كيفية فك مكان الكوبيات فى التبلوه ؟ وريحتها؟؟

[hamdy916]

انا معايا فكترا 98 مانيوال كنت عاوز اعرف افك ازاى مكان الكوبيات والكنزات الى فوق الولاعه وتحت التسجيل عشان عندى علق ومش رادى يدخل ؟؟؟؟

وسؤال تانى بالمرة انا ريحت عربيتى هتجننى من ساعت ما جبتها غسلتها كذا مرة وبردك ريحتها مش بتبقى

كويسه خالص ومش عارف من ايه الريحه ده ولو حد عنده حل ياريت يقولى ؟؟؟

[احمد فهمى]

المكان ده بيتفك بمفك من الجناب بس محتاج حد فكو قبل كده عشان متكسرش حاجه واغسل عربيتك كيماوى عند اى حد وبلاش تكتب بالاحمر لأن ده مخالف لقوانين المنتدى

[rabeden]

هى دية ريحة الفرش و ملهاش حل، عندى نفس المشكلة و الريحة كل لم حد يركب لازم يقولى حاجة على الريحه

[فادى محمد]

-هتفك المثلثين الصغيرين اللي حوالين علبه الطفايه ببوز المفك وتطلعهم هم عباره عن فرامات تحتها مسامير هتفكهم برده وبعدين الجزء بتاع الكوبايات هتشده لبره بس وانت بتشد هتقلبه للخلف من تحت علشان من فوق في حاجز سلك بيتعلق عليه ..الارخم من الفك هو التركيب لانك لازم تعلق الحاجز الاول وبعدين تزق من تحت ,بص كده ع الموضوع ده يمكن يفيدك

http://www.nilemotors.net/Nile/150353-b.html#post3872669019

-بالنسبه لريحه التابلوه ..
لازم تحدد الريحه نوعها ايه الاول بمعني ان مثلا لو ريحه (عطانه) يبقي في تسريب ميه لفرش الدواسات هندور ياتري من الصاج ولا الازاز ولا وصله التكييف السخن.... ولو الريحه (حاجه محروقه) يبقي اكيد في جزء من العزل مش سليم بيسرب روايح من الموتور .. لو ريحه حاجه عضويه (عفانه) ممكن تكون عرسه او فار ميت في حوض الموتور او فضلات قطه...

[tamertamer]

ذى ما قال فادى المربعات قالى جنب الطفاية هتشلهم هما كبس فى مسمارين تشلهم وتطلعة بس خالى بالك فى فيشة الولاعة ركبعا قبل مترجعة تانى وانت بتدخلة هتلقى حديدة من فوق لازم تعدى الوحدة من تحتية متستخدمش القوة خالصصصصصص

[hamdy916]

طيب والريحه اعمل ايه انا حاسس انها ريحه الفرش والريحه ده موجوده بردك فى الشنطة مفيش مكان

اروحه يفك الكراسى ويغسلها ويغسل العربيه بالشنطة معا العلم ان الكراسى مش جلد لو حد يعرف مكان

كويس يعمل كده يقولى ولو فيه معطر ياريت بردك

[sunsonson]

المعطرات منصحكش بيها بتروح بعد شويه ...........ممكن تسال اي عطار علي حاجه تشيل الروائح واتاكد زي ما فادي قالك انا حصلت معايا قبل كده ولاقيت عرسه في الشنطه دخلت ازاي معرفش لحد الان؟

[hamdy916]

طيب ايه الاماكن الى ممكن الاقى فيها فار او عرسه عشان انا افتكرت انا قبل كده كنت سايب العربيه عند المكانيكى
ورجعت لقيت الفرش متاكل من فوق عند الكنبة الى ورا وسالته قالى تلاقى حاجه كانت فيها وطلعت فيمكن يكون لسه مطلعتش لغايت دلوقتى فادور عليها فين بالضبط يعنى فين خبايا العربيه وازاى اشيل الكراسى والكنبه والشنطة