المساعده المساعده استرا 2008

[Ahmed.Salama]

بسم الله الرحمن الرحيم
انا معايا اوبل استرا 2008 المشكله بدات من حوالي اسبوعين و انا ماشى عادى جدا على الطريق العربيه زى الفل و لكن اول ما الطريق وقف العربيه بطلت المشكله دى حصلت ٣ مرات لحد دلوقتي و حاجه تانيه ان الا ار بى ام مش ثابت يعنى بيعلى و ينزل على الرغم مثلا من انى ممكن اكون ماشى على الغيار A1 و حاجه كمان اني لو مشيت بعد مكون واقف يعنى علي ال A1 العربيه بتمشى زى السحلفه و مش بتنقل علي ال A2 اللي بعد فتره حتي لو دست بنزين علي الاخر
سالت حد ميكانيكى اثق فيه قالي انه الايديل عايز يتنضف .... روحت لمكانيكى تانى. قالي لا البوابه هي المشكله و الاسترا مفيهاش ايدل لوحده .. و انت لازم تغير البوابه كلها و ان البوابه فيها tbs و ايدل مع بعض مينفعش نفصلهم ( انا لسه مغير ديسك و اسطوانه قريب)

ايه الحل يا رجاله و اعمل ايه

[abdelaziz-waleed]

الحساس بس بيتفك ويتنضف يا باش مهندس
وده المفروض بيتعمل في الصيانة الدورية
حاول ما تتسرعشي في التغيير لأن الاصلي بيبقى صعب تعويضه

[Ahmed.Salama]

شكرا يا باشا بس معنى كلامك ان المشكله بس فى الايدل مش البوابه ولا ايه المشكله

[احمد فهمى]

عربيتك عامله كام الف؟؟؟ دى اعراض اسطوانه وديسك

[haissam24h]

الراجل بيقول لسه مغير الديسك من قريب

ممكن تفك الايدل والبوابه وتتنظف باى منظف ذى دبيو 4
او اى شى اخر ولو عملت كده تانى
يبقى الافضل تفحصها كمبيوتر وياريت مش تخالى اى شخص يلعب فيها لان الالمانى معقد شويه على الفتاين من فئه الميكانكيه عشان مش يخلوك تكره العربيه وممكن تعمل كشف فى التوكيل وتعرف العيب فين وتصلحه برة

[Ahmed.Salama]

طب حد يعرف ميكانيكي كويس في المعادي ولا اروح للعوض جروب ... انا سمعت ان العوض جروب كمركز صيانه مش إد كده

[احمد فهمى]

طب حد يعرف ميكانيكي كويس في المعادي ولا اروح للعوض جروب ... انا سمعت ان العوض جروب كمركز صيانه مش إد كده

عندك محمد عبد الراضى عند صقر قريش قبل دخلة المعادى الشارع اللى قبل بنزينة شل ده محترف وعندو جهاز التيك 2 بتاع الاوبل ومينفعش تروح غير لميكانيكى اوبل ومعلش مخدش بالى انك لسه مغير اسطوانه وديسك