ياجماعة هى الاسترا الجديدة فيها جهاز ebd زى الاوكتافيا والتويوتا ولا مفيهاش

[hammad2010]

ياجماعة هى الاسترا الجديدة فيها جهاز ebd زى الاوكتافيا والتويوتا ولا مفيهاش وهل ده يعتبر عيب ومؤثر بالنسبة للعربيات اللى فى فئتها ، وهل ال abs يغنى عنه ولا لا

[Amrgamal1]

متهيقلي فيها esp & abs بـس

[Mostafa.Ismail]

البرشور بتاعها قايل abs و esp فقط ... مجبوش سيرة حاجة تانية.

[hammad2010]

بس غريب اوى ان مفيهاش ebd ده مهم جدا وفى عربيات كتير فى فئتها فيها الجهاز ده

[احمد فهمى]

نظام الesp والabs اكثر تقدماً يعنى الebd موجود مبيتكلموش فى لأنو موجود فى جميع العربيات الabs من اول سنة 2000 بس مبيتزكرش زي كده حزام الامان مبيتزكرش لأنو اصبح شيئ اساسى

[Eng_Moh.Dewair]

ال esp او ال esc او ال dsc هما مسمى لبرنامج واحد مهمته هى مراقبه مدى استجابه العربيه للسائق بمعنى ان البرنامج ده بيقارن بين زاويه عجله القياده و اتجاهها و بين اتجاه العربيه الفعلى . و لو حصل اختلاف بين القرائتين بيبتدى يدخل البرنامج عن طريق فرمله كل عجله على حده و لو لزم الامر تقليل عزم الموتور لحد ما ترجع العربيه تحت السيطره . اللى يهمنا بقى فى سؤالك ان البرنامج ده علشان يقدر يقوم بشغلته يبقى لازم العربيه فيها abs و ال asr او tcs اللى هما traction control و دول مع بعض اكتر تطور من ال ebd و مش هتحتاجه هنا . ده بالاضافه ان العربيه فيها 4 ايرباج و كمان نازله ب hba وده برنامج المساعده على صعود المنحدرات يعنى العربيه تعتبر نازله امان كامل . اللى بقى هيفرق مع العربيه دى خدمات ما بعد البيع هى اللى هتحدد اذا كانت هتنجح و لا هتنضم لقائمه العربيات المحترمه اللى ظلمها توكيلها فى مصر :(

[kiroo85]

يعني افهم من كده ان الفيكترا 2007 فيها esp & ebd ??

[moody_687]

فيها بس abs &ebd ومفهاش esp

[hammad2010]

الف شكر على مجهودك حضرتك وانا كده فهمت يعنى من الاخر الانظمة اللى فى العربية متكاملة وتغنى عن ال ebd جزاك الله كل خير