اوبل فيكترا 2008 هاى لاين صيانه توكيل ماشيه 90 الف تساوى كام ؟؟

[hossam_elwani]

اوبل فيكترا 2008 هاى لاين اليجانس صيانه توكيل ماشيه 90 الف تساوى كام ؟؟

وايه رأيكم فيها بشكل عام للموديل ده ؟؟ سلبياته وايجابياته

[Mhmd Ngdy]

متابع

[moody_687]

تعملها 100 الف ج
المساوىء ضعف الماتور ع حجم العربية بتولد 101 حصان ووزنها 1875 كيلو والعربية برة بتنزل 2200 سي سي
توكيلها كويس ف نظرى ف رخص المصنعية وقطع غيارها غالية بس قريبة للاسكودا وسعر اعادة البيع والايزى ترونيك بس لو بتسوق مانيوال اساسا هيكون الفتيس ده سهل معاك
مميزاتها عربية ثابتة واوبشن كتير وعربية وقار وخامات داخلية ممتازة بعكس الاسكودا واتقل من الاسكودا وكمان ف نقطة يفهمها اللي راكب العربية اللي هي ان الجكمان مش باين بعكس الاسكودا والجيتا عاملة زى المرسيدس الفياجرا الجكمان مش باين

[hossam_elwani]

شكرا استاذ moody_687

يعنى لو مطلوب فيها 115 تبقى كتير ؟؟

[moody_687]

لا عادى اصل انا قايلها بالتقريب ممكن يكون عارف عربيته كويس وعارف انه عامل صيانتها كويس ف التوكيل ومراعيها ومش متبهدلة بس حاول انك تنزل برده معاه وادخل ع كونتكت كارز وشوف الاسعار برده

[blazer]

بس تعمل حسابك على فلوس صيانتها اول ما تشتريها
معتقدش عربية زى دى هتصرف اقل من 5000 جنية صيانة

[zangry]

كان في وحدة لونها لبنى في اسكندرية ماشية 70 تقريبا ! وهاى لاين برده وشكلها نضيف جداا وبنفس السعر

[hossam_elwani]

بس تعمل حسابك على فلوس صيانتها اول ما تشتريها
معتقدش عربية زى دى هتصرف اقل من 5000 جنية صيانة

ايه المقصود بصيانه تتكلف 5000 ؟؟؟


اى صيانه بالتحديد


وهل الصيانه الدوريه ليها كل فلوسها كده ؟؟

[PMPO]

السلام عليكم ... أنا آسف ان أنا بدخل في الموضوع على طول بس حبيت أشارك وأستفسر
فيه عربية قدامي فيكترا 2008 مش عارف هيا هاي لاين ولا توب لاين لإني معرفش الفرق بس بعض مواصفاتها فتحة سقف كهربا كراسي كهربا والفتيس ايزى ترونيك اللون اسود مطلوب فيها 115 ألف فياريت أعرف رأيكم فيها وفي السعر وازاي أقدر أعرف كل حاجة فيها خبطات أو مشاكل داخلية هل ممكن أروح لتوكيل يكشفلي على العربية بالكمبيوتر ولو ينفع فين توكيل الأوبل "أنا من طنطا"
ودي صورة ليها من جوة
طبعاً مش دي العربية لكن أنا أقصد انها نفس الشكل ده بالظبط
شكراً جداً لكم

[moody_687]

الاستاذ يقصد صيانة 60 الف كيلو ودى تعملها 3000 الاف ج او 2500 بيغير السيور والزيوت وبترجع العربية زى الاول
السعر مناسب بس روح التوكيل اكشف عليها كمبيوتر والمهم بتكون بتعرف تسوق مانيوال عشان تتاقلم ع الايزى ترونيك بسهولة ومش تشتكي منه