صوت جعرة مع لف الدركسيوم يمين ودوسة بنزين

[MaaM]

السلام عليكم وكل سنة وانتم طيبين
النهاردة اخدت مشوار للعربية صغير وأول ما دورت سمعت صوت غريبة في المارش زي ( تاك) وبعد كدا يعمل الحركة بتاعته عادي ولاقيت ان فيه رجة في العربية لما بتكون على الـ r
المهم صوت التاك ديه راح من بعد اول مشوار لكن لسا مازالت الرجة موجودة على الـ r
روحت غسلت العربية في البنزين نفخ وشفط وغسيل واول ما طلعت بعدها بـ حوالي 3 كيلوا وانا بهدي على مطب وبالف الدركسيون سمعت صوت جعرة
ركنت العربية وبصيت على مقاس زيت الماتور والفتيس ودورة التبريد ، كلهم كويسين
ركبت ودوست بنزين على الـ n ، مافيش صوت جعرة
جبت على الـ r ، رجة ومافيش جعرة
جبت على الـ d مافيش جعرة
دوست سنة بنزين وفضلت دايس سمعت صوت الجعرة وبيروح أول ما ادوس شوية كمان
الف الطارة يمين وادوس بنزين تظهر صوت الجعرة اوي
الف الطارة شمال وادوس بنزين تظهر صوت الجعرة بس اخف من الأولى

معلش لو حد عنده اقتراح كدا على السريع عشان الميكانيكيا كلهم اجازة زي مانتوا عارفين

اخر كنت عملتها من يومين بالظبط هو تغيير زيت الفتيس

[SYD]

كل سنة وحضرتك طيب

اعتقد والله اعلم صوت الجعرة دة ناتج عن طرمبة الباور لو الباور عند حضرتك هيدروليك
اما لو كهرباء فيبقي مش منه ؟؟

بس انا اعتقد لو حضرتك 2003 فحاجة من اتنين
اما الباور هيدروليك بالكامل
او هيدروليك مع كهرباء

علي العموم في كل الأحوال اكشف علي خراطيم ولواكير علبة الدريكسيون
اكشف علي زيت الباور
خد هواء من دورة الباور
اكشف علي اي عصر في اي ماسورة من مواسير علبة الدريكسيون الخاصة بتغذية طرمبة الباور

وان شاء الله تطلع هوا في الدورة او حاجة بسيطة

والله المستعان
،
،

[احمد فهمى]

كما وضح ابو السيد ده عيب نقص زيت بور راجع مستوى الزيت وشوف لو فى تسريب تحت العربيه

[MaaM]

لا هو الحمد لله مافيش تسريب زيت تحت العربية غير فقط زيت الماتور والتسريت من الطبة نفسها
هو صوت الجعرة مش موجود دلوقتي
بالنسبة لموضوع الصوت الغريب في المارش رجع تاني وكل اما ابطل وادور اسمعه
والرجة مازالت موجودة وملفتة جدا في الـ r
الله يباركم فيكم يارجالة ـ عارف انه عيد بس معلش بقى
المشكلة ان الميكانيكيا كلهم قافلين وانا معلوماتي على قدي الاخر
بس في ظل الوقت ده اقدر امشي بيها ولا هايبقى فيه قلق ، أصلي ورايا مشوار مهم النهاردة

اه نسيت اقولك على حاجة ، ان صوت الجعرة ده جيه بعد الغسلة وبالتحديد اول لما شغلت التكييف ، مافيش دقيقتين وبهدي على المطب وبلف يمين سمعت الصوت ده

[MaaM]

انا قريت شوية في المنتدى عن نفس المشكلة اللي بتقابلني وكانت أغلب الإجابات أو الاقتراحات انها ياما قواعد ماتور ياما القنطرة
وعلى فكرة الجعرة اللي بقصدها ديه زي اكنها حاجات بتضرب في بعض بس هي ماشتغلتش النهاردة تاني يمكن عشان ماشغلتش التكييف

[MaaM]

واحد جاري جرب العربية وبص عليها وقالي دي قواعد ماتور وفتيس ، إن شاء الله هابقى اروح اكشف عليها بعد العيد واشوف هاترسى على ايه

[MaaM]

بالمناسبة يارجالة ، قريت كذا مشاركة ولاقيت ان اغلب الاراء بتقول ان القواعد استيراد أفضل من الجديد
هل ده معناه ان حتى لو لاقيت جي إم أو مايلي باردوا بلاش منه ؟!
هي الصراحة هاتبقى مصلحة اني اوفر مبلغ محترم ، بس خايف باردوا مايكملش معايا فترة وترجع ريمة لعادتها القديمة

[احمد فهمى]

بالمناسبة يارجالة ، قريت كذا مشاركة ولاقيت ان اغلب الاراء بتقول ان القواعد استيراد أفضل من الجديد
هل ده معناه ان حتى لو لاقيت جي إم أو مايلي باردوا بلاش منه ؟!
هي الصراحة هاتبقى مصلحة اني اوفر مبلغ محترم ، بس خايف باردوا مايكملش معايا فترة وترجع ريمة لعادتها القديمة

هو جى ام غاليه جداً لو اصليه والمضروب منها كتير هى والمايلى شوف استيراد بس وريها للميكانيكى قبل التركيب اشترى من واحد بتاع استيراد محترم

[Mohamed Hafiz]

انشاء الله خير

[MaaM]

بعد معاناة. في الاربع ايام اللي فاته وراكن العربية وخايف المسها وسؤال هنا وهناك عن اسعار القواعد ومن 1300 لغاية 700 جنيه

الموضوع والحمد لله اتحل ب جنيه ونص ! كاوتشتين طعمية :)

الصنايعي لما ربط المصفحة بعد اما فضى زيت الفتيس كان المفروض يربطها بطريقة معينة تتناسب مع اللوحة الصغيرة اللي فيها
الاسطى بتاعه عدل الربطة سنة صغيرة فالصوت بتاع الزنة هدي شوية فراح قالي هات 2 كاوتش طعمية , وركبهم وجربت العربية قرص وفرامل ولا فيه الهوا

طبعا ربنا يجازيكم خير على تعاونكم معايا رغم العيد

Sent from my HTC