ارجو المساعدة بخصوص استرا 2007 و2008

[mido140]

السلام عليكم ,
يا جماعة انا لسة جديد في المنتدي يا ريت تساعدوني :]

انا عاييز اشتري اوبل استرا هاتش باك 2007 او 2008 مين افضل و هل في فرق
حد يقولي ايه مميزاتها و عيوبها و رايكوا فيها ايه بصفة عامة و سعرها كام تقريبا لو الانجوي
افيدوني ارجوكم الفتيس بتاعها ايه اخبارة و الثبات و التسارع كويسين
شكرااا و اسف علي الاطالة

[احمد فهمى]

اولاً اهلاً بك مقدماً
بالنسبه للعربيه تعتبر ثفقه رابحه على سعرها مستعمله بس اهم حاجه الحاله وحالياً كل الناس بتدور على الاسترا والفيكترا بعد ما ابتدو يفهمو ان العربيه قطع غيارها فى المتناول وارخص من كل الجديد وعربيه المانى شاسيه وامان وراحه بلا حدود.... العربيه متور ١٦٠٠ ايكوتك ٢ كامه ١٦ صباب ١٠١ حصان وده من افضل ابمواتير فى الفئه دى من ناحية التحمل واستهلاك البنزين.....الفتيس هو تكنولوجيا اسمها ايزى ترونيك وده فتيس مانيوال زى اى عربيه مانيوال فى اسطوانه وديسك وبليه وهم نفسهم بتوع المانيوال من نفس العربيه الفرق ان في كنترول هو اللى بيدوس دبرياج وينقل طيب هتسألنى ليه مخلهوش نفس النظام العادى اوتو ؟؟؟؟ لأن ده نظام عالمى وموجود فى عربيات كتير اول شركه عملتو اولدزموبل فى البعينات بس كان كلو ميكانيكا ونصف مانيوال وفى دبرياج بس تجيب بي اولانى بس وبعد كده فيات استخدمتو فى عربيات رياضيه كتير والى الان البنتو والايفو والبرافا نفس التكنولوجيا اللى فى اوبل حالياً واوبل بتستخدم النظام ده من ٢٠٠٢ والى الان بره مصر ومميزاتو موفر فى البنزين وتسارع اعلى من الوتوماتيك العادى وصيانتو سهله لأنو مانيوال عادى وحتى الكنترول بتاعو صيانتو سهله والتسارع هايل على حجم العربيه والثبات مفيش كلام وسعرها السليم فى التمنينات واهم حاجه تكشف فى منصور على العربيه وتاخد برضو حد فاهم معاك والله المستعان

[mido140]

شكرا جدا يا احمد باشا
معلش هتقل عليك في سؤال كمان هل في مشاكل في نقل الفتيس نتش و كلام من ده , و هل ال 2007 افضل ام 2008

[mido140]

يا ريت لو حد معاه العربية يقولي تجربته معاها و ايه اخبار قطع غيارها؟؟ متبخلوش عليا :]

[احمد فهمى]

مفيش مشاكل لا نتش والا غيرو انا معايا فيكترا سي نفس المتور والفتيس وال٢٠٠٧ هى ال٢٠٠٨ مفيش فرق كل الموضوع ان العربيه او ساعه تركبها هتفهم طريقة الاستخدام وبعد كده تستخدمها وانت مغمض بس هيه مش اوتوماتيك هى نص اوتوماتيك مفيش دبرياج ولا نقلات بس بتخف رجلك سنه فى ميعاد النقله زى المانيوال ولو مخفتش هتنقل هي لوحدها عادى بس هتحس بالنقله وممكن تسوقها مانيوال تنقل بأيدك عادى زى الستيب ترونيك وده ممتع بصراحه العربيه دى اختراع ولو رجع الزمن هشتريها برضو

[HASSAN SERRY]

2007 أحلى طبعا
عشان فيه شوية حاجات اتشالت فى موديل 2008 زى
التكيف فى 2007 فيه أوتوماتيك و ده اتشال من 2008
2007 جنط 16 مميز جدا اما 2008 جنط 15 شكلها عره
الفوانيس بتاعت 2007 مختلفة انا بحب الفوانيس الامامية بتاعت 2007 بس بحب الخلفية بتاعت 2008 بس انتشار الفوانيس بتاعت 2007 اكتر و فيه منه تايوانى 2008 مفيش غير الأصلى و مش منتشر قوى
الفرش بتاع 2007 اللى هوه اللونين جامد قوى اما 2008 فرش عادى جدا
و اهم حاجة الفارمل اللى ورا فى 2007 سكاكين اما فى 2008 فقباقيب
معلش ده اللى انا فاكروا دلوقتى
اما بالنسبة لقطع الغيار فاملقتش مشكلة فى انى الاقيها
هوه بس انا بتعب بس لو بدور على شوية رفايع زى الطبة بتاعت الكاوتش اللى عليها علامة أوبل , شوية اكسسوارات فى العربية بس مش قطع غيار

[احمد فهمى]

2007 أحلى طبعا
عشان فيه شوية حاجات اتشالت فى موديل 2008 زى
التكيف فى 2007 فيه أوتوماتيك و ده اتشال من 2008
2007 جنط 16 مميز جدا اما 2008 جنط 15 شكلها عره
الفوانيس بتاعت 2007 مختلفة انا بحب الفوانيس الامامية بتاعت 2007 بس بحب الخلفية بتاعت 2008 بس انتشار الفوانيس بتاعت 2007 اكتر و فيه منه تايوانى 2008 مفيش غير الأصلى و مش منتشر قوى
الفرش بتاع 2007 اللى هوه اللونين جامد قوى اما 2008 فرش عادى جدا
و اهم حاجة الفارمل اللى ورا فى 2007 سكاكين اما فى 2008 فقباقيب
معلش ده اللى انا فاكروا دلوقتى
اما بالنسبة لقطع الغيار فاملقتش مشكلة فى انى الاقيها
هوه بس انا بتعب بس لو بدور على شوية رفايع زى الطبة بتاعت الكاوتش اللى عليها علامة أوبل , شوية اكسسوارات فى العربية بس مش قطع غيار

باشا انا بتكلم على متور وفتيس وهل فى عيوب ام لا بين الموديلين اللى حضرتك موضحو كماليات ودى مفيش خلاف عليها

[mido140]

شكرا يا احمد باشا علي اهتمامك و ردك
و شكرا ليك يا حسن بية ربنا يخليكوا يا رجالة ....
هو فيه سؤال اخير السعر لل 2008 الانجوي الاقي ناس عايزين 90 و ناس عايزين 70 فايه هو السعر المناسب ؟؟

[HASSAN SERRY]

باشا انا بتكلم على متور وفتيس وهل فى عيوب ام لا بين الموديلين اللى حضرتك موضحو كماليات ودى مفيش خلاف عليها

اه معلش يا أحمد انا مكنش قصدى انا لقيتك قلت خلاص على حكاية الموتور و الفتيس فقلت اقول بس ان 2007 احلى عشان الكماليات فيها زياده
انا معاك فى اى حاجة ان بتقلها

شكرا يا احمد باشا علي اهتمامك و ردك
و شكرا ليك يا حسن بية ربنا يخليكوا يا رجالة ....
هو فيه سؤال اخير السعر لل 2008 الانجوي الاقي ناس عايزين 90 و ناس عايزين 70 فايه هو السعر المناسب ؟؟

80 ألف و حسب الحالة

[احمد فهمى]

السليم كلو فوق ال٨٠ اللى تحت كده حوادث او حالات متنفعش تتركب عادى متستغربش ممكن تلاقى ب٦٠ بس تعملها كنبه فى البيت لأنها مش هتمشى

[mido140]

طب يا جماعة في اي مشاكل وجهتكوا في السنسور بتاع الباب او السنسورس عمتا ؟

[HASSAN SERRY]

لا انا محصليش الحمد لله اى مشكلة فى اى سنسور

[احمد فهمى]

سنسور باب ايه؟؟؟؟؟

[mido140]

فيه سنسور في ابد الباب بتمرر ايدك علبه فيقفل العربية astra enjoy only

[HASSAN SERRY]

اقصدوا على حكاية انك لما بتعدى ايدك على الأكره بتاعت العربية عشان تقفل