اوبلاوى جديد ومحتاس

[drramisalama]

السلام عليكم

احب اشكر كل اعضاء المنتدى على كم المعلومات الهائل اللى الواحد استفادة من هنا وكمان روح التعون بين اعضاءة

انا اشتريت فكيترا ايه 94 2000 اوتو طبعا الكل قلى اوبل ايه وبتاع ايه اللى رايح تجيبها بس انا بصراحة كنت ناوى كدة كدة على المانى جولف كورسا بولو المهم المانى

المهم جيبتها وبعد ما جربتها وفى البيت ركبو معايا وكمان زمايلى فى الشغل انبسطت منها جدا وحبتها اكتر

الفكرة بقى كلها انى من المنوفية وطبعا انسا قطع الغيار ولا الصنايعية انا معنديش مشكلة انى انزل القاهرة سواء لقطع الغيار او لمركز صيانة او صنايعى شاطر وكمان عارف ان قطع الغيار ممكن تكون غلية شوية ومش عند اى حد علشان كدة محتاج اعرف حد اروحلو علطول يجيب من الاخر يكون بيفهم كويس يقولى العربية فيها كذا وحتاجة كذا وهتتكلف كذا بدون اشتغالات لان شغلى مايسمحش انى اعد الف على الصنايعية واجرب فيهم سمعت هنا فى النتدى على صابر في رابعة ومحمد عبد الراضى فى صقر قريش ياترى ايه راى خبراء الاوبل ولو فى حد تانى تمام اناكدة كدة من خارج القاهرة فمش هتفرق معايا ياريت العنوان من على الدايرى وياريت كمان اسعار السرفيس سيور وفلاتر والتيل وكدة وايه اللى احتاج اعملة واغيرهواحاجات دى تتغير كل اد ايه علشان امشى بالعربية وانا مطمن

معلش لو تقلت عليكوا بس انا عشمان فيكوا خير وعارف ان الناس هنا فى المنتدى هتدلنى على الصح

وشكرا مقدما

[Mamoud salah H]

الشيخ هيثم في الحرفيين

[tamertamer]

تعددت الاسماء والصنيعى المصرى صاحب الرقم العالمى فى حجتين
التجربة وماشى بمثل علم فى المتبلم يصبح مكنيكى
ويكيفك شر التجارب
والثاني الارقام القياسية هو الفتى اى اى كلمة تسد خانة وتريح بال الزبون

[medosalah]

بص يا سيدي . انا كنت زيك بالضبط واشتريت فيكترا b من شهر تقريبا بس كانت مزاد وكان متاخد منها مراوح ومارش وردياتير وبطاريه وحاجات تانيه كتير و روحت لصابر اوبل الي ورا رابعه العدويه لقيت ما لا يقل عن 30 عربيه اوبل عنده و المهم قولته دي عربيتك وانا عايز اخدها علي المفتاح ما فيهاش غلطهو اي نعم انا دفعت كتير بس كسبت راحه بال بس لازم تزن عليه وكمان تعرفه انك من المنتدي هنا لانه عارف نايل موتورز كويس, انت بس قوله انك من نايل موتورز وقوله كمان فاكر العربيه اللوط اللي اتصلحت عندك وهو هيهتم وينجزلك شغلك

[sunsonson]

ربنا يعينك .................لو ربنا كرمك علي صنايعيه محترمين وبيفهمو في الاوبل اوعي تبعها ابدا

[drramisalama]

متشكر جدا يا جماعة وفانتظار اراء ياقى الاعضاء الكرام