صوت من الكامة

[alnmr79]

السلام عليكم ورحمة الله وبركاته
كنت اشتكيت من صوت زى خبطة جاية من فوق تحت غطاء التاكيهات بس خف شوية بعد ماغيرت الزيت بس الصوت متقطع مش مستمر المهم فضلت ماشى مع الصوت بسمع بمفك طويل لاقيته جاى اكتر من ناحية كرسى الكامة ناحية السير (اعتقد اسمه بيت الكامة)ولما فتحت غطا الزيت علشان فى نفس المنطقة الصوت ظهر قوى من البلية اللى ماسكة الكامة...
حد اشتغل فى النحية دى قبل كدة لانى مفتحتش الماتور قبل كدة........ويقولى ايه اللى بيتغير؟؟

[zendo]

خاللى بالك كانت عندى نفس المشكلة وطنشت وفى الاخر الكامة اتكسرت ابقى الحقها
تحس لما تحط ايدك على الغطا ان فيه حاجة بتخبط فيه ناس قالت لى كشتبانات بس فى الاخر حصل مالا يحمد عقباة

[Driver101]

السلام عليكم ورحمة الله وبركاته
كنت اشتكيت من صوت زى خبطة جاية من فوق تحت غطاء التاكيهات بس خف شوية بعد ماغيرت الزيت بس الصوت متقطع مش مستمر المهم فضلت ماشى مع الصوت بسمع بمفك طويل لاقيته جاى اكتر من ناحية كرسى الكامة ناحية السير (اعتقد اسمه بيت الكامة)ولما فتحت غطا الزيت علشان فى نفس المنطقة الصوت ظهر قوى من البلية اللى ماسكة الكامة...
حد اشتغل فى النحية دى قبل كدة لانى مفتحتش الماتور قبل كدة........ويقولى ايه اللى بيتغير؟؟

لو معاك عدة فك المسامير اللي ماسكة الوش (الجزء اللي فيه فتحة التزويد بالزيت) وممكن تراجع موضوع تغيير جوان وش التاكيهات اللي كان عامله فادي hellboy. أهم حاجة سواء كنت هاتفك بنفسك أو الميكانيكي اللي هيفك وكان الوش عندك ألومنيوم إن تكون العربية باردة علشان لو فكيت والوش سخن، الألومنيوم ده هيفقع بسبب تغير درجة الحرارة وهيجيب منك زيت. بعد ما تفك الوش هتقدر تعرف أكيد إذا كان في حاجة في الكامة متأكلة ولا لا. ويستحسن إن يكون معاك جوان احتياطي وأنت بتفك علشان لو لاقيت الجوان مقطوع أو محتاج يتغير. فحاول تأجل الموضوع ده لحد ما بتوع قطع الغيار يرجعوا من أجازة العيد.

[Driver101]

خاللى بالك كانت عندى نفس المشكلة وطنشت وفى الاخر الكامة اتكسرت ابقى الحقها
تحس لما تحط ايدك على الغطا ان فيه حاجة بتخبط فيه ناس قالت لى كشتبانات بس فى الاخر حصل مالا يحمد عقباة

بعد إذنك إيه اللي حصل بعد ما الكامة اتكسرت؟ كان له تبعات على بقية أجزاء الماتور؟ ويا ترى مشيت بيها لفترة طويلة (تقريب اد ايه) ولا الموضوع حصل بسرعة؟

[zendo]

مشيت بيها بتاع 10 شهور وانا بسمع الصوت ده وكان صوت الموتور عالى وحاسس ان العربية مخنوقة والميكانيكى قالى ده ضغط زيت لحد ما الكامة اتكسرت من النص ودخت عقبال ما عرفت ان هى اتكسرت لان زى ما يكون موبينة فاصلة مشط اسبراتير بس طلع العيب من الكامة راجع موضوعى اللى انا حاطة وبالصور وشوف المنظر والكامة شكلها عامل ازاى وهتلاقيهم فى الصفحة التالتة

http://www.nilemotors.net/Nile/314217-a.html