للاهمية مقبل على شراء اوبل كورسا2007 المساعدة

[ooooosooooo]

السلام عليكم....رجالة اوبل
باختصارياجماعة واتمنى منكم الرد وبلاش طناش يعنى الى عندة اى معلومة ما يبخلش على اخوكم بيها ...
انا قدامى عربية كورسا موديل 2007 سيدان فبريقة برة وجوة استخدام شركة وماشية 56 الف كيلو وصاحبها طالب فيها 60.000 الف جنية طبعا انا لسة ما شوفتش العربية بس دة واحد معرفة فى معرض وانا كنت موصية وكلمنى وبلغنى بالكلام دة فاطبعا مافيش غركم تدلونى اعمل اية واهم حاجة اكشف على السيارة ازاى واعرف منين موديل السنة بتاعت الصنع واية هيا اهم حاجات ابس عليها لما اروح اعينها عايز خبرتكم ياجماعة بالله عليكم انا حابب العربية قوى ونفسى ان شاء الله تكون من نصيبى ...فى انتظار ردكم على احر من الجمر

[mahamedaraby]

العربية الكورسا ممتازة سريعة على الطريق فراملها حلوة تكيفها ممتاز مبتسخنش نهائياً
تعرف موديل الصنع من الرخصة
العربية فيها اوبشن حلو اوى ومدلعة
عيبها فتى المصرين لكن هى كعربية بسيطة جدا فى الميكانيكا بتاعتها
عالية على الارض
ثابتها ضعيف شوية عايزة جنوط
سعرها اللى حضرتك كاتبه ده عالى شوية على العربية

[ooooosooooo]

العربية الكورسا ممتازة سريعة على الطريق فراملها حلوة تكيفها ممتاز مبتسخنش نهائياً
تعرف موديل الصنع من الرخصة
العربية فيها اوبشن حلو اوى ومدلعة
عيبها فتى المصرين لكن هى كعربية بسيطة جدا فى الميكانيكا بتاعتها
عالية على الارض
ثابتها ضعيف شوية عايزة جنوط
سعرها اللى حضرتك كاتبه ده عالى شوية على العربية

شكرا جدا لردك الجميل والبسيط ...وحضرتك شايف طيب تعمل كام عشان اتكلم فية ومعلش لو ربنا اكرمنى وجبت السيارة اغير الجنط بمقاس كام وشكرا جدا

[medo080]

سعرها حسب حالتها 45 ألف ل 55 ألف لو الحاله كويسه

الجنوط ممكن تجيبها مقاس 15 مقاس العربيه النيسان ... وممكن تعرضها شويه بس زبط العفشه قبلها ... هتلاقي ثباتها كويس

[mahamedaraby]

شكرا جدا لردك الجميل والبسيط ...وحضرتك شايف طيب تعمل كام عشان اتكلم فية ومعلش لو ربنا اكرمنى وجبت السيارة اغير الجنط بمقاس كام وشكرا جدا

بص هقولك حاجة انا حالياً برة مصر وكنت بفكر ابيع عربيتى هى نفس الحالة فابريكة برة وجوة كل حاجة فيها بتشتغل كل حاجة موديل 2007 عاملة 75 الف كيلو صيانة دورية انا لو هيبع هطلب 55 الف نهائى وهبيعها علشان انا ركنها مش اكتر والله لكن هى كعربية والله ممتازة كاعتمادية واوبشن فانا راى سعرها المناسب ليها اوى دى لو حالة شاذة يعنى مش هتزيد عن 55 الف بالنسبة للجنط هى مقاسها 185/60/14 انا راى انك ممكن تركبلها 195/60/15 او 195/55/16 تشيل معاك كويس بس الافضل والعربية تكون مرتاحة معاك الجنط ال15 .

[احمد فهمى]

السلام عليكم
اولاً مبروك مقدماً العربيه كعربيه مفيش كلمه عليها فىها متور الفيكترا بي ال١٦٠٠ مع الفرق ان الكورسا نظام الحقن فيها افضل لأنو رشاشات كامل الفيكترا كانت رشاش احادى وطبعاً النظام اللى فى الكورسا يوفر بنزين اكتر وسحب افضل وهى عربيه من العربيات الجيده جداً تكيف ممتاز شاسيه محترم عفشه قويه وصالون وشكل بخامات ممتازه المهم طبعاً الحاله وهو تلسعر طبعاً حسب الحاله يعنى ممكن ناس تقولك لو نضيفه جداً تعمل ٥٥ هتنزل تلف هتلاقى حالات تعبانه انضفهم ب٥٥ وهتلاقى واحد طالب ٥٧ مثلاً فى حاله نادره فعلاً اكيد هتشتري نفسك وتركب السليم وشوف عربية الزميل اللى هنا اكيد اضمن من السوق وصيانات وقطع غيار كلو متوفر وسعرو عادى وهى عربيه ملهاش مشاكل نهائي ويالنسبه للجنط والثبات لو هتمشى قانونى مش هتحتاج حاجه لو هتخالف سرعه انت الخسران بكل المقاييس واحنا معاك لو احتجت اى مساعده

[فادى محمد]

العربيه حلوه فعلا بس سعرها عالي حبتين
بس هقولك ايه ماهو سعر معرض لازم يكسب الفين تلاته

[ooooosooooo]

بصراحة ياجماعة مش عارف اقولكم اية والله انت ناس قمة الجدعنة وشكرا على كل المعلومات الجميلة دى وادعولى شكرا جدا ليكم

[nagy wassef]

انا بعتها سنة 2010 كانت موديل 2007 فابريكة بالكامل ماشية 36000 كيلو ب63000 و الصراحة ندمت اني بعتها لكن قعدت الف الف لحد ما جبت اوبل تانى

[ooooosooooo]

انا بعتها سنة 2010 كانت موديل 2007 فابريكة بالكامل ماشية 36000 كيلو ب63000 و الصراحة ندمت اني بعتها لكن قعدت الف الف لحد ما جبت اوبل تانى

عقبال يارب ما تجيب استرا سيدان 2013 الجديدة انا وانت اجمعين يارب
شكرا للمشاركة

[amrelsaqqa]

انا كمان عايز اجيب العربية دى بس خايف من شوية حاجات كدة
اولا الاعطال والصيانة وقطع الغيار
وكمان قريت هنا في المنتدى قبل كدة في موضوع كان عامله kar!m ان فيها مشكلة كسر عمود الكامة في الموتور ومشكلة انها بتاكل دسك واسطوانة بسرعة جدا !! ، وتمنهم جديد غالى

كمان عمرى ما سوقتها قبل كدة ومش عارف ايه اخبار الثبات والفرامل ومش متخيل ان التكييف بتاعها يبقى في كفاءة الكورى مثلا !

[mahamedaraby]

انا كمان عايز اجيب العربية دى بس خايف من شوية حاجات كدة
اولا الاعطال والصيانة وقطع الغيار
وكمان قريت هنا في المنتدى قبل كدة في موضوع كان عامله kar!m ان فيها مشكلة كسر عمود الكامة في الموتور ومشكلة انها بتاكل دسك واسطوانة بسرعة جدا !! ، وتمنهم جديد غالى

كمان عمرى ما سوقتها قبل كدة ومش عارف ايه اخبار الثبات والفرامل ومش متخيل ان التكييف بتاعها يبقى في كفاءة الكورى مثلا !

اولا مشكلة عمود الكامة هى بسبب نقص فى الزيت مش اكتر بمعنى انك لو مستوى الزيت عندك مظبوط عمره ما فيه حاجة هتحصل وهو كان عنده مشكله فى الزيت سبب ليه كسر فى عمود الكامة

مشكلة الاسطوانة والديسك دى مشكلة فعلاً فى العربية وغالباً بيتغروا كل 60 الف كيلو وتمنهم فى حدود ال2000 جنية ومع السواقة المظبوطة ممكن يقعدوا معاك اكتر
الثبات بالنسبة للفيرنا فا انت راكب هواند بالنسبة للثبات اللى يرضيك فهى مش ممتاز ولا سئ عايزة يبقى ممتاز يبقى لازم جنط وده مش عيب فيها ده لان العربية عالية على الارض ومهما كنت مركب فيها ناس او حاطط حاجات عمرها مع حكت معايا فى اى مطب ودى ميزة لناس وعيب لناس تانية

الفرامل ممتازة بجد بتكلبش فى الارض بسم الله ماشاء الله التكيف بتاعها بجد ممتاز بمعنى الكلمة وزى الكورى واليابانى استحالة تحس ان العربية دى تكيفها اوروبى

[amrelsaqqa]

اولا مشكلة عمود الكامة هى بسبب نقص فى الزيت مش اكتر بمعنى انك لو مستوى الزيت عندك مظبوط عمره ما فيه حاجة هتحصل وهو كان عنده مشكله فى الزيت سبب ليه كسر فى عمود الكامة

مشكلة الاسطوانة والديسك دى مشكلة فعلاً فى العربية وغالباً بيتغروا كل 60 الف كيلو وتمنهم فى حدود ال2000 جنية ومع السواقة المظبوطة ممكن يقعدوا معاك اكتر
الثبات بالنسبة للفيرنا فا انت راكب هواند بالنسبة للثبات اللى يرضيك فهى مش ممتاز ولا سئ عايزة يبقى ممتاز يبقى لازم جنط وده مش عيب فيها ده لان العربية عالية على الارض ومهما كنت مركب فيها ناس او حاطط حاجات عمرها مع حكت معايا فى اى مطب ودى ميزة لناس وعيب لناس تانية

الفرامل ممتازة بجد بتكلبش فى الارض بسم الله ماشاء الله التكيف بتاعها بجد ممتاز بمعنى الكلمة وزى الكورى واليابانى استحالة تحس ان العربية دى تكيفها اوروبى

متشكر جدا جدا
طيب بما انك معاك نيو اكسنت
ايه رأيك اجيب الاوبل دلوقتى ولا استنى شوية وازود واجيب نيو اكسنت 2008 مثلا !!

[amrelsaqqa]

انا عارف ان فيه فرق في السعر وممكن ما ينفعش اقارن دى ب دي بس انا عايز اعرف هل شراء كورسا دلوقتى يعتبر صفقة رابحة ولا الافضل استنى كام شهر وازود المبلغ شوية ؟

[nagy wassef]

لو حالة الاوبل جيدة و جربتها هتعرف اجابة السوءال ده