ارجو تقييم وتسعير عربيتي الفيكترا

[Mamoud salah H]

ياوحوش الاوبل انا عايز اعرف عربيتي دي تسوي كام دلوقتي ودي المواصفات
اوبل فيكترا بي ((استيرااااااد))مش مصري
موديل 1996
موتور ايكوتك فابريكة بتاع بلاده مش تسقيط
سعة المحرك 1600cc مانيوال
فابريكة دواخل-رش خارجي من شهر تقريبا
عداد 197000ميل وليس كم لانها نسخ اوروبي
فرامل abs
نظام مانع اسرقةimmoblizer
2ايرباج
طابلوه لون اسود
باور
مرايات كهرباء وضم مع السنتر
تكييف يعمل بكفاءة بدون اي مشاكل في الحرارة
فوج لايت امامي وخلفي
التحكم في ارتفاع وانخفاض كرسي السائق+4مستويات اخري لتعديل الكرسي
3احزمة امان في الكنبة الخلفية+3مخادع للرأس
حالة عامة للسيارة جيدة جدا

عايز اعرف بقي السعر العادل ليها كام بمايرضي الله

[walidtony]

من وجهه نظري الشخصيه. ٤٧ ٤٨ ٤٩

[Amrgamal1]

مش أقل من 50 مقفوله
- انا نزلت السوق مع واحد صاحبي عشان كان عايز يشتري نوبيرا 2
فـ بقيت كل ما اشوف فيكترا اقف ابص عليها كدا

- من الاخر كل العربيات اللي بتسمع فيها اربعينات دي بتبقي اوبل فيكترا تقفيل فلاحي
افتح الكبوت الاقي السلوك كلها ملحومه شيكرتون و خراطيم الردياتير متقفزة بـ كوليهات بلدي
الـ cover بتاع المرايه واخد مسامير شك !!!!!!
فتحات التكييف في التابلوة مكسورة
وحاجات كتييييير......... الله اعلم بقي لو سوقت العربيه تلاقي فيها ايه تاني :S
والمشكله انك تلاقي حد يقولك الفيكترا دلوقتي عامله اربعينات .. طيب انزل شوف حالتها ايه اللي ب اربعينات دي .. يبقي ليه التعميم بقي...
رايحه بينا علي فين يا فيكترا
.....
بس انت هتبيعها ليه ؟ عربيتك فيها اوبشن حلو وهي احسن عربيه بالسعر دا
لو بيعت لازم تكمل عليهم كتيير عشان تركب عربيه محترمة

[Mamoud salah H]

بصراحة داخل دماغي اوي بي ام 316 1993
e36

[MaaM]

ماظنش تقفل الخمسين بسبب العداد حوالي 317 الف كيلوا تقريبا
كلام الأخ walidtony منطقى نوعا ما ، ولولا انها مواصفات أوربي كانت ممكن توصل لـ 43 الف

[karkor30]

انا متفق مع كلام ا.عمرو جمال ان الناس لما بتقول هى سعرها فى السوق كده فى الاربعينات طب ما ينزل يشوف الاربعينات دى حالة العربية عاملة ايه انا كل ما اشوف عربية من دول اللى باربعينات اطمن ان عربيتى تساوى خمسينات والحمد لله وياريت صاحب العربية يطلب سعر اعلى شوية ويمسك فيه وميسمعش لكلام السوق وان شاء الله ربنا هيكرمك في بيعها

[alnmr79]

ماظنش تقفل الخمسين بسبب العداد حوالي 317 الف كيلوا تقريبا
كلام الأخ walidtony منطقى نوعا ما ، ولولا انها مواصفات أوربي كانت ممكن توصل لـ 43 الف

العربية حالة مش عداد. العداد بيتلعب فيه وبيتغير بواحد جديد استيراد بس بتاع الفبريكة يدل على اخلاق صاحبها.لانه سايبها وملعبش فى العداد.
لو العربية سليمة فعلا دواخل والماتور والفتيس سليم اقل سعر 47000 واعلى سعر 50000 الف.
اللى ب43000 دى اتلعب فيها لعب السنين.

[kar!m]

أنا برضه شايف 50 ألف سعر كويس.

[mifs]

بالحالة الموصوفة دي
50000 مستريح

[احمد فهمى]

بصراحة داخل دماغي اوي بي ام 316 1993
e36

عربيتك افضل ١٠٠٠ مره من ال٣١٦ القديمه العربيتين كانو معايا مفيش مقارنه اصلاً لا ثبات ولا صالون ولا اى حاجه

[alnmr79]

عربيتك افضل ١٠٠٠ مره من ال٣١٦ القديمه العربيتين كانو معايا مفيش مقارنه اصلاً لا ثبات ولا صالون ولا اى حاجه

واللهى انا كنت عايز اقول كدة من الاول بس مرضتش ااقفل الراجل من البى ام.

[Mamoud salah H]

ربنا يكرمكوا يا رجالة بس هو الموضوع اني عايز حاجة دفع خلفي في حدود 60 الف وكمان عجبني شكل الe36
ربنا يسهل بقي

[sunsonson]

السعر الافتراضي لعربيتك حاجه وخمسين
ولاكن السعر الفعلي ليها عشان احنا في مصر وكد وبتاع 48000 وياريت تجبهملك

[Diaby]

يا جدعان ايه الاسعار دي اومال لوكانت فابريكة برة وجوة وعدااد قليل مش 300 الف وشوية كانت بقت بكام 60 !!!! عربيتنا كانت 1600 مانيوال موديل 2002 فابريكة برة وجوة تانى يد وعداد 80 الف كنت جايبها قبل الثورة ب 63 بعتها من سنة ونص ب55 الف انتو مش واخدين بالكو من الموديل والعداد

[Mostafa.Mahran]

من 45 ل46 وده سعر البيع و الشرا