استفسار من رجالة اوبل بفكر فى استرا 2007 وانتا طالع شوية معلومات

[Kareem Fawzy]

السلام عليكم ورحمة الله وبركاته
رجاله اوبل
بعد التحيه

بفكر اشترى استرا 2007
العربية دى اخبارها اية
مشاكلها اية اللى ظهرت
قطع غيارها فى المعقول ولا مبالغ فيها مش موجودة ولا متوفرة فى التوكيل بس ولا عند اماكن تانية برا

شوفت واحدة فى كونتاكت
gtc كوبيه بانوراما ماشيه 16 كم رشه برا ولما سألت الراجل عن السبب قالى عاملة حادثة فى الجمب الشمال ومغيرة باب
مع انى مش مقتنع انها تبقى عاملة حادثة ترشها كلها

السؤال بقا ممكن العداد يتلعب فيه؟؟!!!
سمعت ان الموديل دة بالذات فيه مشاكل فى الكهربا
سمعت ان البرابريز الامامى ب 5000 جنيه حقيقى ولا اوشاعات



اسألتى كتير انا عارف بس مليش بركة الا انتم
اخوكم كريم فوزى
منسق هيونداى

[soteer10]

انا رحت و شفت العربيه دي علي الطبيعه

العربيه فعلا حالتها كويسه و شكلها فعلا عداد سليم
لكن الغريب ليه العربيه رشه كله
صاحبها بيقول عشان كان راكنها و معملهاش من اول ما عملت حادثه ده سابها 10 شهور


لكن لو عاجباك اكشف عليها مش هتخسر حاجه

[ashourashour]

العربيه فتيسها ايزي ترونك مش تورك كنفرتر عادي ... لازم تجرب تسوقها في الزحمه وتشوف هيعجبك ولا لأ

انا مش بقول حلو ولا وحش انا بقول انه اداءه مختلف عن الاوتو العادي اللي الناس متعوده عليه

[nagy wassef]

انا راي ابعد عن المرشوش و غنيلو.
في حد يتخبط في جنب يرش العربية كلها؟

[محمد بلال]

متابع برده ايه رايكم فى العربية بصفه عامه

[احمد فهمى]

اخى الفاضل الاسترا والفيكترا لا يوجد لهم مشاكل على الاطلاق عن تجربه وقطع الغيار والصيانات عاديه جداً زجاج الفيكترا الامامى من اول ٣٥٠ وانت طالع هى والاسترا والاسترا البانوراما دى تحفه اشتريها واستفيد بالسعر الواقع وهتفضل مميزه معاك ومش هتفكر تغيرها دى كانت ب١٧٥ الف زيرو

[Kareem Fawzy]

انا رحت و شفت العربيه دي علي الطبيعه

العربيه فعلا حالتها كويسه و شكلها فعلا عداد سليم
لكن الغريب ليه العربيه رشه كله
صاحبها بيقول عشان كان راكنها و معملهاش من اول ما عملت حادثه ده سابها 10 شهور


لكن لو عاجباك اكشف عليها مش هتخسر حاجه

حضرتك لما روحت كنت واخد معاك سمكرى او حد متخصص كشف على العربية
وبالنسبة لكلامه مقنع انا بصراحه مش مقتنع لان جمب واحد يتخبط ويتبهدل حتى يرش كله ليه
كابوت وشنطة وسقف والجمب التانية
كلامه مش مقنع علشان كدة بسأل حضرتك كان معاك سمكرى ولا لا

العربيه فتيسها ايزي ترونك مش تورك كنفرتر عادي ... لازم تجرب تسوقها في الزحمه وتشوف هيعجبك ولا لأ

انا مش بقول حلو ولا وحش انا بقول انه اداءه مختلف عن الاوتو العادي اللي الناس متعوده عليه

طيب ما دى صعبة جداً اكيد مش هاخدها منه مشوار علشان اجربها

انا راي ابعد عن المرشوش و غنيلو.
في حد يتخبط في جنب يرش العربية كلها؟

بالظبط كدة

اخى الفاضل الاسترا والفيكترا لا يوجد لهم مشاكل على الاطلاق عن تجربه وقطع الغيار والصيانات عاديه جداً زجاج الفيكترا الامامى من اول ٣٥٠ وانت طالع هى والاسترا والاسترا البانوراما دى تحفه اشتريها واستفيد بالسعر الواقع وهتفضل مميزه معاك ومش هتفكر تغيرها دى كانت ب١٧٥ الف زيرو

طيب احمد باشا ممكن نبذة سريعة عن قطع غيار العربية دى لو تعرفها او موضوع فيه الكلام دة
بخصوص الازجاج الامامى انا سمعت انه ب 5000 جنيه ومش موجود كمان
يعنى لو حد حدف عليا طوبة هتبقى مصيبة!!!!!

[Kareem.ElAraby]

خيانه خيانه خيانه

عاوز تخون الالنترا يا كريم !

ربنا يوفقك في حاجه نضيفه

[alnmr79]

جريش عنده كل الزجاج بتاعها متخفش كدة دى اسعارها ارخص من الهيونداى الجديدة.