الحقووووووووووووووووووني يا نااس

[meko0o]

ركنت عربيتي امبارح بليل تحت البيت و كانت ماشيه معايا زي الفل قومت الصبح بدري علشان اروح الشغل نزلت ادور في العربيه مش عايزه تدور مافيش صوت خالص طالع من المار ش قولت يمكن البطاريه نامت مع اني لسه مغيرها من يومين شغلت الكاست لقيته شغال مش عارف اعمل ايه بجد انا بدات اتخنق من العربيه ممكن الي يعرف يقولي اعمل ايه

[meko0o]

شكيت في الفحمايه الي في المفتاح تكون وقعت لقيت المفتاح سليم و الفحمايه فيه

[cayman69300]

بص ياباشا
احتمال يكون شربون المارش
شوفلك زلطة حلوة و دخل ايدك و خبط على المارش كذا خبطة حلوة و جرب و شوف الاخبار اية

[meko0o]

انا خبط عليه بايدي بس مش جامد بس لما اروح حشوف مرزبه و احاول معاه

[ashourashour]

شكيت في الفحمايه الي في المفتاح تكون وقعت لقيت المفتاح سليم و الفحمايه فيه

الفحمايه ملهاش دعوه بالمرش ... لو مفيش فحمايه المرش هيدور عادي بس الموتور مش هيشتغل

[haissam24h]

حاول تدى العربيه الاولنى وتزوق سنه لقدام وتجرب تدور يمكن بس الترس عاوز يتحرك
ومش تقلق لو شاربون التغير والحجات ديه سهله

[S O P H O S]

تقريبا حاجة فالمارش
والله اعلـــم ..

[حماده المصري]

لو العربيه اوتوماتك اتاكد انها على ال p or n

[SASA3]

الشربونات بتاعت المارش بتيقا اتاكلت دى متقلقش منها بتتغير عند اى كهربائى الطقم ب40 تقريباا و هات مفك كده و خبط على المارش لحد ما يشتغل

متقلقش حصلت معايا

[احمد فهمى]

الفحمه لو واقعه العربيه هتدى مرش عادى بس مش هتدور ابعيب اللى عندك عيب مرش اكشف عليه عند كهربائي اوبل

[meko0o]

الحمد لله يا جماعه العربيه دارت و طلع عيب كتاوت غير الكتوات دارت علي طول

[meko0o]

اهو الواحد مش بيتعلم بالساهل
ممكن حد يعرف ميكانكي اوبل كويس اروحله يظبط العربيه انا من دسوق كفر الشيخ لو حد محتر في اسكندريه وامين لاني ابيض في كل حاجه و ربنا يخلي كل من ساهم

[tamertamer]

تأكد من الاتى لما تدى كونتك الطبلوة بينور حاجة لو بينورش يبقا وحدة الفيشة بتاعت الكونتك اتفحمت ودة نتيجة انك بتسيب المفتاح منور كتير غير كدة يبقا اظن الكهرباء بتاعت المرش مش وصلة

[meko0o]

تأكد من الاتى لما تدى كونتك الطبلوة بينور حاجة لو بينورش يبقا وحدة الفيشة بتاعت الكونتك اتفحمت ودة نتيجة انك بتسيب المفتاح منور كتير غير كدة يبقا اظن الكهرباء بتاعت المرش مش وصلة

الحمد لله طلع كتاوت

[MaaM]

بعيدا عن الموضوع.
تخيل كلمة كتاوت ديه المقصود بيها cut out!

Sent from my HTC