استفسار عن اوبل استرا

[michaelsamir]

الاعضاء الكرام ، كل عام وحضراتكم بخير جميعاً ويكون عيد سعيد على الكل

انا عايز اسأل عن الاوبل استرا ، لما بشوف الاسعار على موقع كونتكت كار بتجنن الاقى استرا 2007 بسعر 50 الف وتحتة اعلان تاني نفس الموديل بسعر 85 الف ، والاقى استرا 2008 بسعر 60 الف وبعده اعلات نفس الموديل بسعر 100 الف ، وبلاقى موديل 2005 بسعر 40 الف انا مش عارف هو في اختلاف في نفس الموديل ولا في اختلاف في بلد المنشأ ولا الاختلاف في اية بالظبط ...

http://www........cars.com/usedcars_...ont_console=-1

[MaaM]

كل واحد بيعلن بالسعر اللي هو عايزه
وديه شوية تخمينات
اللي يقل عن الطبيعي جامد: يبقى العربية فيها شغل كتير او عاملة حادثة
اللي يقل عن الطبيعي بحاجات بسيطة: ممكن يكون مسافر او عايز فلوس ضروري وعايز ينجز
الطبيعي: ديه اللي تروح تتفرج عليها
فوق الطبيعي بحاجات بسيطة: واحد شايف ان عربيته تستاهل كدا ممكن تكون نضيفة او صارف عليها شوية ومش محتاجة مصاريف للي هايشتري
فوق الطبيعي بمراحل: واحد شايف ان عربيته نادرة في حالتها او مايعرفش سعر السوق او او او

والاحسن من كدا انك تنزل سوق الجمعة مرة واتنين وتلاتة ويكون معاك واحد صاحبك فاهم شوية في المواضيع ديه وبعد كدا لما ترسى على حاجة خد رقم تليفون صاحب العربية وحدد معاه ميعاد مثلا وروح انت وميكانيكي شاطر او سمكري شاطر

بس نصيحة بلاش الاستعجال ، لاحسن تندم جامد بعد كدا

[michaelsamir]

اشكرك جدا على الاهتمام
حضرتك معاك حق لكن الفرق بين السعر مخليني متلخبط يعنى الفرق كبير بين 50 الف و 85 الف لنفس الموديل ومن 60 الف الى 100 الف لكن السؤال هو في اصدارات مختلفة من نفس الموديل يعني مثلا gls , glx ولا لا

وبعد اذنك لو توضحلى حضرتك معاك اي موديل وعاملة معاك اية وخصوصاً الفتيس الاوتو

وشكرا جزيلا

[MaaM]

لا ياريس انا اوتو عادي مش ايزي ترونيك
عربيتي استرا 2003 البرازيلي

الفرق في الأغلب بيبقى في الكماليات لكن ايه بالظبط مش عارف الصراحة ممكن يفيدوك الناس اللي جربوها اكتر مني
وده موضوع لعضو في المنتدى كان بيشرح الفرق في الكماليات بين موديل 2007 و 2008 والطبعا كان الفرق لصالح 2007

http://www.nilemotors.net/Nile/16771-2007-2008-a.html

[soteer10]

دي ناس كدابه

كل الاسعار دي اشتغالات
انا بحاول اكلمهم مبيردوش اساسا