سقف الصالون للفكترا

[ehabahmed0]

السلام عليكم
انا معايا فكترا ٩٧ السقف بتاعها ساقط زي معظم الاوبل وكنت عاوز اشده من جديد انا شفت الموضوع اللي عامله فادي بس مش هاعرف انفذه
حد يقولي لو جبت سقف استيراد هايبقي منين وبكام ولو حبيت اشده سقف جديد عند سروجي يا ريت حد يرشحلي صنايعي كويس وهاياخد كام
انا من الشرقيه

[Amrgamal1]

مين اللي قال ان معظم الأوبل السقف بتاعة ساقط ؟

[وائل البرنس]

السلام عليكم
انا معايا فكترا ٩٧ السقف بتاعها ساقط زي معظم الاوبل وكنت عاوز اشده من جديد انا شفت الموضوع اللي عامله فادي بس مش هاعرف انفذه
حد يقولي لو جبت سقف استيراد هايبقي منين وبكام ولو حبيت اشده سقف جديد عند سروجي يا ريت حد يرشحلي صنايعي كويس وهاياخد كام
انا من الشرقيه

سعر السقف الاستيراد من400 ل500 جنيه وممكن تجيبه من الحرفيين ،اما بالنسبه لطريقة شد السقف فهي سهله جدا ممكن اي سروجي كويس يشدلك السقف وهيكلفك من 200 ل300 جنيه علي حسب خامة ونوع القطيفه ،وانا تحت امرك في اي استفسار.

[rabeden]

لو الكارتون نفسه سقط ملهاش حل يا معلم ولازم استيراد

[M.Osama]

الكرتون اللي سقط ولا الفرشه نفسها ؟؟

[sherif moneer]

عندي نفس المشكله بس المشكله ف الكارتون مش ف الاستوفه
ف شديت السقف ب استوفه جديده ولزق الكرتونه ف السقف الصاج ب سيلكون

[احمد فهمى]

لو الكرتون ساقط انسى يبقى سقف استيراد لو الطبقه الخفيفه اي سروجى يعملهالك لو مش هتعرف

[ehabahmed0]

الكرتون اللي سقط ولا الفرشه نفسها ؟؟

اشكركم يا اخواني ع افاداتك
هو الكرتون سقط بس وعرفت ده من الجزء الامامي من السقف عند الشماسات ونور الصالون لان التحديده اللي بتبقي عند الشماسات مش ظاهره خالص بل بالعكس ساقطه وبحط ايدي بينها وبين صاج السقف
مفيهاش غير اني جيب استيراد وهل اخر اسعاره ٤٠٠ ال ٥٠٠؟؟
ولو جبته استيراد ممكن اي سروجي يركبه؟

[M.Osama]

اه عادي اي سروجي ممكن يركبهولك