استفسار بخصوص وزن السيارة

[grinsh]

السادة الافاضل مالكي الاوبل
ان شاء الله انا مقبل علي شراء استرا 2013 وبصراحة السيارة كويسة جدا بس انا متخوف من حاجة واحده بس وهي ان وزن العربية فاضي حوالي 2000 كجم يعني 2 طن فهل ده مش هيبقي حمل علي الموتور 1600- 115 حصان وهتيقي العربية تقيله في السحب زانا عارف طبعا ان الوزن ده معناه ثبات رائع علي الطريق بس مش عارف خايف تطلع العربية بطه بلدي خصوصا وان مكتوب عليها كمان ان الوزن الاجمالي بالركاب بالامتعة 3000 كجم يعني 3 طن مش عارف بصراحة هل فعلا الموتور ده هيكون ضعيف علي العربية دي ولا ايه !!!!
ارجو الافادة علشان المفروض احجز قريب

وشكرا للجميع

[Hosam_Optrawy]

الارقام دى مش مظبوطه طبعا

العربيه وزنها فاضيه يتراوح بين 1393 - 1503 كجم حسب التجهيزات والكماليات

والتسارع من 0 - 100 فى 13.3 ثانيه

[grinsh]

استاذ حسام احترمك كثيرا وشكرا لردك
بس فعلا دي الارقام اللي مكتوبة في جنب العربية لما تفتح الباب وكمان مسئول المبيعات اكدلي الكلام ده

ايه رأيك اعمل ايه.....

[Hosam_Optrawy]

يافندم العفو شكرا لذوقك

الارقام اللى قولتها لحضرتك من البروشور بتاع المانيا

والاوزان دى شامله وزن السائق ( متوسط 75 كجم ) وتقريبا وتنك البنزين مليان كمان

فا متقلقش الارقام اللى قولتهالك اكيده

[amrelsaqqa]

لما الاسترا 2 طن يبقى الفيكترا كام ، ولا الاوكتافيا كام
لا طبعا الكلام ده غير صحيح بالمرة وكلام الاستاذ حسام هو اللى صح

[akmm]

؟؟؟؟؟؟؟؟؟؟؟؟؟؟؟؟؟؟؟ .. فعلا تحتار .

[Hosam_Optrawy]

لما الاسترا 2 طن يبقى الفيكترا كام ، ولا الاوكتافيا كام
لا طبعا الكلام ده غير صحيح بالمرة وكلام الاستاذ حسام هو اللى صح

شكرا ياباشا

وعلى فكره ولا حتى الفيكترا ولا الانسينيا ولا الفنتازيا ولا السوبرب ولا باسات وزنهم يوصل ل 2 طن , دا رقم كبير اوى على عربيات فى الفئه دى

دى الفئه الخامسه الجديده 550i وزنها 1900 كجم فاضيه :)

[dede_dodo88]

دي البيانات اللي على باب العربية عندي (هاتشباك)..

[amrelsaqqa]

شكرا ياباشا

وعلى فكره ولا حتى الفيكترا ولا الانسينيا ولا الفنتازيا ولا السوبرب ولا باسات وزنهم يوصل ل 2 طن , دا رقم كبير اوى على عربيات فى الفئه دى

دى الفئه الخامسه الجديده 550i وزنها 1900 كجم فاضيه :)

تمام ، مانا بقول لو الاسترا 2 طن يبقى الاوكتافيا مثلا 2 طن ونص بقى ، اللى هو هيبقى اصلا مستحيل

[Amrgamal1]

عربيه اصلي ,صاج محمل وخامات كواليتي عالي
يعني تعجبك لو خفيفه زي الفيرنا و اسرع غيار اول في مصر بس ع الطريق خفيفه ومالهاش لازمة ؟

وبعدين متهيقلي اللي يفرق في الوزن الـ torque مش الـ horsepower

[mohamed_mohsen]

العربيه لو 2 او 3 طن مش هتمشي اساساً بموتور 1.6!!

[grinsh]

اهي الصورة عند ديدي دودي 1940و 3100 دا ايه بقي !!!!!!!

[moody_687]

طيب انا عندى نفس الكلام ف الفيكترا سي وزنها 1850 كيلو مش عارف بقى وهى فاضية ولا لا ف حين الاسكودا ايه فايف وزنها 1930 كيلو مع ان المفروض الفيكترا اتقل من الاسكودا