عارف ارد على مين والا مين حضراتكم عمالين تغنوا وتردوا على بعض والا الاخ اللى بيقولك قفشته وكانك مسكت نشال .. والله عيب يا جماعة ده انا متابع المنتدى من زمان وبكلم كل الناس الاوبلاوية عشان يستفيدوا منه زى انا ما استفدت ..
عندنا فى المحاكم مثل عارفينه المتهم برئ حتى تثبت ادانته لكن انا مش هزعل منكم لان صعب جدا ازعل من ناس كل يوم وكل شوية بستفيد منها لكن اسمحولى ادافع عن نفسى اذا سمحتوا لاخوكم وانا هرد على كل حاجة بس لازم تسمعونى بحس نية وبدون تربص لان والله العظيم كل اللى هقوله هو الحقيقة وامام ربنا اللى شاهد علينا .. يتبع

[elmtr mohamed]

اولا وبمنتهى البساطة والله شاهد على ما اقول انا لا بعمل اعلان ولا حاجة ووالله الذى لا اله غيره لا صابر يعرف انى بكتب حاجة ولا ليه علاقة بالموضوع من اصله وكل اللى فى الموضوع واللى انا قلته فى مشاركتى الاولانية ان عربيتى فعلا معفرته وبمعنى الكلمة معفرتة بدون اى مبالغة ويكفى ان رحت بيها التوكيل اللى فى مدينة نصر الجديد ده واقسم بالله المهندسين كانوا هيتجننوا منها لدرجة ان المهندس اللى كان شغال فيها سابنى ومشى وقال انا فعلا تعبت مع العربية دى مع انهم عملوا فيها البدع عشان كان عندى تسريب مية مش معروف مصدره مع ان كبس الماتور والمية كانوا تمام .. وفى اليوم ده انا رحت التوكيل ده لانه كان عامل كشف مجانى فقلت استفيد بيه .. يتبع

[tananybasha]

انا مش باتكلم على صابر
انا باتكلم على الموضوع نفسه
و مليش دعوه بشغل صابر
ربنا يكرم الناس كلها

[tananybasha]

سلام الله عليكم

يا اخوانى ليه بس كل الكلام الغريب ده وليه مرة واحدة حسستونى انى حرامى غسيل دخل عليكم فجأة هههههههه وايه التصيد الغريب والتاويل العجيب للكلام ده انا بقيت مش عارف ارد على مين والا مين حضراتكم عمالين تغنوا وتردوا على بعض والا الاخ اللى بيقولك قفشته وكانك مسكت نشال .. والله عيب يا جماعة ده انا متابع المنتدى من زمان وبكلم كل الناس الاوبلاوية عشان يستفيدوا منه زى انا ما استفدت ..
عندنا فى المحاكم مثل عارفينه المتهم برئ حتى تثبت ادانته لكن انا مش هزعل منكم لان صعب جدا ازعل من ناس كل يوم وكل شوية بستفيد منها لكن اسمحولى ادافع عن نفسى اذا سمحتوا لاخوكم وانا هرد على كل حاجة بس لازم تسمعونى بحس نية وبدون تربص لان والله العظيم كل اللى هقوله هو الحقيقة وامام ربنا اللى شاهد علينا .. يتبع

اولاً عيب انك تقول كده
انا لا اتصيد اخطاء و لكن اذكر مواقف
لا اكثر و لا اقل

[tananybasha]

اولا وبمنتهى البساطة والله شاهد على ما اقول انا لا بعمل اعلان ولا حاجة ووالله الذى لا اله غيره لا صابر يعرف انى بكتب حاجة ولا ليه علاقة بالموضوع من اصله وكل اللى فى الموضوع واللى انا قلته فى مشاركتى الاولانية ان عربيتى فعلا معفرته وبمعنى الكلمة معفرتة بدون اى مبالغة ويكفى ان رحت بيها التوكيل اللى فى مدينة نصر الجديد ده واقسم بالله المهندسين كانوا هيتجننوا منها لدرجة ان المهندس اللى كان شغال فيها سابنى ومشى وقال انا فعلا تعبت مع العربية دى مع انهم عملوا فيها البدع عشان كان عندى تسريب مية مش معروف مصدره مع ان كبس الماتور والمية كانوا تمام .. وفى اليوم ده انا رحت التوكيل ده لانه كان عامل كشف مجانى فقلت استفيد بيه .. يتبع

بس يا متر محمد
انت محامى
و انا محاسب
انت شغلتك القانون
و انا شغلتى الأرقام
انما بنتكلم فى العربيات
الموضوع ليس دفاعاً عن احد
او ذم فى احد
و يشهد الله ان ناس كتير شكرت فى صابر و هو كويس
و لكن حتى اللى لام عليه فى شغل
لام على اللى عنده مش عليه
لام على زحمة الشغل
و عطلة الوقت
ربنا يزيده من نعيم الله
و ربنا يكرم الناس كلها