رعشه في الطاره

[hagagatc]

عندي مشكله لما العربيه توصل ل ١٤٠ الطاره بلاقي فيها رعشه
انا اعرف ان ده ترصيص
طيب هو في اسباب بتعمل كده تانيه يريت لو حد عنده فكره يقلي وعايز اعرف حد يكون بيرصص كويس وضبط زوايا ممتاز عشان انا رصصت وضبط زوايا وبرضوا ولا الدموع ويفضل قريب من القناطر الخيريه او شبرا
انا عربيتي اوبل فيكترا ٢٠٠٣

[mohammed_memo]

بص هى ممكن تكون الطنبوره بتاعت الفرامل خفيفه فى مكنها بص عليها بردو

[فادى محمد]

-رعشه قبل سرعه 100كم =ترصيص امامي
-رعشه بعد سرعه 100كم=ترصيص خلفي
-لو مركب جنوط راجع الرينجات بتاعتها
-حاله الكاوتش بوجه عام بتاثر كتير علي اداء الدركسيون

[maio_do]

انا عربيتى لانوس وكانت بتعمل نفس الرعشة عند 120

غيرت فردتين ورصصت والحمد لله مفيش رعشة

بالنسبة للترصيص لو عايز مكان كويس انا مش عارف المنطقة عندك

ممكن تروح عند اى توكيل بريتجتسون وهو يظبطلك الكلام

[MuhamedNabil]

درعات علبة الدركسيون لو متأكلة من اكتر الحجات البتعمل رعشة خصوصا لو الرعشة بتيجى و تروح او لو بتزيد اول متدوس فرامل
و الكشف عليهم بسيط جدا ممكن تعمله بنفسك
ترفع العجلة الامامية بالكوريك و تمسكها من الجانبين و تحركها لو لقيت فيها بوش يبقى الدراع بتعها عايز يتغير
برده و انت بتحود على الاخر و الاطريق منقر شوية حتسمع صوت تخبيط كده

[hagagatc]

درعات علبة الدركسيون لو متأكلة من اكتر الحجات البتعمل رعشة خصوصا لو الرعشة بتيجى و تروح او لو بتزيد اول متدوس فرامل
و الكشف عليهم بسيط جدا ممكن تعمله بنفسك
ترفع العجلة الامامية بالكوريك و تمسكها من الجانبين و تحركها لو لقيت فيها بوش يبقى الدراع بتعها عايز يتغير
برده و انت بتحود على الاخر و الاطريق منقر شوية حتسمع صوت تخبيط كده

تقصد الاسكاتره

[reallistic]

ممكن برضه يكون من بلي العجل لو فيه بوش
و كمان زي ما هو مذكور فوق ممكن يكون الكاوتش مش تمام

[hagagatc]

مشكوووور يا رجاله علي الاهتمام
متابع اسباب اخري

[mifs]

زي ما قال الاخوة الافاضل
ترصيص + حالة الكاوتش

[MuhamedNabil]

تقصد الاسكاتره

بالضبط كدة , و هى عبارة عن جزئين جزء حارجى بيسموه البيضات و جزء داخلى عبارة عن الدراع المربوط فى الاسكترا و الكشف عليه زى مقولتلك فى المشاركة الاولى و لو مسكت الدركسيون و جبته يمين و شمال بسرعة و بيعمل صوت تخبيط كده عند رجليك دى برده من الاعراض

[hagagatc]

بالضبط كدة , و هى عبارة عن جزئين جزء حارجى بيسموه البيضات و جزء داخلى عبارة عن الدراع المربوط فى الاسكترا و الكشف عليه زى مقولتلك فى المشاركة الاولى و لو مسكت الدركسيون و جبته يمين و شمال بسرعة و بيعمل صوت تخبيط كده عند رجليك دى برده من الاعراض

لا انا عندي صوت بسمعه من القطمه زي صوت طقطقه لما الف الدركسون يمين وشمال

[MuhamedNabil]

لا انا عندي صوت بسمعه من القطمه زي صوت طقطقه لما الف الدركسون يمين وشمال

الصوت ده و انت واقف ولا وانت ماشى
على العموم اعمل بقى الموضوع القلتلك عليه بتاع الدرعات و ده فيديو بيوضح ازاى بس الحالة الفيه الدرعات كانت ضايعة


Bad Inner Tie Rod 2001 Sable Wagon - YouTube

[hagagatc]

الصوت ده و انت واقف ولا وانت ماشى
على العموم اعمل بقى الموضوع القلتلك عليه بتاع الدرعات و ده فيديو بيوضح ازاى بس الحالة الفيه الدرعات كانت ضايعة


bad inner tie rod 2001 sable wagon - youtube

وانا واقف لما الف الطاره يمين وشمال وبسمعها سعات وانا ماشي بس في ناس قالتلي دي صليبه

[Hesham.H]

وانا واقف لما الف الطاره يمين وشمال وبسمعها سعات وانا ماشي بس في ناس قالتلي دي صليبه

هى غالبا صليبه الدركسيون زى ما قالوا لك ... لان الطقطقه فى الدركسيون حاجه من اتنين
١ دراعات الاسكاترا وبتتغير ... نوع تركى نضيف اوى عامل ٩٠ جنيه الدراع
٢ صليبه الدركسيون ومكانها فى قطمه الدركسيون عند الدواسات ... وسعرها استيراد حوالى من ٢٠٠ الى ٢٥٠ جنيه
هى حاجه من دول وغالبا التانيه بأمر الله ..... تحياتى

[mexmarine]

لا انا عندي صوت بسمعه من القطمه زي صوت طقطقه لما الف الدركسون يمين وشمال

لو طقطقه واحده او اتنين شوف البطاحات