انا محتااااار بعد الاسترا

[Ahmad Aboul Fotouh]

يا جماعه انا بعت العربيه الاسترا و الان انا في قمة الحيره اشتري ايه زيرو
بصراحه انا عاوز عربيه قويه و ثابته علي الطريق .كل لما اركب اي عربيه تانيه بعد الاسترا احس اني سايق عجله حتي السيفك. مفيش غير السوبارو هيه اللي اديتني الاحساس بالتقل والثبات بس للاسف قطع غيارها غير موجوده الا في التوكيل
بس لسه مجربتش الكرولا والالنترا

[Ahmad Allawy]

انا حاسس بيك والله..
بس السيفيك.. كمان..؟؟
مكنتش متوقع انها ممكن متبقاش في مستوي الاوبل.. حتي لو كانت فئة اعلي شوية..
الالانترا اكيد مش هتبقي في نفس المستوي.. عشان السيفيك اعلي منها..
شوف الكرولا .. يمكن تعجبك.. بس مش متوقع كده..
عموما اركب و جرب.. و استخير..
و ربنا يوفقك..
و ادينا بنفكر سوا..

[ENG\AHMED]

طالما وصلت للسيفيك والمازدا 3 مش عجبوك يبقى متتعبش نفسك وتلف لأن لا الالنترا ولا الكورولا هيعجبوك

انت حاطط رينج فلوس كام؟؟

[Ahmad Allawy]

انا نسيت صحيح موضوع المازدا 3 دي..
في ناس اصحابي كان معاهم استرا 2000
وبعدها جابوا مازدا 3 مبسوطين منها جدا..
جربها كده..
الله ينور عليك يا طيار.. :)

[Ahmad Aboul Fotouh]

بس سعرها و قطع غيارها غاليه .. ده غير ان ملهاش توكيل

[Ahmad Allawy]

فعلا.. مشكلة التوكيل دي وحشة..
المفروض انها مع غبور..
و التوكيلات التانية زي سونستا و غيرها مش ثقة بصراحة..
عندك حق ف النقطة دي..
جرب البيجوهات بقي و شوف هترتاح فيها ولا لأ..
و الرينوهات..برضه في نفس مستوي كفائة الالماني
بس الموضوع اذواق.. شوف هتعجبك ولا لأ..

[sshafie]

what is your budget?

[mohamed ibiza]

بقولك ايه روح علي الليون العربية تحفه و وزنها في حالة الجري 1205 كيلو و اشد من الاسترا

[Ahmad Allawy]

بس مانيوال يا حماده..
وده في نظري عيبها الوحيد..

[mohamed ibiza]

بس مانيوال يا حماده..
وده في نظري عيبها الوحيد..

الفتيس بتاعها close ratios يا حماده و و بيدي تسارع قوي و الصراحة متعة القيادة لا تتم الا بالفتيس المانوال و فتيس الليون مش اي فتيس:)

[شاهين - بنز]

فعلا أما ركبت الليون الفتيس بتاعها ولاحاجة تحس إنه تبترونك مش مانيوال عشان حوار الشورت شفت وصغيرون وجلد والدبرياش خفيييف جدا وقصير يعني في نظري الشخصي زي ماقال محمد إبيزا إن الليون جيرها العادي في حد ذاته ميزة

[Ahmad Allawy]

ماشي انا معاك تماما..
بس بصراحة و ده رأي شخصي..
لو هاجيب عربية فوق ال100 الف اصلا.. يبقي اوتوماتيك.. عشان هتقعد مع الواحد فترة مش قليلة..

وبعدين في عربيات الواحد ميحسش بيها ف الاوتوماتيك.. يعني حسب العربية..

[SAbuhashem]

ماشي انا معاك تماما..
بس بصراحة و ده رأي شخصي..
لو هاجيب عربية فوق ال100 الف اصلا.. يبقي اوتوماتيك
..

الأخ مصري صح ؟ :)

Thanks
Eng.Sherif Shaker

[Ahmad Allawy]

هاقولك حاجة يا شيري..
انت شايف الشوارع المصرية بقي حالها ايه..
و السواقة المصرية الزباله بقت عاملة ازاي..
يعني سواقة المانيوال بقت مقرفة جدا..
وكمان هاقولك حاجة..انا اخر مرة سوقت عربية اوتوماتيك من حوالي اسبوعين..
كنت قرفان منها جدا.. بس ملحقتش احكم القرف ده كان من العربية نفسها.. ولا من الفتيس الاوتو..
بالمناسبة .. العربية كانت ياريس..
مين عارف.. يمكن لو جربت عربية نضيفة مانيوال ممكن اقتنع بالعكس..
و اكون متحمس للمانيوال منها اكتر.. بس لحد دلوقتي.. انا مسوقتش عربية مانيوال في فئة السعر اعلي من 100 الف.. ولا حتي اللانسر ال1600..
كله كان اوتوماتيك..
واللي كنت مبسوط بيها شوية و حاسس انها بتستجيب شوية.. المازدا 3 و الاسترا..
ممكن لو جربتهم مانيوال اقتنع بيهم اكتر.. بس لسة محصلش..

[mohameduoser]

شوف استرا الجديدة