ايه رايكو فى الكومهو الفيتنامى

[karkor30]

كل سنة وانتم طيبين وعيد سعيد على الجميع

سألت على الكومهو ملقيتش غير الفيتنامى عند كومهو اللى فى المعادى الفردة ب 400 ج وفيه حاجة اسمها ميكسينج ب 420 ج

وياريت لو حد موجود عنده حد فردة مقاس 15-65-195 وبيبيعها امشى بيها مؤقتا على ما اغير الاربعة ان شاء الله لان فيه فردة مش نافعة خالص وفيها قطع كبير

[shaddadfalcon1]

مركبه عندي في اللانوس من اكتر من سنتين وماشي بيه حوالي 40 الف حتي الان و 100 100 وكله سفر وعمره ماقال لا وملوش صوت وجميل في الفرامل جدا وكنت شاري الفرده ب 220 بس ده 13 للانوس

[houseiny]

ممتاز وكويس أوي كاوتش طري وحلو في الفرامل وأحسن من الكوري نفسه أنا مغيرتش كومهو من يوم ما جبت العربية ممتاز والفيتنامي كويس أوي بس الفردة ب360 بس مش 400 مش عارف بقى اقول على اسم المحل اللس بغير عنده ولا هتبقى دعاية ووقف عضوية وحركات والذي منه هو على العموم محل مشهور أوي في الدقي جنب جاد اللي في وش أسد أبن الفرات محل كبير اسمه ألإيمان وأسعاره حلوة أوي

[Yasser.Essam]

الصراحه الكومهو فرده محترمه جداً جداً وطريه وعمليه وبتاعة شغل

و ابرز موديلات الكومهو الفيتنامى

Kumho Ecksta Ku31

ملهاش حل <3

[hugan]

الفيتنامي افضل من ا لكوري
الكومهو والهانكوك الكوري عن تجربه شخصيه بيعملو بلالين

[Hesham.H]

انا عندى فى العربيه راكب بيريللى انجليزى سرعات ... بصراحه ما شاء الله عليه ... كاوتش مالوش حل

[lad]

عجلة كويسة جدا

[medomorgan]

المقاس 195/70/14
استفسار الكومهو الفيتنامى 370 احسن ولا ماكسيز تيلاندي400 ولابرجستون تيلاندي 440
ولامشلان اندونيسي480

[alnmr79]

سعر الميشلان والبريدجيستون ممتازين جدا توكل على الله لان عنرهم الافتراضى من50 لى 60 الف يعنى اكتر من الماركات التانيه ب20 الف كم

[a7mous]

انا مركبه عندى فى الانوس 14/185/60 وكنت جايب الفرده ب345 فرده كويسه وطريه والكورى كانت ب390

[ahmedeihab]

فرده ممتازه عن تجربه

^_^

[احمد فهمى]

شوف الهنكوك الكورى سعرو ٤٢٠ عند سمير بيومى فى الدقى شارع التحرير و الكمهو عندو برضو بس مش عارف ليه المقاس ده فى الكمهو فيتنامى وده مش عيب عمتاً كومهو شركه محترمه

[karkor30]

الف الف شكر للجميع

يبقى ان شاء الله كومهو فيتنامى وهاحاول اشوف الهنكوك برضه ان شاء الله يا ا.احمد لكن الميشلان ده هو وظروفه بقى على حسب الفلوس

[محيي الدين]

كل سنة وانتم طيبين وعيد سعيد على الجميع

سألت على الكومهو ملقيتش غير الفيتنامى عند كومهو اللى فى المعادى الفردة ب 400 ج وفيه حاجة اسمها ميكسينج ب 420 ج

وياريت لو حد موجود عنده حد فردة مقاس 15-65-195 وبيبيعها امشى بيها مؤقتا على ما اغير الاربعة ان شاء الله لان فيه فردة مش نافعة خالص وفيها قطع كبير

غالية جدا ، انا اشتريت ماكسيس كوري ب 375 بس

[hugan]

غالية جدا ، انا اشتريت ماكسيس كوري ب 375 بس

الماكسيس تايلندي
عمره ماكان كوري